فیض جس روز قضا آئے گی - فیض احمد فیض

[پیاسا صحرا]

کس طرح آئے گی جس روز قضا آئے گی
شاید اس طرح کہ جس طور کبھی اولِ شب
بے طلب پہلے پہل مرحمتِ بوسہء لب
جس سے کھلنے لگیں ھر سمت طلسمات کے در
اور کہیں دور سے انجان گلابوں کی بہار
یک بیک سینہء مہتا ب کو تڑپانے لگے
شاید اسطرح کہ جس طور کبھی آخرِ شب
نیم وا کلیوں سے سر سبز سحر
یک بیک حجرہء محبوب میں لہرانے لگے
اور خاموش دریچھوں سے بہ ہنگامِ رحیل
جھنجھناتے ھوئے تاروں کی صدا آنے لگے
کس طرح آئے گی جس روز قضا آئے گی
شاید اس طرح جس طور تہِ نوکِ سناں
کوئی رگ واہمہء درد سے چلانے لگے
اور قزاق سناں دست کا دھندلا سایہ
از کرں تا بہ کراں دہر پہ منڈلانے لگے
جس طرح آئے گی جس روز قضا آئے گی
خواہ قاتل کی طرح آئے کہ محبوب صفت
دل سے بس ھو گی یہی حرفِ ودع کی صورت
للہ الحمد بانجام دلِ دل زدگاں
کلمہ شکر بنامِ لبِ شیریں دہناں

 

[فاتح]

کس طرح آئے گی جس روز قضا آئے گی ۔ فیض احمد فیضؔ

کس طرح آئے گی جس روز قضا آئے گی
شاید اس طرح کہ جس طور کبھی اوّلِ شب
بے طلَب پہلے پہَل مرحمتِ بوسۂ لب
جس سے کھُلنے لگیں ہر سَمت طلسمات کے در
اور کہیں دور سے انجان گلابوں کی بہار
یک بیک سینۂ مہتاب کو تڑپانے لگے
شاید اس طرح کہ جس طور کبھی آخرِ شب
نیم وا کلیوں سے سر سبز سحر
یک بیک حجرۂ محبوب میں لہرانے لگے
اور خاموش دریچوں سے بہ ہنگامِ رحیل
جھنجھناتے ہوئے تاروں کی صدا آنے لگے
شاید اس طرح کہ جس طور تہِ نوکِ سناں
کوئی رگ واہمۂ درد سے چِلّانے لگے
اور قزّاقِ سناں دست کا دھندلا سایہ
از کراں تا بہ کراں دہر پہ مَنڈلانے لگے
خواہ قاتل کی طرح آئے کہ محبوب صفَت
دل سے بس ہو گی یہی حرفِ ودع کی صورت
لِلّٰہِ الحَمد بانجامِ دلِ دل زدَگاں
کلمۂ شکر بنامِ لبِ شیریں دہناں
فیض احمد فیضؔ
(1972)
​

زہرہ نگاہ کی آواز میں فیض صاحب کی یہ نظم ترنم کے ساتھ

 

[کاشفی]

واہ واہ جناب۔۔عمدہ انتخاب ہے۔ بیحد شکریہ شریک محفل کرنے کے لیئے۔۔

 

[فاتح]

بہت شکریہ کاشفی صاحب۔ محبت ہے آپ کی۔
فرخ صاحب! آپ کا بھی شکریہ کا بٹن دبانے پر شکریہ