جدا

[عمر سیف]

شمشاد جو نظم سارہ نے پوسٹ کی اس کے شاعر ‘ عاطف سعید ‘ ہیں۔

بچھڑ گیا وہ جُدائی کے موڑ سے پہلے
کی اس کے بعد محبّت میں صرف خواری تھی

 

[شمشاد]

یہ ہم ہی جانتے ہیں جُدائی کے موڑ پر
اِس دل کا جو بھی حال تجھے دیکھ کر ہُوا
(نوشی گیلانی)

 

[عمر سیف]

میں تو سمجھا تھا کہ لوٹ آیا ہے جانے والا
تو نےآ کر تو جُدائی میری قسمت کر دی

 

[شمشاد]

ابھی سے حرفِ رخصت کیوں جب آدھی رات باقی ہے
گل و شبنم تو ہوتے ہیں جدا آہستہ آہستہ
(احمد ندیم قاسمی)

 

[عمر سیف]

ہم خود بھی جُدائی کا سبب تھے
اُس کا ہی قصور سارا کب تھا

 

[شمشاد]

فاصلہ تو ہے مگر کوئی فاصلہ نہیں
مجھ سے تم جدا سہی دل سے تو جدا نہیں
(شمیم کرھانی)

 

[سارہ خان]

وہ ہم نہیں، جنہیں سہنا یہ جبر آ جاتا
تیری جدائی میں کس طرح صبر آ جاتا

وہ فاصلہ تھا دُعا اور مستجابی میں
کہ دُھوپ مانگنے جاتے تو ابر آ جاتا

 

[شمشاد]

جس کی آنکھوں میں کٹی تھیں صدیاں
اس نے صدیوں کی جُدائی دی ہے
(گلزار)

 

[عمر سیف]

خانہِ اُمید بے نور و ضیا ہونے کو ہے
چشمِ تر سے آخری آنسو جدا ہونے کو ہے

 

[شمشاد]

تنکا تنکا کانٹے توڑے ، ساری رات کٹائی کی
کیوں اتنی لمبی ہو تی ہے، چاندنی رات جُدائی کی
(گلزار)

 

[عمر سیف]

عجیب رت ہے جدائیوں کی، عذاب دن ہیں عذاب راتیں
میں چند مہمل سے لفظ لکھ کر یہ سوچتا ہوں کہ کچھ لکھوں گا

 

[شمشاد]

وہ بھی خاموش تھا جُدائی پر
ہم نے بھی ضبط کر لیا لوگو
(نوشی گیلانی)

 

[عمر سیف]

زندگی بھر ساتھ دینے کی قسم کھاؤ نہ
میں نے سایوں کو بھی دیکھا ہے جدا ہوتے ہوئے

 

[شمشاد]

کٹ ہی گئی جدائی بھی کب یہ ہوا کہ مر گئے
تیرے بھی دن گزر گئے ، میرے بھی دن گزر گئے
(عدیم)

 

[عمر سیف]

جدائی، رت جگا، کربِ مسلسل
چلو تم نے ہمیں کچھ تو دیا ہے

 

[شمشاد]

وہ دیکھ کے حسن اپنا مغرور ہوا غالب
صد جلوۂ آئینہ یک صبحِ جدائی ہے
(غالب)

 

[عمر سیف]

موج چنچل سہی، خود سر ہے کنارہ لیکن
مل کے رہتے ہیں اگر وقت جدا کرتا ہے

 

[شمشاد]

یوں بھی نہیں کہ میرے پاس ہے میرا وہ ہم نفس
یہ بھی غلط کہ مجھ سے جدا ہو گیا وہ شخص

 

[عمر سیف]

حوصلہ تجھ کو نہ تھا مجھ سے جدا ہونے کا
ورنہ کاجل تیری آنکھوں میں نہ پھیلا ہوتا

 

[شمشاد]

ہے جنوں اہلِ جنوں کے لیے آغوشِ وداع
چاک ہوتا ہے گریباں سے جدا میرے بعد
(غالب)