اصغر گونڈوی جان نشاط حسن کی دنیا کہیں جسے - اصغر گونڈوی

[کاشفی]

غزل​

(اصغر حسین اصغر گونڈوی)​

​

جان نشاط حسن کی دنیا کہیں جسے​

جنت ہے ایک خونِ تمنّا کہیں جسے​

​

اس جلوہ گاہ حسن میں چھایا ہے ہرطرف​

ایسا حجاب چشم تماشا کہیں جسے​

​

ہر موج کی وہ شان ہے جامِ شراب میں​

برق فضائے وادیء سینا کہیں جسے​

​

میں ہوں ازل سے گرم رو عرصہء وجود​

میرا ہی کچھ غبار ہے، دنیا کہیں جسے​

​

میری فغان درد پہ اس سروناز کو​

ایسا سکوت ہے کہ تقاضا کہیں جسے​

​

سرمستیوں میں شیشہء مے لے کے ہاتھ میں​

اتنا اُچھال دیں کہ ثریا کہیں جسے​

​

اصغر نہ کھولنا کسی حکمت مآب پر​

رازِ حیات، ساغر و مینا کہیں جسے​

 

[محمد وارث]

شکریہ کاشفی صاحب شیئر کرنے کیلیے۔

 

[کاشفی]

شکریہ کاشفی صاحب شیئر کرنے کیلیے۔

محمد وارث صاحب، فرخ منظور صاحب اور شاکرالقادری صاحب۔ آپ تینوں احباب کا غزل کی پسندیدگی کے لیئے بیحد شکریہ۔ خوش رہیں۔​

 

[محمداحمد]

بہت اعلیٰ!

خوش رہیے۔

 

[محمود احمد غزنوی]

میں ہوں ازل سے گرم رو عرصہء وجود​

میرا ہی کچھ غبار ہے، دنیا کہیں جسے​

​

بہت خوب۔۔۔شکریہ جناب کاشفی صاحب، ایسا کہاں سے لاؤں کہ تجھ سا کہیں جسے ​

 

[کاشفی]

بہت اعلیٰ!
خوش رہیے۔

بیحد شکریہ محمد احمد بھائی۔۔۔ اللہ رب العزت آپ کو آپ کے دلعزیز لوگوں کے ساتھ خوش و خرم رکھے۔۔۔ آمین

 

[کاشفی]

میں ہوں ازل سے گرم رو عرصہء وجود​

میرا ہی کچھ غبار ہے، دنیا کہیں جسے​

​

بہت خوب۔۔۔ شکریہ جناب کاشفی صاحب، ایسا کہاں سے لاؤں کہ تجھ سا کہیں جسے ​

بہت شکریہ محمود احمد غزنونی صاحب! خوش رہیں ہمیشہ۔۔