تین عورتیں تین کہانیاں

وقار علی ذگر نے 'آپ کی تحریریں' کی ذیل میں اس موضوع کا آغاز کیا، ‏جولائی 25, 2020

  1. وقار علی ذگر

    وقار علی ذگر محفلین

    مراسلے:
    311
    جھنڈا:
    Pakistan
    موڈ:
    Brooding
    تین عورتیں، تین کہانیاں

    تین عورتیں تین کہانیاں نام سُنتے یا پڑھتے ہی ذہن اخبار جہاں کے رنگین صفحوں کی طرف چل دوڑتا ہے جس میں (تین عورتیں، تین کہانیاں) کے نام سے کہانی کا ہونا کامیابی اور قاری کو اپنی طرف راغب کرنے کا ضروری عنصر سمجھا جاتا رہاہے۔ نام ہی سے اندازہ لگایا جاسکتا ہے، اس میں کہانی خواتین کے مثلث گروپ کے گرد گھومتی ہے۔ جس میں یا تو ساس، بہو اور بیٹی کبھی سالی، بیوی اور بہن یا پھر اسی طرح کے رشتوں کے دمیان گھریلو ناچاقی کا ہونا لازم ہوا کرتا تھا اور جتنی ذہنی اذیت ان کہانیوں نے ہماری گھریلو خواتین کو دی ہے شاید ہی کسی اور ذرائع سے انھیں یہ اذیت نصیب ہوئی ہو۔ شریف اور سیدھی سادھی خواتین ان کہانیوں کو پڑھ کر ہائے، ہائے کا وِرد کرتی تو چالاک اور تیزطرار عورتیں ان کہانیوں سے گُر سیکھتی۔ لیکن سوچنے کی بات یہ ہے کہ جولائی 2020، ٹیکنالوجی اور مصروف ترین دور میں بندہ ناچیز کو (تین عورتیں ، تین کہانیاں) کا عنوان کیسے ذہن میں آیا اور اس سے بھی بڑھ کر ایک مضمون نما کہانی لکھنے کی طرف آنا ضرور دال میں کچھ تو کالا ہے۔ اور اس دال میں کالے پن کا پورا سہرہ "علامہ اقبال اوپن یونیورسٹی" کو جاتا ہے۔ گزشتہ برس کسی خیر خواہ نے یہ مشورہ دیا تھا کہ "علامہ اقبال اوپن یونیورسٹی" سے بی ایڈ کرلیں کافی سودمند ثابت ہوسکتا ہے لیکن اتنا سود مند ثابت ہوگا، کہ جنس کی پہچان بھی نہیں ہوگی یہ کبھی سوچا نہیں تھا۔

    بی ایڈ (5۔2) سالہ کورس کے پہلے سیمسٹر میں جب ہمارے کورس کوڈ 6401 کی ٹیچر "ہنی رضا Honey Raza" مقرر ہوئی تو جب ان سے اسائمنٹ معلومات کیلئے رابطہ کرتا رہتا تو میں انھیں ( السلام علیکم سر) لکھ کر مخاطب کرتا اور جواب ملنے پر (شکریہ سر) کا جواب دیتا، اور یہ سلسلہ چلتا رہا لیکن جب ایک بار ان کا Voice Message گروپ میں آیا تو سن کر 440 والٹ کا جھٹکا لگا اور شکر کیا کہ اچھا ہوا کبھی شرمندگی کا سامنا نہیں کرنا پڑا اور میم کو سر کہنے کے بعد بھی ان کے جوابات سے کبھی محروم نہیں ہونا پڑا اور اچھے نمبرات بھی ملے اور سیمسٹر بھی پورا ہوا۔
    سنا تھا تاریخ خود کو دہراتی ہے لیکن اتنا جلدی دہرائے گی اسکا اندازہ دوسرے سیمسٹر میں ہوا جب کورس کوڈ 8609 کی ٹیچر "فرحت شہاب رضا Farhat Shahab Raza" سے سامنا ہوا۔ اب ان تینوں ناموں فرحت، شہاب اور رضا میں کون سا نام خواتین کے لئے استعمال ہوتا ہے لیکن ہماری تو قسمت ہی ایسی ہے کیا کریں انھیں مسیج کیا (السلام علیکم سر ) اور باقی روداد لکھی، جواب بھی ملا اور حسب روایت (شکریہ سر) کا جواب بھی دیا لیکن انھوں نے تصحیح کی اور لکھا (میم ) اور پھر مارے شرمندگی کے جواب ہی نہیں دے پایا.
    اور اس بار یعنی تیسرے سیمسٹر میں 6497 کے ٹیچر کا موبائل نمبر پر مسیج آیا اسائمنٹ جمع کروانے کے حوالے سے اور آخر میں اپنا نام ڈاکٹر نسیم سرور Dr Nasim Sarwar درج تھا۔ اب چونکہ پہلے ہی دوبار میں دھوکا کھا چکا تھا سوچا کیاکروں جواب دوں یا نہ دوں اور آخر کار میں نے جواب دیا (Ok Ma'am) لیکن شومئی قسمت اس بار بھی نشانہ صحیح جگہ نہیں لگا اور مسیج آیا (Dear Student, Dr Muhammad Nasim Sarwar) اب میں نے سوچا کہ کیاکروں سر دیوار پہ دے ماروں یا دیوار سر پہ ماروں لیکن خربوزہ چھری پہ گرے یا چھری خربوزے پہ نقصان تو خربوزے کا ہی ہوگا اور پھر وہ خربوزہ یعنی کے طالب علم "علامہ اقبال اوپن یونیورسٹی" کا ہو تو سونے پہ سہاگہ۔ اب جہاں بہت کچھ جھیل رہے ہیں ، سیکھ رہے ہیں وہاں اُمید ہے یہ مسئلہ بھی مسئلہ کشمیر کی طرح گھمبیر نہیں ہوگا اور ہم اس جنسی پہچان جیسے مسئلے پر بھی اپنی گرفت بٹھا لینگے اور سر کو سر اور میم کو میم کہنے کی پوزیشن میں آجائینگے (انشاء اللہ)

    وقار علی
    (19 جولائی 2020)
     
    آخری تدوین: ‏جولائی 26, 2020
    • پسندیدہ پسندیدہ × 3
  2. محمد خلیل الرحمٰن

    محمد خلیل الرحمٰن مدیر

    مراسلے:
    10,679
    جھنڈا:
    Pakistan
    موڈ:
    Festive
    تین عورتیں تین کہانیاں اردو ڈائجسٹ کا نہیں بلکہ "اخبارِ جہاں" ک مقبول سلسلہ رہا ہے۔
     
    • پسندیدہ پسندیدہ × 1
    • معلوماتی معلوماتی × 1
    • متفق متفق × 1
  3. وقار علی ذگر

    وقار علی ذگر محفلین

    مراسلے:
    311
    جھنڈا:
    Pakistan
    موڈ:
    Brooding
    بلکل سر
     
    • دوستانہ دوستانہ × 2
  4. محمد خلیل الرحمٰن

    محمد خلیل الرحمٰن مدیر

    مراسلے:
    10,679
    جھنڈا:
    Pakistan
    موڈ:
    Festive
    رعنا فاروقی ترتیب دیتی تھیں اس سلسلے کو۔
     
    • معلوماتی معلوماتی × 1
    • متفق متفق × 1
  5. سیما علی

    سیما علی لائبریرین

    مراسلے:
    13,091
    جھنڈا:
    Pakistan
    موڈ:
    Cool
    بالکل سر !
    یہ اسٹیٹ بینک میں تھیں۔میری ان سے ملاقات ایک سیمنار میں ہوئی پھر دوستی میں بدل گئی۔۔۔۔میر ا بڑا پسندیدہ سلسلہ تھا۔۔۔
     
    آخری تدوین: ‏جولائی 26, 2020
    • معلوماتی معلوماتی × 1
    • دوستانہ دوستانہ × 1
  6. ٹائپنگ ماسٹر

    ٹائپنگ ماسٹر محفلین

    مراسلے:
    35
    ایک پرانے محلے دار لڑکے ”ذیشان“ کا تقریباً 20 سال بعد کہیں ذکر ہو رہا تھا تو پتہ چلا کہ اُن کی شادی ’’مس وقار‘‘ کے ساتھ ہوئی ہے۔ ہمیں بھی یہ سن کر بقول آپ کے 440 واٹ کا جھٹکا لگا تھا کہ ”اللہ خیر کرے کہیں پاکستان میں بھی تو یہ سلسلہ شروع نہیں ہو گیا جو کہ آج تک مذہبی و معاشرتی اقدار سے متصادم اور خلافِ فطرت سمجھا جاتا تھا۔“ بہرحال ”وقار علی“ ہمیں بھی آپ کو مخاطب کرتے ہوئے محترم یا محترمہ لکھنے کی ہمت نہ ہوئی کہ کہیں جانے اَن جانے میں حقیقت کے برعکس الفاظ کے چناؤ سے ہمیں بھی شرمساری کا سامنا نہ کرنا پڑے۔ واضح رہے کہ خاکسار کو ”ذیشان“ نامی لڑکی دیکھنے کا بھی شرف حاصل رہا ہے جبکہ اکثر و بیشتر یہ نام صرف لڑکوں کے لیے ہی مخصوص رہا ہے۔
     
    • پر مزاح پر مزاح × 5
  7. سیما علی

    سیما علی لائبریرین

    مراسلے:
    13,091
    جھنڈا:
    Pakistan
    موڈ:
    Cool
    سر میں جب ایم بی اے کر رہی تھی تو کچھ نئے بچوں کے نام سن کے بڑی حیرت ہوئی ایک بچے کا نام انم اور دوسرے کا نام دعا۔کلاس میں حاضری کے دوران انکشاف ہوا دونوں لڑکے ہیں۔ ایک انم خان دوسرے دعا احمد۔۔۔۔۔۔۔
     
    • پر مزاح پر مزاح × 3
  8. حمیرا حیدر

    حمیرا حیدر محفلین

    مراسلے:
    70
    میری پھوپھی مرحومہ کا نام جمشید تھااور میری خالہ کا نام آفتاب ہے۔
     
    • پسندیدہ پسندیدہ × 2
  9. سیما علی

    سیما علی لائبریرین

    مراسلے:
    13,091
    جھنڈا:
    Pakistan
    موڈ:
    Cool
    پہلے اس طرح نام بہت رکھے جاتے تھے ۔اقبال،افسر جہاں،سعید بانو۔۔۔۔۔۔
     
    • متفق متفق × 1
  10. محمل ابراہیم

    محمل ابراہیم لائبریرین

    مراسلے:
    384
    جھنڈا:
    India
    موڈ:
    Angelic
    جیسے کہ میرے نام کے ساتھ یہ مسٔلہ ہے۔۔۔:laugh1:
     
    • پسندیدہ پسندیدہ × 1
  11. بابا-جی

    بابا-جی محفلین

    مراسلے:
    1,352
    دیوار سر پر مارنے کا کیا نسخہ ہے؟ ممکن ہو تو اشکال سے واضح کریں۔
     
  12. وقار علی ذگر

    وقار علی ذگر محفلین

    مراسلے:
    311
    جھنڈا:
    Pakistan
    موڈ:
    Brooding
    اب آپ خود ہی واضح کردیں کہ آپکو بھائی ابراہیم کہہ کر مخاطب کریں یا پھر محترمہ محمل کہہ کر؟ اس طرح ایک اور غلطی سے بچ جائینگے. :bashful:
     
    • پر مزاح پر مزاح × 1
  13. محمل ابراہیم

    محمل ابراہیم لائبریرین

    مراسلے:
    384
    جھنڈا:
    India
    موڈ:
    Angelic
    بعد والا آپشن بجا ہوگا۔:laugh1:
     
    • دوستانہ دوستانہ × 1

اس صفحے کی تشہیر