تین درویش

[نوید رزاق بٹ]

تین درویش صحرا میں آگ کے گِرد بیٹھے گفتگو کر رہے ہیں۔

(پہلا)
امیری آزمائش
فقیری آزمائش
اسیرِ زندگی تُو
اسیری آزمائش​

(دوسرا)
محبت بیقراری
تمنا بیقراری
خلیلی امتحاں ہے
کلیمی آزمائش​

(تیسرا)
توجہ آزمائش
حقارت آزمائش
نگاہِ یار کی ہر
شرارت آزمائش​

(پہلا)
مکاں و لا مکاں میں
صدائے حق ھُوْ ہے
وہی ہے درمیاں اور
وہی جو چار سُو ہے​

(دوسرا)
وہی زادِ سفر ہے
وہی بانگِ سَحَر ہے
وہی ہے رہنما اور
اُسی کی جستجو ہے​

(تیسرا)
نہیں محبوب اُس بِن
نہیں مطلوب اُس بِن
وہی دل کی تڑپ اور
وہی رازِ سُکوں ہے

(نوید رزاق بٹ)​

 

[محمد علم اللہ]

واہ سبحان للہ
کیا بات ہے
کمال کے اشعار بھیا جی کمال کے ۔۔۔ڈھیروں داد قبول کیجئے

 

[نایاب]

بہت خوب
ڈھیروں دعاؤں بھری داد

 

[محمود احمد غزنوی]

واہ بہت خوب۔۔۔ایک سالک، ایک مجذوب اور ایک عاشق۔

 

[محمد وارث]

خوب نظم ہے جناب۔

اور چوتھا درویش شاید یہ سب کچھ تحریر کر رہا تھا

 

[نوید رزاق بٹ]

تمام احباب کا بے حد شکریہ