نوید رزاق بٹ

“ناپاک” "آسمان والے کا واسطہ حاجی صاحب۔۔۔۔ آسمان والے کا واسطہ۔۔۔۔۔ ہمارے بچوں کو بچا لیں!" دروازہ کُھلتے ہی یوحنا حاجی سلیم کے قدموں میں گِر پڑا اور بلبلا کر رونے لگا۔ پیچھے اُس کی بیوی گُھٹنوں کے بل بیٹھی اپنے دو بچوں کو کسی پاگل دیوانے کی طرح پیار کئے جا رہی تھی۔ وہ اُنہیں سینے سے لگاتی،...

ایک سوال کِیا ہے کس نے خراب لوگو؟ بتاؤ کر کے حساب لوگو ہمی تو ہیں اِس چمن کے باسی ہمی نے روندے گلاب لوگو! ترستے پنچھی نے جان دے دی ملی نہ پانی کی بوند اُس کو! چُرا کے سارے چمن کے چشمے سجائے کِس نے سراب لوگو؟ کِیا ہے کس نے خراب لوگو؟ بتاؤ کر کے حساب لوگو ہمی تو ہیں اِس چمن کے باسی ہمی نے روندے...

ہر پل دلِ ناشاد تجھے یاد کرے ہے یوں وقت تِری یاد میں برباد کرے ہے لٹکا ہُوا زنجیر سے ملتا ہے محل میں اِس دور میں مظلوم جو فریاد کرے ہے مِلتا ہے درِ یار سے اِکسیر کی صورت وہ درد جو ہر درد سے آزاد کرے ہے ( نویدؔ رزاق بٹ)

کتابِ حسرت میں خاص ہو گا، کمالِ حسرت کا یہ فسانہ نہ صُبح پھوٹی، نہ آس ٹُوٹی، نہ تُو ہی آیا، نہ دل ہی مانا ( نویدؔ رزاق بٹ)

رسمِ غلامی ہم کو عادت ہے جُھک کے رہنے کی صدقِ دل سے خراج دیتے ہیں ایک گِرتا ہے منہ کے بل جونہی دُوسرا ہم تراش لیتے ہیں ( نویدؔ رزاق بٹ)

'ذہنی غلامی' جن جبینوں میں صرف سجدے ہوں کیا کمی اُن کو آستانوں کی؟ ( نویدؔ رزاق بٹ)

دیکھ کے تیری شوخ ادا بسمل بولے، 'بسم اللہ!' ( نویدؔ رزاق بٹ)

چند 'گستاخ' اشعار :) مال نہیں تو جینا ناحق، جا مِٹ جا خاموشی سے! ہاسپٹل کے دروازے پر لکھ ڈالا مجبوروں نے لالچ اُن کی دیکھ کے توبہ کرتے تھے سرمایہ دار اپنے کام کی پُوری اُجرت مانگی تھی مزدوروں نے (نویدؔ رزاق بٹ)

اب صحبتِ یاراں کی خاطر پیتے ہیں یہاں جو پیتے ہیں ہم نشہء مے سے واعظ جی! آزاد ہوئے ہیں سو فیصد تعمیر کے جذبے مِٹ جائیں، تخریب جہاں پر گھر کر لے وہ گھر اے پیارو لکھ رکھو! برباد ہوئے ہیں سو فیصد ( نویدؔ رزاق بٹ)

خضر سے۔۔۔ کہامشکل میں رہتا ہوں کہا آسان کر ڈالو! کہ جس کی چاہ زیادہ ہو وہی قربان کر ڈالو! کہا بے قلب ہیں آہیں کہا اُس سے تڑپ مانگو! اُٹھو تاریکیءِ شب میں ذرا خونِ جگر ڈالو! کہا رازِ سُکوں کیا ہے؟ کہا لوگوں کے دکھ بانٹو! جو چہرہ بے دھنک دیکھو اُسے رنگوں سے بھر ڈالو! (نویدؔ رزاق بٹ)

گزشتہ برس استنبول میں سلطان محمد فاتح کی تلوار دیکھ کر لکھے چند اشعار قدم زمیں میں گاڑ کر گُماں کی دُھول جھاڑ کر وہ بانگ دے کہ آسماں تڑپ اُٹھے لَرَز اُٹھے! (نویدؔ رزاق بٹ)

اقبال کی وصیت نوشتہءِ رُخِ بشر نویدِ راہِ بیکراں عذابِ فکر و آگہی عذاب وہ کہ الاماں نگاہِ شوق مُضطرب حجابِ ہوش درمیاں سپاہِ عقل بے خبر نگاہِ عشق رازداں سکونِ قلب ذِکرُہُ غفور و عَفْو و مہرباں انا شہیدِ مرگِ دل خودی حیاتِ جاوداں رہینِ ذات ضو بجیب ندیمِ خلق ضو فشاں (نویدؔ رزاق بٹ)

بہار آئی تھی ایک پل کو ابھی تو کہنے تھے راز دل کے ابھی تو خاموش تھے فسانے ابھی تو کھُلنے کو مضطرب تھے حساب سارے نئے پرانے ابھی تو غنچے بھی نہ کھِلے تھے ابھی تو بلبل بھی بے خبر تھا ابھی تو سُوکھے پڑے تھے پتےّ ابھی تو سوزِ فراق تر تھا تم آئے اور یوں چلے گئے بس؟ چلو یونہی پھر تمھارے آنے کی اِس...

بھری محفل میں وہ تنہا رہا ہے کہ جس دل کو تِرا سودا رہا ہے کِیا ہے جس نے مذہب عشق اپنا زمانے بھر میں وہ رُسوا رہا ہے ثنا خوانوں کی سازش ہے یقینا بُرا ہر دور میں اچھا رہا ہے لکیریں ہاتھ کی وِیران ہیں اب کبھی اِن میں تِرا چہرہ رہا ہے حقیقت جانتا ہے ہر بَلا کی مُصیبت میں بھی جو ہنستا رہا ہے...

رائج ہے میرے دیس میں نفرت کا قاعدہ ہو جِس سے اختلاف، اُسے مار ڈالیے! (نوید رزاق بٹ)

چھوڑ جاتے ہیں سبھی راہ میں تنہا یارو رسمِ اُلفت میں کہاں رسمِ وفا ہوتی ہے! (نوید رزاق بٹ)

جزوی طور پر سورہ فاتحہ کے مفہوم پر مبنی چند اشعار۔ "مناجات" خداوندا تِرا بندہ تِری تعریف کرتا ہے کہ تُو مالک جہانوں کا کہ تُو خالق جہانوں کا کہ تُو رحمن ہے مولا تُو عالی شان ہے مولا مُصور تُو جہاں تیرا زمیں تیری زماں تیرا تِرے در پر جُھکا کر سر تِرا بندہ تجھے مانگے! دِکھا دے راہ وہ مولا جو...

تُو شریکِ سفر ہُوا نہ مگر تیری خوشبو ہے ہمسفر میری ذِکر تیرا ہے رُوح میں رقصاں تجھ کو مانگے ہے چشمِ تَر میری ایک ذر٘ہ ہُوں ایک ذر٘ے پر ذات کتنی ہے مُعتبر میری؟ پوچھتا پھر رہا ہوں تاروں سے کیا کسی کو مِلی خبر میری؟ چشمِ ساقی کو بھُول بیٹھا ہُوں دستِ ساقی پہ ہے نظر میری کل وہ چُپکے سے...

"بیماری" پنچھی جو پَلے ہوں پنجروں میں* پرواز کو سمجھیں بیماری جو ہونٹ سِلے ہوں صدیوں سے آواز کو سمجھیں بیماری جو تار کبھی نہ تڑپے ہوں وہ ساز کو سمجھیں بیماری (نوید رزاق بٹ) (* پہلا شعر مصنف اور فلمساز الیگزندرو جودوروسکی کے قول کا ترجمہ ہے)

بین السُّطور گو بظاہر ذِکر تھا اِک بے وفا کا شعر میں اُن کو جو کہنا تھا ہم سے کہہ گئے بَین السُّطور لکھ دیا ہم نے جواباً ، " کیا ہی عمدہ شعر ہے!" چوٹ ہم بھی مسکرا کر سہہ گئے بَین السُّطور (نوید رزاق بٹ)