تیرہویں سالگرہ تیرہویں سالگرہ ۔۔ ۔۔کچھ باتیں، کچھ یادیں، کچھ تصویریں

سب سے پہلے تو تمام محفلین کو اردو محفل کی 13 ویں سالگرہ مبارک ہو۔
محفل پر ہمارے بھی دس یادگار سال بیتے ہیں۔ آج جب کافی عرصہ بعد محفل کے سرورق کا جائزہ لیا تو ابتدائی دنوں کی یاد آ گئی۔ یعنی وہ دن جب مختلف زمروں کی بھول بھلیوں میں ہم بھٹک جایا کرتے تھے اور دیر تک سوچنا پڑتا تھا کہ کہاں کیا لکھا جائے (آج تو کسی بھی زمرے میں بلاجھجھک لکھنے کی صلاحیت حاصل ہے )
پچھلے دنوں ہماری بٹیا اپنے اسکول پراجکٹ کے لیے حیدرآباد کے دو تاریخی مقامات کا احوال ہماری مدد سے لکھ رہی تھی تو مختلف و منفرد تصاویر سے اردو محفل کے زمروں کے عنوان یاد آ گئے۔
تو لیجیے حاضر ہے محفل کی 13 ویں سالگرہ پر ہماری انوکھی پیش کش۔
تصاویر ہمارے اپنے موبائل کی ہیں اور مقام ہیں:
1) سالار جنگ میوزیم
2) چومحلہ پیلس

استقبالیہ (لائبریری فورم)
چومحلہ پیلس کا استقبالیہ ، یعنی نام کی تختی


سالار جنگ میوزیم کے بانی نواب میر یوسف علی خان (سالار جنگ سوم) کا مجسمہ، جو میوزیم کے استقبالیہ دروازے کے سامنے موجود ہے اور جس کی نقاب کشائی صدر جمہوریہ ہند وی۔وی۔گیری نے 25 ستمبر 1973 کو کی تھی۔
(تصویر: سالارجنگ میوزیم)


خلوت مبارک
چومحلہ (چار محل) پیلس کے شاہی دربار کی استقبالیہ راہداری

 

فیشن اور ملبوسات
آصف سابع میر عثمان علی خان ، روایتی حیدرآبادی شیروانی میں ملبوس
(تصویر: چومحلہ پیلس)



تعارف و انٹرویو
بیگم صاحبہ خدیجہ خیریہ عائشہ در شہوار سلطان عرف شہزادی درشہوار، 1931 فرانس میں ان کی شادی آخری نظام حیدرآباد میر عثمان علی خان کے بڑے صاحبزادے اعظم جاہ سے ہوئی تھی، 2006 لندن میں انتقال ہوا۔
(تصویر: چومحلہ پیلس)


اعظم جاہ بہادر اپنے فرزند اکبر مکرم جاہ بہادر کے ساتھ
(تصویر: چومحلہ پیلس)


اعظم جاہ اور درشہوار کے دونوں فرزندان مکرم جاہ (83 سال) اور مفخم جاہ (79 سال) اپنی اپنی شریک حیات کے ساتھ
(تصویر: چومحلہ پیلس)

 

تاریخ کا مطالعہ
سلطنت آصفیہ کا شجرہ
(تصویر: چومحلہ پیلس)




تاریخ اور فلسفہ
تاریخ کا فلسفہ تو صرف اتنا ہے کہ دنیا کا دربار کتنا بھی عظیم اور شاہکار ہو، دیکھنے والی نگاہوں کے لیے ایک دن محض نمائش کا مقام بھی بنتا ہے!
چومحلہ پیلس کا دربار ہال



انفارمیشن ٹیکنالوجی کی دنیا
اپنے دور کی ایک نادر و نایاب ایجاد
سالار جنگ میوزیم کی منفرد موسیقی ریز گھڑی

 

تعلیم و تدریس
اسکول کے کچھ استاد اپنی چھڑی کے ساتھ ذہن کے ایک گوشے میں ابھر آئے۔
واکنگ اسٹک
(تصویر: سالارجنگ میوزیم)






شاعری اور مصوری
اس عنوان پر سالارجنگ میوزیم کے سنگ تراشی کے دو شاہکار بت یاد آئے۔
پہلی تصویر کو دیکھنے سے قبل مشہور زمانہ فلم "مغل اعظم" کا مکالمہ یاد کر لیں
"تم ایک ایسا بت ہو، جس کے قدموں میں سپاہی اپنی تلوار، شنشاہ اپنا تاج اور انسان اپنا دل نکال کر رکھ دے"



اور یہ دوسرا مجسمہ اس شعر کے ساتھ :
کچھ خوب نہیں یہ خود نمائی
ہاں اے بت شوخ ڈر خدا سے
(مصحفی)


نوٹ: ان دونوں مجسموں میں سنگ تراشی کی مہارت لباس کے شکن سے ظاہر ہے۔


تصاویر
مغل شہنشاہ بابر کی یہ آئل پینٹنگ میوزیم کے تصاویر والے ایک کمرے میں لگی ہے۔
(تصویر: سالارجنگ میوزیم)

 

اپنا اپنا دیس
ریاست حیدرآباد کا نقشہ
(تصویر: چومحلہ پیلس)


معیشت تجارت
1912 کی رولس رائس ، نظام ہفتم میر عثمان علی خان کی خاص سواری۔ اس کا آرڈر نظام ششم محبوب علی خان نے دیا تھا مگر وہ 1911 میں انتقال کر گئے، جبکہ رولس رائس 1912 میں ڈیلیور ہوئی۔ کچھ سال قبل قدیم کاروں کی مرمت کے ایک ماہر رانا منویندر سنگھ (اندور، مہارشٹرا) کے ذریعے اسے دوبارہ تیار کرکے عوامی نمائش کے لیے چومحلہ پیلیس میں رکھا گیا ہے۔
(تصویر: چومحلہ پیلس)

 

مشاغل
ہاتھی دانت کے نادر نمونے
(تصاویر: سالارجنگ میوزیم)








سیپ پر نقاشی

 

عندلیب سس کیا ہی خوب شراکت ہے۔ شئیر کرنے کے لئے بہت شکریہ
ابھی تو وقت کی کمی کے باعث تفصیلی تبصرہ نہیں کر رہی ہوں۔ وقت میسر آنے پر کروں گی

 

MUSICAL CLOCK ۔۔۔۔کا اردو ترجمہ
موسیقی ریز گھڑی کے متعلق یہاں دیکھیے

 

بہت خوب!! بہت اچھی شراکت ہے..

 

سالار جنگ میوزیم کی ہماری بھی کچھ تصاویر ہیں، شاید 2007 کی... مزیدار شراکت کی آپ نے... ساتھ میں معلومات بھی!