تم اپنے زعم سے نکلو تو ہم دکھائی دیں ٭ عمران عامی

محمد عدنان اکبری نقیبی نے 'پسندیدہ کلام' کی ذیل میں اس موضوع کا آغاز کیا، ‏فروری 6, 2018

  1. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    19,073
    جھنڈا:
    Pakistan
    موڈ:
    Cheerful
    اب اور کتنی بھلا ہم تمہیں صفائی دیں
    تُم اپنے زعم سے نکلو تو ہم دکھائی دیں

    تمہیں تو ٹھیک سے دل مانگنا نہيں آتا
    تمہارے ہاتھ میں کیا کاسہ گدائی دیں

    کہیں سے ڈھونڈ کے لاؤ ذرا سی خاموشی
    اب اتنے شور میں ہم کیا تمہیں سنائی دیں

    یہ لوگ بسترِحرص و ہوس سےجا لگے ہیں
    اِنہیں دُعا نہيں لگتی ‘ اِنہیں دوائی دیں

    خدا گواہ تم اِتنے حَسین ہو کہ تمہیں
    ہمارے بس میں اگر ہو تو ہم خدائی دیں

    ہمارا لکھّا غلَط پڑھ رہے ہیں لوگ ابھی
    کہاں سے لا کے اِنہیں حرف آشنائی دیں

    یہ ٹھیک ہے کہ کریں وقف عیش ِدُنیا بھی
    مگر خدا کے لیے گھر بھی کچھ کمائی دیں

    ہمارے دل کے در و بام تک تو آ گئے ہو
    تمہی کہو کہ تمہیں اور کیا رسائی دیں

    ہم اِک دِہائی سے مصروف ِعشق ہیں’ عامیؔ !
    تو کیا ضروری ہے اب ہر جگہ دُہائی دیں
    عمران عامیؔ

     
    • پسندیدہ پسندیدہ × 3
    • زبردست زبردست × 3
  2. شیزان

    شیزان لائبریرین

    مراسلے:
    6,469
    موڈ:
    Cool
    بہت خوب
     
    • دوستانہ دوستانہ × 1
  3. عرفان سعید

    عرفان سعید محفلین

    مراسلے:
    6,885
    جھنڈا:
    Finland
    موڈ:
    Mellow
    بہت اعلی!
     
    • دوستانہ دوستانہ × 1
  4. سردار محمد نعیم

    سردار محمد نعیم محفلین

    مراسلے:
    1,917
    جھنڈا:
    Pakistan
    موڈ:
    Aggressive
    عمدہ
     
    • دوستانہ دوستانہ × 1

اس صفحے کی تشہیر