پروین شاکر تمہاری سالگرہ پر۔۔۔۔پروین شاکر

قرۃالعین اعوان

لائبریرین
یہ چاند اور یہ ابرِ رواں گذرتا رہے​
جمالِ شام تہہ آسماں گزرتا رہے​
بھرا رہے تری خوشبو سے تیرا صحنِ چمن​
بس ایک موسمِ عنبر فشاں گزرتا رہے​
سماعتیں ترے لہجے سے پھول چنتی رہیں​
دلوں کے ساز پہ تو نغمہ خواں گزرتا رہے​
خدا کرے تری آنکھیں ہمیشہ ہنستی رہیں​
دیارِ وقت سے تو شادماں گزرتا رہے​
میں تجھ کو دیکھ نہ پاؤں تو کچھ ملال نہیں​
کہیں بھی ہو' تو ستارہ نشاں گزرتا رہے​
میں مانگتی ہوں تری زندگی قیامت تک​
ہوا کی طرح سے تو جاوداں گزرتا رہے​
مرا ستارہ کہیں ٹوٹ کے بکھر جائے​
فلک سے ترا خطِ کہکشاں گزرتا رہے​
میں تیری چھاؤں میں کچھ دیر بیٹھ لوں اور پھر​
تمام راستہ بے سائباں گزرتا رہے​
یہ آگ مجھ کو ہمیشہ کیئے رہے روشن​
مرے وجود سے تو شعلہ ساں گزرتا رہے​
میں تجھ کو دیکھ سکوں آخری بصارت تک​
نظر کے سامنے بس اک سماں گزرتا رہے​
ہمارا نام کہیں تو لکھا ہوا ہوگا​
مہ ونجوم سے یہ خاکداں گزرتا رہے​
میں تیرا ساتھ نہ دے پاؤں پھر بھی تیرا سفر​
گلاب و خواب کے ہی درمیاں گزرتا رہے​
میں تیرے سینے پہ سر رکھ کے وقت بھول گئی​
خیالِ تیزئ عمرِ رواں گزرتا رہے!​
 
مر گئے بھی تو کہإں ،لوگ بھلا ہی دیں گے
لفظ میرے، مرے ہونے کی گواہی دیں گے
بےشک ۔۔۔۔ان کے لفظ ہمیشہ ان کے ہونے کے گواہ رہیں گے۔
ایک خوبصورت خوشبو جیسے لہجے کی شاعرہ کا خوبصورت کلام شئیر کرنے کا بہت شکریہ عینی بیٹا ۔
 

کاشفی

محفلین
میں مانگتی ہوں تری زندگی قیامت تک
ہوا کی طرح سے تو جاوداں گزرتا رہے
واہ بہت عمدہ!۔۔
 

قرۃالعین اعوان

لائبریرین
مر گئے بھی تو کہإں ،لوگ بھلا ہی دیں گے
لفظ میرے، مرے ہونے کی گواہی دیں گے
بےشک ۔۔۔ ۔ان کے لفظ ہمیشہ ان کے ہونے کے گواہ رہیں گے۔
ایک خوبصورت خوشبو جیسے لہجے کی شاعرہ کا خوبصورت کلام شئیر کرنے کا بہت شکریہ عینی بیٹا ۔
بہت شکریہ اپیا! :happy:
پہلی بار مجھے بھی خوشبو کا تحفہ ملا تھا تو پروین شاکر سے آشنائی حاصل کی تھی۔۔۔۔
 
میں تیری چھاؤں میں کچھ دیر بیٹھ لوں اور پھر​
تمام راستہ بے سائباں گزرتا رہے​
یہ آگ مجھ کو ہمیشہ کیئے رہے روشن​
مرے وجود سے تو شعلہ ساں گزرتا رہے​
میں تجھ کو دیکھ سکوں آخری بصارت تک​
نظر کے سامنے بس اک سماں گزرتا رہے​
میں تیرا ساتھ نہ دے پاؤں پھر بھی تیرا سفر​
گلاب و خواب کے ہی درمیاں گزرتا رہے​
میں تیرے سینے پہ سر رکھ کے وقت بھول گئی​
خیالِ تیزئ عمرِ رواں گزرتا رہے!​
:zabardast1:
 

قرۃالعین اعوان

لائبریرین
میں تیری چھاؤں میں کچھ دیر بیٹھ لوں اور پھر​
تمام راستہ بے سائباں گزرتا رہے​
یہ آگ مجھ کو ہمیشہ کیئے رہے روشن​
مرے وجود سے تو شعلہ ساں گزرتا رہے​
میں تجھ کو دیکھ سکوں آخری بصارت تک​
نظر کے سامنے بس اک سماں گزرتا رہے​
میں تیرا ساتھ نہ دے پاؤں پھر بھی تیرا سفر​
گلاب و خواب کے ہی درمیاں گزرتا رہے​
میں تیرے سینے پہ سر رکھ کے وقت بھول گئی​
خیالِ تیزئ عمرِ رواں گزرتا رہے!​
:zabardast1:
شکریہ بھیا!
 
Top