تشہیر کرنا۔

رشید حسرت نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏مارچ 17, 2021

  1. رشید حسرت

    رشید حسرت محفلین

    مراسلے:
    181
    جھنڈا:
    Pakistan
    تشہِیر کرنا۔




    لِکھا میں نے تُمہیں اب تُم مُجھے تحرِیر کرنا
    گواہی دے تِرا دِل جو وُہی تعبِیر کرنا

    تُمہیں جب بھی لگے میں تُم سے باہر جا رہا ہوں
    بس اپنی زُلف میرے پاؤں کی زنجِیر کرنا

    مُجھے تُم ایک تھیلا دے کے آٹا سوچتے ہو
    تُمہارا حق ہے میری ہر طرح تشہِیر کرنا

    بُڑھاپے کی مِرے تُم لِکھ رہے ہو گر کہانی
    جوانی بھی مِری پھر کھینچ کر تصوِیر کرنا

    تُمہی جو گاؤں کے سردار ٹھہرے، کیا شِکایت
    تُمہارا خاندانی حق مِری تحقِیر کرنا

    تُمہارے قصرِ شاہی کو مُنہدِم دیکھتا ہوں
    رہیں گے کب، قلعے جِتنے بھی تم تعمِیر کرنا

    نہیں ہے ماں تو اب حسرتؔ دُعائیں بھی نہیں ہیں
    سنبھل جا دِل نہیں اب تُو کوئی تقسِیر کرنا۔

    رشِید حسرتؔ۔
     
    • پسندیدہ پسندیدہ × 1
  2. سید عاطف علی

    سید عاطف علی مدیر

    مراسلے:
    13,830
    جھنڈا:
    SaudiArabia
    موڈ:
    Cheerful
    منہدم کا کیا تلفظ ہے ؟
     
  3. محمد خلیل الرحمٰن

    محمد خلیل الرحمٰن مدیر

    مراسلے:
    11,682
    جھنڈا:
    Pakistan
    موڈ:
    Festive
    اگر ناگوارِ خاطر نہ ہو تو کچھ گزارشات

    منہدم کو آپ نے ہ ساکن کے ساتھ باندھا ہے جبکہ مُنہَدِم میں ہ پر زبر ہے۔ اس طرح یہ مصرع وزن میں نہیں۔

    ہمارے خیال سے آپ نے زیادہ تر غزلیں کہی ہیں۔ غزلوں کے عنوان نہیں ہوتے۔ کوئی ایک مکمل مصرع استعمال کرسکتے ہیں۔ مندرجہ بالا بھی غزل ہی ہے، یعنی اس غزل کا عنوان یہ پورا مصرع ہوسکتا ہے، صرف "تشہیر کرنا" نہیں۔
     
  4. محمد عبدالرؤوف

    محمد عبدالرؤوف لائبریرین

    مراسلے:
    4,836
    "تقصیر" اس لفظ کو بھی ٹھیک کر لیں
     
  5. محمّد احسن سمیع :راحل:

    محمّد احسن سمیع :راحل: محفلین

    مراسلے:
    2,805
    جھنڈا:
    Pakistan
    موڈ:
    Confused
    رشیدؔ بھائی سوچیں گے کہ سب ایک ساتھ حملہ آور ہو گئے، مگر کہے بغیر رہا بھی نہیں جا رہا :)
    مطلعے کو بھی دیکھ لیجئے ۔۔۔ شترگربہ در آیا ہے :)
     
    • پر مزاح پر مزاح × 2

اس صفحے کی تشہیر