تری یاد دل بدر کروں، ہمت نہ کر سکا

[سید ذیشان]

تری یاد دل بدر کروں، ہمت نہ کر سکا
کبھی خود سے، اپنی ذات سے، ہجرت نہ کر سکا
تجھے بھول کر میں پاؤں جہاں کی مسرتیں
کبھی بھول کر بھی ایسی تجارت نہ کر سکا
سیاہی ثنائے شہ میں قلم کی ہوئی تمام
رعایا کے دل کا درد روایت نہ کر سکا
پشیماں وہ یوں ہوئے کہ مری لاش سے کہا
صد افسوس تیرے قتل میں عجلت نہ کر سکا ​

 

[ابن رضا]

بہت خوب محترمی۔

 

[سید ذیشان]

بہت خوب محترمی۔

شکریہ برادر

 

[arifkarim]

اچھا لکھا ہے جناب نے!

 

[بے الف اذان]

سیاہی ثنائے شہ میں قلم کی ہوئی تمام
رعایا کے دل کا درد روایت نہ کر سکا

واہ ! کیا ہی عمدہ شعر ہے ۔ ۔ ۔

تجھے بھول کر میں پاؤں جہاں کی مسرتیں
کبھی بھول کر بھی ایسی تجارت نہ کر سکا

تجارت کو ، لفظ "جسارت" سے بدل کر دیکھیے گا ۔ ( اور اس گستاخی پر پیشگی شفقت بھری معذرت بھی قبول کیجیے گا )

 

[سید ذیشان]

اچھا لکھا ہے جناب نے!

شکریہ جناب کا۔

 

[سید ذیشان]

واہ ! کیا ہی عمدہ شعر ہے ۔ ۔ ۔




تجارت کو ، لفظ "جسارت" سے بدل کر دیکھیے گا ۔ ( اور اس گستاخی پر پیشگی شفقت بھری معذرت بھی قبول کیجیے گا )

شعر پسند کرنے کا شکریہ۔

میرے خیال میں تو لفظ "جسارت" اس شعر کے مضمون سے میل نہیں کھاتا۔ تجارت کچھ لو کچھ دو کی بنیاد پر ہوتی ہے۔ پہلے مصرعے میں اسی لین دین کی بات ہے کہ تجھے بھول جاؤں اور اس کے بدلے میں مسرتیں مل جائیں یا غم رفع ہو جائیں۔ ایسی تجارت اگرچہ دنیاوی لحاظ سے سود مند ہے، لیکن شاعر ایسا نہ کر سکا۔

 

[ابن رضا]

لیکن شاعر ایسا نہ کر سکا

 

[الف عین]

عروض نے اسے کس بحر کا نام دہا ہے اور کیا افاعیل ہیں؟

 

[بے الف اذان]

شعر پسند کرنے کا شکریہ۔

میرے خیال میں تو لفظ "جسارت" اس شعر کے مضمون سے میل نہیں کھاتا۔ تجارت کچھ لو کچھ دو کی بنیاد پر ہوتی ہے۔ پہلے مصرعے میں اسی لین دین کی بات ہے کہ تجھے بھول جاؤں اور اس کے بدلے میں مسرتیں مل جائیں یا غم رفع ہو جائیں۔ ایسی تجارت اگرچہ دنیاوی لحاظ سے سود مند ہے، لیکن شاعر ایسا نہ کر سکا۔

بہت شکریہ جناب کہ آپ اس حقیر کی بات خاطر میں لائے

 

[بے الف اذان]

کیا یہ شاعر کے زخموں پر نمک ہے ؟

 

[سید ذیشان]

عروض نے اسے کس بحر کا نام دہا ہے اور کیا افاعیل ہیں؟

افاعیل ہیں مفاعیل فاعلات مفاعیل فاعلن

 

[الف عین]

مانوس تو مفعول فاعلات مفاعیل فاعلات ہے۔ اسی میں رواں محسوس ہوتی ہے۔ نا مانوس بحر میں روانی کی کمی ہے۔