1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

بے نشاں ہونے سے پہلے ۔ عبدالاحد ساز

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏جون 11, 2019

  1. فرخ منظور

    فرخ منظور لائبریرین

    مراسلے:
    12,632
    جھنڈا:
    Pakistan
    موڈ:
    Cold
    بے نشاں ہونے سے پہلے

    زندگی اک دور تک سنگیت تھی اب شور ہے
    ہاں مگر اس شور کے بکھراؤ میں
    بے محابا صوت کے ٹکراؤ میں
    شاید ابھی اندوختہ کچھ زیر و بم ہوں

    آؤ ہم تم
    کوئی زیر و بم تلاشیں
    کوئی پیچ و خم تراشیں
    اور اس ترتیب کاری کی شعوری کوششوں کو
    لا شعوری نغمگی کی آخری مٹتی ہوئی سی گونج سے انگیز کر کے
    ایک شب
    کوئی اک آہنگ دے دیں
    اس سے پہلے کہ یہ شورِ نا تمام
    صورِ اسرافیل کے اتمام میں کھو جائے
    حشر اٹھے اور قیامت آئے
    اور ہم کو جھونک دے آواز کے اک منقطع رشتے کے دوزخ میں
    فیصلہ کر دے ہمارے درمیاں
    اک دائمی خود نا شناسی کے جہنم کا

    اس سے پہلے
    آؤ ہم تم
    اس خلیجِ نا رسائی پر
    صدا کے پل بنا دیں
    بے نشاں ہونے سے پہلے
    اس زمیں پر آخری پہچان کی دنیا بسا لیں

    (عبدالاحد سازؔ)
     

اس صفحے کی تشہیر