فیض بے بسی کا کوئی درماں نہیں کرنے دیتے ۔ فیض احمد فیض

[فرخ منظور]

بے بسی کا کوئی درماں نہیں کرنے دیتے​

اب تو ویرانہ بھی ویراں نہیں کرنے دیتے​

​

دل کو صد لخت کیا سینے کو صد پارہ کیا​

اور ہمیں چاک گریباں نہیں کرنے دیتے​

​

ان کو اسلام کے لٹ جانے کا ڈر اتنا ہے​

اب وہ کافر کو مسلماں نہیں کرنے دیتے​

​

دل میں وہ آگ فروزاں ہے عدو جس کا بیاں​

کوئی مضموں کسی عنواں نہیں‌کرنے دیتے​

​

جان باقی ہے تو کرنے کو بہت باقی ہے​

اب وہ جو کچھ کہ مری جاں نہیں کرنے دیتے​

​

​

30 اکتوبر، 1984ء​

 

[باباجی]

واہ بہت ہی خوب کلام

دل کو صد لخت کیا سینے کو صد پارہ کیا​

اور ہمیں چاک گریباں نہیں کرنے دیتے​

 

[فرخ منظور]

واہ بہت ہی خوب کلام

دل کو صد لخت کیا سینے کو صد پارہ کیا​

اور ہمیں چاک گریباں نہیں کرنے دیتے​

انتخاب پسند فرمانے کے لیے شکریہ باباجی!