بیت بازی

[نوید ملک]

کچھ اہتمامِ خصوصی کی فکر کر ساقی
کہ آج رندوں کے ساتھ اک پارسا بھی ہے

 

[شمشاد]

یوں ہی نہیں مشہورِ زمانہ میرا قاتل
اس شخص کو اس فن میں مہارت بھی بہت تھی
(کلیم عاجز)

 

[ظفری]

یُوں مِری آنکھ سے اوجھل وہ رہا ہے اکثر
اس کا پیکر مِرے خوابوں میں ڈھلا ہو جیسے

(محسن نقوی)​

 

[ظفری]

یہ سانحہ میرے وہم و گمان میں بھی نہ تھا
چراغ تو سامنے والے مکان میں بھی نہ تھا

 

[شمشاد]

اک نگاہ سرسری دیوار ہم کو کر گئی
گردشِ چشم پری رو ساحر بنگالہ تھا
(مومن خان مومن)

 

[عمر سیف]

اے حُسنِ لالہ فام ذرا آنکھ تو ملا
خالی پڑے ہیں جام ذرا آنکھ تو ملا
ہیں راہِ کہکشاں میں ازل سے کھڑے ہوئے
ساغر تیرے غلام ذرا آنکھ تو ملا

 

[سارہ خان]

اتنے ہی تھے اگر جہاں میں غم
دل بھی یارب کئی دیے ہوتے

 

[عمر سیف]

یہ آنسو رک سکیں تو روک لو، بہتر یہی ہے
جب آنسو خشک ہو جائیں تو دریا جاگتا ہے
(خالد علیم)

 

[شمشاد]

یہاں سے اب کہیں لے چل خیالِ یار مجھے
چمن میں راس نہ آئے گی یہ بہار مجھے
(عزیز وارثی)

 

[عمر سیف]

یوں دیکھتے رہنا اسے اچھا نہیں محسن
وہ کانچ کا پیکر ہے تو پھر تیری آنکھیں؟

 

[شمشاد]

نہ اس شہرِ بے حس کو صحرا کہو
سنو اک ہمارا بھی گھر ہے یہاں
(مخمور سعیدی)

 

[حجاب]

نہ جانے کون سی رت میں بچھڑ گئے وہ لوگ
جو اپنے دل میں بہت احترام رکھتے تھے

 

[عمر سیف]

یہ جو سرگشتہ سے پھرتے ہیں کتابوں والے
ان سے مت مل کہ انہیں روگ ہیں خوابوں والے
(فراز)

 

[حجاب]

یوں سرِ شام تیری یاد میں آنسو نکل آئے
جس طرح وادیء پرخار میں آہو نکل آئے

 

[عمر سیف]

یاد آتی ہے اکیلے میں تمھاری نیندیں
کس طرح‌ خود کو سلاتے ہو کہاں ہوتے ہو
(سعید واثق)

 

[راجہ صاحب]

وہ جو ہم ميں تم قرار تھا تمہيں ياد ہو کہ نہ ياد ہو
وہي يعني وعدہ نباہ کا تمہيں ياد ہو کہ نہ ياد ہو

 

[حجاب]

وہ شخص کے میں جس سے محبت نہیں کرتا
ہنستا ہے مجھے دیکھ کے نفرت نہیں کرتا
دنیا میں قتیل اُس سا منافق نہیں کوئی
جو ظلم تو سہتا ہے بغاوت نہیں کرتا

 

[راجہ صاحب]

اے دوست ہم نے ترک محبت کے باوجود
محسوس کی ہے تیری ضرورت کبھی کبھی

 

[حجاب]

یہ جو دن رات کا ہے کھیل سا،اُسے دیکھ اُس پر یقیں نہ کر
نہیں عکس کوئی بھی مستقی سرِ آئینہ اُسے بھول جا ۔۔۔۔۔۔

 

[شمشاد]

یہ کون آ گئی دلربا مہکی مہکی
فضا مہکی مہکی ہوا مہکی مہکی
(حسرت جے پوری)