بیت بازی کا کھیل!

[راجہ صاحب]

اِدھر تو آؤ مجھے دو دو باتیں کرنی ہیں
یہ کیا کہ دُور سے صورت فقط دکھا کے چلے
داغ

 

[غ۔ن۔غ]

یاد کے قافلے میں گھنٹیاں سی بجتی ہیں
پھول کھل جاتے ہیں اس دشت کی ویرانی میں

 

[عرفان سرور]

یہ کیا ہو رہا بھئی؟؟؟

 

[شمشاد]

بیت بازی کا کھیل ہو رہا ہے اور کیا ہونا ہے۔ آپ بھی شامل ہو جائیں۔

 

[شمشاد]

نہ گل ہیں نہ غنچے نہ بوٹے نہ پتے
ہوئے باغ نذرِ خزاں کیسے کیسے
(امیر مینائی)

 

[راجہ صاحب]

یہ دل بھی عجب آئینہ خانہ ھے کہ اس میں
آباد ھیں ھر لمحہ سنورتے ھوئے کچھ لوگ

 

[شمشاد]

​

گنہ نہیں ہے فروغ بدن کہ جنت سے​

یہ آبِ زندگی ، سر چشمہ ء ہوس میں رہا​

(منصور آفاق)​

 

[راجہ صاحب]

اَنا نے توڑ دیا جامِ التجا "محسن"
وگرنہ پیاس کی زد میں کہاں نہ تھا پانی؟
محسن نقوی

 

[شمشاد]

​

یہ کون جا رہا ہے مدینے سے دشت میں​

ہے شہر سارا حامی و ناصر بنا ہوا​

(منصور آفاق)​

 

[راجہ صاحب]

وہاں کی ریت لہوُ چاٹتی تھی یوُں میرا
رگِ فُرات میں جیسے رَواں نہ تھا پانی
محسن نقوی

 

[شمشاد]

راجہ صاحب آپ کو حرف الف سے شعر دینا تھا۔
-------------------------------------------------------

​

یہ اور بات کھلتا نہیں ہے کسی طرف​

ہے ذہن میں دریچہ بظاہر بنا ہوا​

(منصور آفاق)

 

[راجہ صاحب]

یہ کیسے ہو گیا
خیر کوئی بات نہیں
اے ابر، قسم ہے تجھے رونے کی ہمارے
تجھ چشم سے ٹپکا ہے کبھو لختِ جگر بھی
مرزا رفیع سودا

 

[شمشاد]

​

یہ تیرے عطا کردہ تحائف ہیں میں کیسے​

تفصیل مصائب کی بتاتے ہوئے کہتا​

(منصور آفاق)​

 

[راجہ صاحب]

آواز دے کے چھپ گئی ہر بار زندگی
ھم ایسے سادہ دل تھے کہ ہر بار آ گئے

 

[شمشاد]

​

یہی لگتا ہے بس وہ شورش ِ دل کا سبب منصور​

کبھی ہنگامہ ء تخلیق میں شامل نہیں ہو گا​

(منصور آفاق)​

 

[راجہ صاحب]

اس کو تھا چاہا ، ہاتھ بڑھایا وہ مل گیا
اب کچھ مقام عشق میں دشوار آگئے

 

[عرفان سرور]

یہ فقط غرور کی بات ہے کہ زباں سے اپنی نہ تم کہو
تمہیں ورنہ اسکی خلش تو ہے کہ تمہاری بزم میں ہم نہیں

 

[راجہ صاحب]

نجانے کس کو ضرورت پڑے اندھیرے میں
چراغ راہ میں دیکھا تھا، گھر نہیں لایا

 

[عرفان سرور]

اب دل میں کیا رہا ہے تیری یاد ہو تو ہو
یہ گھر اسی چراغ سے آباد ہو تو ہو

 

[تبسم]

وقت خاموش سہی پھر بھی سدا دیتا ہے
آئینہ بن کےہر ایک چہرہ دکھا دیتا ہے