بیت بازی سے لطف اٹھائیں (5)

[سیما علی]

فسانے اپنی محبت کے سچ ہیں، پر کچھ کچھ
بڑھا بھی دیتے ہیں ہم زیب داستاں کے لئے
شیفتہ

 

[سیما علی]

یہ رکھ رکھاؤ محبت سکھا گئی اسے
وہ روٹھ کر بھی مجھے مسکرا کے ملتا ہے

 

[شمشاد]

یہ ادا ہوئی کہ جفا ہوئی یہ کرم ہوا کہ سزا ہوئی
اسے شوق دید عطا کیا جو نگہ کی تاب نہ لا سکے
جوشؔ ملسیانی

 

[شمشاد]

یہ جو ننگ تھے یہ جو نام تھے مجھے کھا گئے
یہ خیال پختہ جو خام تھے مجھے کھا گئے
خورشید رضوی

 

[لاريب اخلاص]

یاد رکھنا ہی محبت میں نہیں ہے سب کچھ
بھول جانا بھی بڑی بات ہوا کرتی ہے
جمال احسانی

 

[شمشاد]

یاد آئی ہے تو پھر ٹوٹ کے یاد آئی ہے
کوئی گزری ہوئی منزل کوئی بھولی ہوئی دوست
احمد فراز

 

[سیما علی]

توڑ کر عہد کرم نا آشنا ہو جائیے
بندہ پرور جائیے، اچھا ، خفا ہو جائیے
حسرت موہانی

 

[شمشاد]

یاد ہے اب تک تجھ سے بچھڑنے کی وہ اندھیری شام مجھے
تو خاموش کھڑا تھا لیکن باتیں کرتا تھا کاجل​

ناصر کاظمی​

 

[مومن فرحین]

لہو لہو ہے افق شام مضمحل سی ہے
تمہی بتاؤ کہ ان سرخیوں سے کیا حاصل

ابن صفی

 

[شمشاد]

لطف ہمسايگي شمس و قمر کو چھوڑوں
اور اس خدمت پيغام سحر کو چھوڑوں
علامہ اقبال

 

[سیما علی]

نظر نظر ہو پر اتنی بھی بے پناہ نہ ہو
بہار آئی تو ہم نے خزاں کو دیکھ لیا
خورشید رضوی

 

[سیما علی]

آگ تھے ابتدائے عشق میں ہم
اب جو ہیں خاک انتہا ہے یہ
میر تقی میر

 

[شمشاد]

ہم نے ہاری تھی عشق کی بازی
لوگ تو حوصلے بھی ہار آئے
سوز نجیب آبادی

 

[مومن فرحین]

یہ موسم رم جھم کا موسم یہ موسم مست بہار
ایسے میں آؤ تو جانے ایسے میں کب آتے ہو

 

[مومن فرحین]

وہ جس کا ملنا نا ممکن
وہ مل جائے تو کیسا ہو

 

[مومن فرحین]

وصال میں بھی وہی ہے فراق کا عالم
کہ اس کو نیند مجھے رت جگے کی عادت ہے

 

[سیما علی]

یاد اسے بھی ایک ادھورا افسانہ تو ہوگا
کل رستے میں اس نے ہم کو پہچانا تو ہوگا

جاوید اختر

 

[ام عبدالوھاب]

یاد اسے بھی ایک ادھورا افسانہ تو ہوگا
کل رستے میں اس نے ہم کو پہچانا تو ہوگا

جاوید اختر

الجھا ہے پاءوں یار کا زلف دراز میں
لو آپ اپنے دام میں صیاد آ گیا
مومن خان مومن

 

[ام عبدالوھاب]

آنے کا وعدہ اُن کے نہ آنے کی تھی دلیل
آخر کھُلی یہ بات بڑے انتظار پر

مست بنارسی

 

[ام عبدالوھاب]

رسمِ وفا کدھر گئی، تیری ادا کو کیا ہوا
شہر تو ہے وہی مگر آب و ہوا کو کیا ہوا
(لطیف ساحل)