بیت بازی سے لطف اٹھائیں (4)

[مہ جبین]

یہ کیسے خواب سے جاگی ہیں آنکھیں
کسی منظر پہ دل جمتا نہیں ہے
امجد اسلام امجد

 

[سید عاطف علی]

دل کے ارمانوں کی اب دل پر حکومت ہے ضیاء
ایک کشور ۔ اور اس پر۔ اتنے سلطانوں کا بوجھ
۔ ۔ ۔ ۔ ۔ ۔ ۔ ۔ ۔ ۔
﴿ والد صاحب مرحوم ۔ سید خورشید علی ضیاِء عزیزی جے پوری﴾

 

[مہ جبین]

ہوا کے پہلے ہی جھونکے سے ہار مان گئے
وہی چراغ جو ہم نے بچا کے رکھے تھے
امجد اسلام امجد

 

[سید عاطف علی]

آمد سحری ندا ز میخانہ ما
کای رند خراباتی و دیوانہ ما
برخیز کہ پر کنیم پیمانہ ز می
زان پیش کہ پر کنند پیمانہ ما
۔۔۔۔۔۔۔۔۔۔۔۔۔۔۔۔۔رباعی عمر خیام۔
آتی ھے صدا صبح یہ میخانہ ترا
کہتا ھے کوی درد سے دیوانہ ترا
اٹھ جلد کہ ھے جام یہ تیرا تیار
بھر جاے نہ یہ عمر کا پیمانہ ترا
۔۔۔۔۔۔۔۔۔۔۔۔۔۔۔۔ترجمہ ۔سید عاطف علی۔

 

[شمشاد]

آتش! وہی بہار کا عالم ہے باغ میں
تاحال ہے دماغِ ہوائے چمن درست
(حیدر علی آتش)

 

[مہ جبین]

تم بھی ہر شب دیا جلا کر پلکوں کی دہلیز پہ رکھنا
میں بھی روز اک خواب تمہارے شہر کی جانب بھیجوں گا
امجد اسلام امجد

 

[شمشاد]

اُسے دیکھا تو زاہد نے کہا، ایمان کی یہ ہے
کہ اب انسان کو سجدہ روا ہونے کا وقت آیا
(ہری چند اختر)

 

[مہ جبین]

اُسے دیکھا تو زاہد نے کہا، ایمان کی یہ ہے
کہ اب انسان کو سجدہ روا ہونے کا وقت آیا
(ہری چند اختر)

برائے مہربانی شمشاد بھائی ایسے شعر نہ لکھیں جس میں ذرا بھی ایمان پر حرف آتا ہو، سجدہ اللہ کے علاوہ کسی کو روا نہیں ،امید ہے غور فرمائیں گے شکریہ

 

[شمشاد]

آپ کی بات سے سو فیصد متفق۔ یہ لیجیے، میں دوسرا شعر دے دیتا ہوں۔
---------------------------------------------------------------
اے صدف چاک کرے گا یہی سینہ اک دن
تو یہ سمجھی ہے کہ گوہر ہے یگانا تیرا
(امیر مینائی)

 

[مہ جبین]

آپ کی بات سے سو فیصد متفق۔ یہ لیجیے، میں دوسرا شعر دے دیتا ہوں۔
---------------------------------------------------------------
اے صدف چاک کرے گا یہی سینہ اک دن
تو یہ سمجھی ہے کہ گوہر ہے یگانا تیرا
(امیر مینائی)

بہت شکریہ شمشاد بھائی

 

[مہ جبین]

آنکھ اب کس سے تحیر کا تماشہ مانگے !
اپنے ہونے پہ بھی ہوتی نہیں حیرت ہمکو
امجد اسلام امجد

 

[شمشاد]

وہ سُنتے ہیں کب دل سے مری رام کہانی
فرماتے ہیں، کچھ اور بھی ہے اسکے سوا یاد؟
(داغ دہلوی)

 

[مہ جبین]

دیارِ شب کے سناٹے میں ہم نے
نگارِ صبح کے نغمے سنے ہیں
حزیں صدیقی

 

[صائمہ شاہ]

یاد آتا ہے روز و شب کوئی
ہم سے روٹھا ہے بےسبب کوئی
ناصر کاظمی

 

[شمشاد]

صائمہ آپ کو تو حرف ن سے شعر لکھنا تھا۔
-------------------------------------------------------

یہ اور بات کہ تعمیر ہو نہ سکیں
ورنہ ہر دل میں کچھ تاج محل ہوتے ہیں

 

[مہ جبین]

ناؤ الٹی تو یہ ہوا معلوم
زندگی موج ہے ، کنارا نہیں!
امجد اسلام امجد

 

[شمشاد]

نہ چھیڑ اے نکہتِ بادِ بہاری راہ لگ اپنی
تجھے اٹھکھیلیاں سوجھی ہیں، ہم بیزار بیٹھے ہیں
(انشاء اللہ انشاء)

 

[مہ جبین]

نارسائی کی دھند کے اس پار
عشق میں کیا ہے جو، ہوس میں نہیں
امجد اسلام امجد

 

[شمشاد]

نجیبوں کا عجب کچھ حال ہے اس دور میں یارو
جہاں پوچھو یہی کہتے ہیں ہم بیکار بیٹھے ہیں
(انشاء اللہ انشاء)

 

[مہ جبین]

نکلا تھا تجھے ڈھونڈنے اک ہجر کا تارا
پھر اس کے تعاقب میں گئی ساری جوانی
امجد اسلام امجد