بھارت کا مقبوضہ کشمیر کی خصوصی حیثیت ختم، 2 حصوں میں تقسیم کرنے کا اعلان

جاسم محمد نے 'آج کی خبر' کی ذیل میں اس موضوع کا آغاز کیا، ‏اگست 5, 2019

  1. فرقان احمد

    فرقان احمد محفلین

    مراسلے:
    10,184
    چلیں، یہ تو ٹھیک ہو گیا۔ اس سے زیادہ کیا توقع رکھی جا سکتی ہے، فی الوقت! :)
     
    • دوستانہ دوستانہ × 1
  2. عدیل عبد الباسط

    عدیل عبد الباسط محفلین

    مراسلے:
    146
    جھنڈا:
    Pakistan
    موڈ:
    Happy
    اب قسمت قسمت کی بات ہے، کسی کے دور میں موٹرویز، ایٹمی دھماکے اور سی پیکس وجود میں آ جاتے ہیں، اور کسی کے دور میں حملے، جرمانے اور قبضے ہو جاتے ہیں۔
     
    • پر مزاح پر مزاح × 3
  3. جاسم محمد

    جاسم محمد محفلین

    مراسلے:
    20,312
    موٹرویز: جی وہی موٹر ویز جنہیں گروی رکھ کر پچھلی حکومت میں مزید بیرونی قرضے لئے گئے
    ایٹمی دھماکے: جی وہی ایٹمی دھماکے جس کے بعد پاکستان پر اقتصادی پابندیاں لگی
    سی پیک: جی وہی سی پیک جس کی وجہ سے آج ملک کا خسارہ آسمان کی بلندیوں کو چھو رہا ہے
     
  4. فرقان احمد

    فرقان احمد محفلین

    مراسلے:
    10,184
    آپ کے تین زاویے تو سامنے آ گئے؛ اب ذرا ایک اور زاویہء نظر دیکھیے:
    موٹر ویز تھیں تو گروی رکھوائی گئیں! :)
    ایٹم بم تھا تو جنگ رکی تھی! :)
    سی پیک نہ ہوتا تو پانچ سال ہم کیا کرتے! :)
    اس مراسلے سے لطف اٹھائیے۔ اور اس کا کوئی مقصد شریف نہ ہے! :)
     
    • پر مزاح پر مزاح × 3
  5. محمد عدنان اکبری نقیبی

    محمد عدنان اکبری نقیبی محفلین

    مراسلے:
    18,434
    جھنڈا:
    Pakistan
    موڈ:
    Cheerful
    کیا اس مراسلے کو نہلے پر دھلا سمجھا جا سکتا ہے ۔
     
    • دوستانہ دوستانہ × 1
    • پر مزاح پر مزاح × 1
  6. محمد عدنان اکبری نقیبی

    محمد عدنان اکبری نقیبی محفلین

    مراسلے:
    18,434
    جھنڈا:
    Pakistan
    موڈ:
    Cheerful
    چند دن یا چند مہینے انتظار کیجیے ،
    ان شاء اللہ بھارت کے اس جارحانہ اقدام کی حقیقت کھل کر سامنے آجائے گی ۔
    یہ متنازعہ اقدام درحقیقت بھارت کی خودسری نہیں بلکہ اس اقدام کے پس پردہ کئی سروں کی کارستانی ہو سکتی ہے ۔
    امریکہ بادشاہ افغانستان سے پسپائی اختیار کر رہا ہے ۔ امریکی افواج کا انخلاء بھی ہوا ہے ۔ اب پاکستان کے آس پاس اسے نیا ٹھکانہ درکار ہے تاکہ ہمارے سروں پر بیٹھے کر ہمیں دھمکاتا رہے ۔
     
    • معلوماتی معلوماتی × 1
    • متفق متفق × 1
  7. موجو

    موجو لائبریرین

    مراسلے:
    1,128
    جھنڈا:
    Pakistan
    موڈ:
    Brooding
    یہ کافی گھمبھیر معاملہ ہوچکا ہے
    پاکستان اس سے پہلے گلگلت بلتستان کو اپنا صوبہ بنا چکا ہے۔
    370 جیسا سیٹ اپ اگرچہ پاکستان نے بھی آزاد کشمیر کے لیے بنایا ہوا ہے مگر اس کے باوجود اگر
    پاکستان اس شق کے ختم ہونے پر احتجاج کرے تو کیا پاکستان اس شق کے تحت انڈیا کے ساتھ الحاق کو تسلیم کرتا تھااگر تسلیم ہی نہیں تھا تو اس پراحتجاج کاہے کا
    ایک طرف سے کشمیر اب 1947 کی پوزیشن پر چلا گیا ہے اسی لیے انڈیا نے اپنی فوج میں اضافہ کرنا شروع کردیا ہے۔
     
    • معلوماتی معلوماتی × 1
    • متفق متفق × 1
  8. جاسم محمد

    جاسم محمد محفلین

    مراسلے:
    20,312
    بھارت نے پاکستان کے خلاف کارروائی کی تو پھر جنگ ہوگی، وزیراعظم
    ویب ڈیسک 32 منٹ پہلے
    وزیر اعظم عمران خان نے کہا کہ بھارت مقبوضہ کشمیر میں جو کررہا ہے اس کے سنگین نتائج برآمد ہوں گے۔

    پارلیمنٹ کے مشترکہ اجلاس میں اظہار خیال کرتے ہوئے عمران خان نے کہا کہ بھارت نے جو فیصلہ کیا اس کے اثرات پوری دنیا پر ہوں گے، پارلیمانی اجلاس کو پوری دنیا اور کشمیری دیکھ رہے ہیں، یہاں سے بھارت نے جو غلط فیصلہ کیا اس پر بڑا مثبت پیغام جانا ہے۔

    وزیر اعظم نے کہا کہ جنگ و جدل کا سب سے بڑا اثر معیشت پر پڑتا ہے، ہماری حکومت کی پہلی ترجیح پاکستان سے غربت کا خاتمہ تھا، اس لیے ہم چاہتے تھے کہ پڑوسیوں سے بہتر تعلقات ہوں، پلواما واقعے کے بعد بھارت کو سمجھایا کہ پاکستان کا کوئی ہاتھ نہیں تھا، بھارت کا پائلٹ پکڑا ، فوری واپس کردیا کیونکہ ہمارا جنگ کا کوئی ارادہ نہیں تھا، بھارت ہماری امن کی کوشش کو ہماری کمزوری سمجھ رہا تھا۔

    عمران خان نے کہا کہ مودی نے الیکشن مہم کے لیے ایسے حالات پیدا کیے۔ اپنے ملک میں جنگی جنون پیدا کیا تاکہ اینٹی پاکستان مہم چلاکر الیکشن جیت سکیں، ہم نے سوچا کےبھارت میں الیکشن کے بعداس سےبات کریں گے، بھارت نے پہلے سے ہی مقبوضہ کشمیر کی حیثیت تبدیل کرنے کی منصوبہ بندی کی تھی، بھارت نے کل جو اقدام اٹھایا وہ ان کا انتخابی منشور کا حصہ تھا۔

    وزیراعظم نے کہا کہ قائد اعظم محمدعلی جناح ہندو مسلم اتحاد کے حامی تھے، وہ انگریز سے آزادی چاہتے تھے لیکن بعد میں اسے ہندو راج کا علم ہوا، قائد اعظم پہلے آدمی تھے جنہوں نے بھارت کا نظریہ دیکھ لیاتھا، آج ہم قائداعظم کو سلام پیش کرتے ہیں، بھارت میں مسلمانوں کے لیے ایک تعصب ہے، آر ایس ایس کی آئیڈیالوجی یہ تھی کہ ہندوستان صرف ہندوؤں کا ہوگا۔ ماضی میں پاکستان کی آزادی کو غلط کہنے والے کشمیری لیڈر آج قائد کے دو قومی نظریے کو درست سمجھ رہے ہیں۔

    وزیر اعظم نے مزید کہا کہا پلوامہ واقعے کے بعد بھارت نے اپنے طیارے بھیجے تو ہم نے صورت حال کو دیکھا، ہمیں پتہ چلا کہ کوئی جانی نقصان نہیں ہوا تو فیصلہ کیا گیا کہ وہی کیا جائے گا جو انہوں نے کیا، اگر بھارت کے حملے میں کوئی جانی نقصان ہوا ہوتا تو پاک فضائیہ نے بھی ایسے اہداف نشانے پر رکھے تھے جس سے انہیں بھی اتنا ہی نقصان ہوتا۔

    وزیر اعظم نے کہا کہ بھارت نے پاکستان کے خلاف کارروائی کی تو پھر جنگ ہوگی، یہ ہو نہیں سکتا کہ بھارت حملہ کرے اور اہم ان کا جواب نہ دیں، اگر ایسا ہوا تو جنگ ہوگی، اس جنگ کا نتیجہ ہمارے حق میں ہوگا یا خلاف جائے گا۔ اگر ہمارے خلاف فیصلہ آیا تو ہمارے پاس دو ہی راستے ہیں ، ایک بہادر شاہ ظفر کا اور دوسرا ٹیپو سلطان کا۔ ہم بہادرشاہ ظفر کی طرح ہار مان لیں گے یا ٹیپوسلطان کی طرح آخری دم تک لڑیں گے۔

    پلواما واقعے کے بعد بھارت کو باربارکہا دو ایٹمی قوتیں جنگ کی طرف نہیں جاسکتیں، کشمیر میں یہ جدوجہد اب اور شدت اختیار کرے گی، دوبارہ پلواما جیسا واقعہ ہوا تو بھارت پھر ہم پر الزام لگائے گا، سب جانتےہیں کہ پلواما واقعے میں پاکستان کا کوئی لینا دینا نہیں۔

    وزیراعظم نے کہا کہ بھارت نے آزاد کشمیر میں کچھ کیا تو ردعمل آئے گا، اہل ایمان موت سے نہیں ڈرتا، مسلمان رب کو خوش کرنے کیلیے انسانیت کا سوچتا ہے، ہم اس لیے امن کی کوشش کرتے ہیں کہ ہمارا دین انسانیت کا سبق دیتا ہے، اگر اب دنیا کچھ نہیں کرے گی تو اس کے سنگین نتائج ہوں گے،میں نیوکلیئر بلیک میل نہیں کررہا لیکن دنیا نے اس معاملے پر کچھ نہ کیا تو حالات مزید خراب ہوں گے اور سب کا نقصان ہوگا۔ ہم بھارت کے خلاف جرائم کی عالمی عدالت جانے کی تیاری کررہے ہیں۔
     
  9. فرقان احمد

    فرقان احمد محفلین

    مراسلے:
    10,184
    تقریر اچھی ہے اور یہ کام ہم یوں بھی اچھا کر لیتے ہیں۔ جامع تقریر ہے؛ ویل ڈن۔ تاہم، یہاں بہادر شاہ ظفر کا حوالہ دینے کی ضرورت نہیں تھی۔ اگر تو بہادر شاہ ظفر اور ٹیپو سلطان والا جملہ صحیح طرح سے آپ نے لکھا ہے، تو اس میں ابہام ہے۔ یوں کہنا بہتر تھا، کہ یقینی طور پر، ہم ٹیپو سلطان کی راہ لیں گے۔ ہار جانے کی باتیں ہی کیوں؟ فتح کی بات کرنی چاہیے تھی بھئی، یہ تو یوں بھی تقریر ہے! :)
     
    • معلوماتی معلوماتی × 1
  10. موجو

    موجو لائبریرین

    مراسلے:
    1,128
    جھنڈا:
    Pakistan
    موڈ:
    Brooding
    محترم وزیر اعظم کی جو تقریر شئیر کی ہے
    افسوس کا مقام ہے حالیہ واقعات کا اس پوری تقریر میں کوئی ذکر نہیں 370 پر کوئی تبصرہ نہیں ، انڈیا کا فوج میں اضافہ کرنے پر کوئی بات نہیں ۔کشمیری قیادت کی گرفتاریوں پر اور سید علی گیلانی کی SOS کا کوئی ذکر نہیں
    کہا یہ گیا کہ اگر آزاد کشمیر کو چھیڑا گیا تو پھر ہم کچھ کریں گے لیکن یہ جو پچھلے دنوں سے کلسٹر بمباری کی تصاویر نکے کے ابا شئیر فرما رہے ہیں تو یہ والا آزاد کشمیر جرمنی کے بارڈر پر ہے؟
     
    • معلوماتی معلوماتی × 1
    • غمناک غمناک × 1
  11. جاسم محمد

    جاسم محمد محفلین

    مراسلے:
    20,312
     
  12. عبداللہ محمد

    عبداللہ محمد مدیر

    مراسلے:
    10,341
    جھنڈا:
    Pakistan
    کپتان تقریر سے پہلے: جنابِ اسپیکر آج کی یہ کاروائی کشمیر بلکہ تمام دُنیا دیکھ رہی ہے اور ہمیں یہاں سے ایک ہونے کا پیغام بھیجنا ہے۔

    کپتان کچھ دیر بعد اپوزیشن کی تقریر کے دوران:
     
    • پر مزاح پر مزاح × 1
  13. جاسم محمد

    جاسم محمد محفلین

    مراسلے:
    20,312
    اپوزیشن کو این آر او چاہئے تھا۔ وہ نہیں ملا اس لئے شور مچا رہے ہیں۔
     
  14. جان

    جان محفلین

    مراسلے:
    1,932
    موڈ:
    Dead
    یہ عمران خان صاحب کی قابلیت اور فوج کی بہاددی کا ایک ٹیسٹ کیس ہے۔ امید ہے یہ اپنی اپنی اہلیت ثابت کر پائیں گے۔ میں سمجھتا ہوں کہ یہ نواز شریف کی خوش قسمتی ہے کہ وہ اس اہم موقع پہ جیل میں ہے، اگر وہ اقتدار میں ہوتا تو خان صاحب اور فوج کا مشترکہ بیانیہ یہ ہونا تھا کہ یہ سب کچھ ہی کیا دھرا نواز شریف کا ہے اور کشمیر فتح کرنے میں نواز شریف ہی سب سے بڑی رکاوٹ ہے۔ اب نہ چونکہ مودی کا یار اقتدار میں ہے اور نہ سول ملٹری تعلقات میں کوئی دراڑ ہے، دیکھتے ہیں خان صاحب اس کیس میں کیسا پرفارم کرتے ہیں اور فوج کب کشمیر فتح کرتی ہے۔ اب خان صاحب اور فوج کے پاس یہ جواز باقی نہیں رہا کہ نواز لیگ ایکشن کی راہ میں بڑی رکاوٹ ہے۔ اس سے خان صاحب کی قابلیت اور فوج کی بہادری کھل کر سامنے آئے گی!
     
    • پسندیدہ پسندیدہ × 1
    • زبردست زبردست × 1
    • متفق متفق × 1
  15. جان

    جان محفلین

    مراسلے:
    1,932
    موڈ:
    Dead
    خارجہ پالیسی جو کہ ہمیشہ فوج نے اپنے پاس رکھی ہے، آج اس کی ناکامی بھی کھل کر سامنے آئی ہے، کسی نامور اور طاقتور عالمی لیڈر بشمول چائنہ نے کوئی سٹیٹمنٹ نہیں دی اور امریکی ثالثی کی قلعی بھی کھل کر سامنے آ گئی۔ اس سے عالمی سطح پر پاکستان کی تنہائی کھل کر سامنے آئی ہے۔ اس سے یہ تو ثابت ہو گیا ہے کہ صبح و شام خان صاحب کی کامیابی کے ڈھول پیٹنے، پروپیگنڈہ کرنے اور مذہبی بلیک میلنگ سے مسائل حل نہیں ہوتے، مسائل عملی اور دانشمندانہ حکمت عملی سے حل ہوتے ہیں جس کا تحریکِ انصاف اور فوج میں شدید فقدان ہے۔ مودی نے جو الیکشن کمپین میں کہا وہ کر دکھایا، اب آپ کی باری ہے کر دکھانے کی!
     
    • پسندیدہ پسندیدہ × 2
    • معلوماتی معلوماتی × 1
  16. جان

    جان محفلین

    مراسلے:
    1,932
    موڈ:
    Dead
    آپ اپوزیشن کو چھوڑیں کہ انہیں کیا چاہیے، آپ اس بات پر توجہ دیں کہ جو وعدے آپ نے عوام سے کیے تھے وہ کہاں تک پہنچے ہیں اور کشمیر کا مسئلہ کب حل کرنا ہے؟
     
    • دوستانہ دوستانہ × 1
    • پر مزاح پر مزاح × 1
  17. جان

    جان محفلین

    مراسلے:
    1,932
    موڈ:
    Dead
    مقبوضہ کشمیر کے باسیوں کی طرف سے زیادہ مزاحمت کے امکانات کم ہیں بلکہ موجودہ مزاحمت بھی اگلے چند سالوں تک زائل ہوتی جائی گی۔ لمحہ فکریہ مقبوضہ کشمیر کے لیے نہیں بلکہ آزاد کشمیر کے لیے ہے، یہ صورت حال یکسر بدل سکتی ہے کیونکہ امکانات موجود ہیں کہ پاکستان آزاد کشمیر کو اپنے ساتھ ضم کرنے کی کوشش کرے جس سے عین ممکن ہے کہ موجودہ آزادہ کشمیر مقبوضہ کشمیر میں بدل جائے۔ میری دانست میں پاکستان چار ممکنہ اقدامات کر سکتا ہے، اول معاملہ کو انٹرنیشنل فورم پہ اٹھائے لیکن اس سے کامیابی ملنا کم و بیش نا ممکن ہے۔ دوم کشمیر میں پلوامہ طرز کا کوئی حملہ ہو، اس سے پاکستان کے معاملات مزید خراب ہوں گے۔ سوم پاکستان موجودہ آزاد کشمیر کو اسی بہانے اپنے ساتھ ضم کرنے کی کوشش کرے اس سے آزاد کشمیر میں حالات بگڑ سکتے ہیں اور آزاد کشمیر مقبوضہ کشمیر کی نوعیت اختیار کر سکتا ہے۔ چہارم تھوڑے بہت احتجاج کے بعد خاموشی اختیار کرے، اور اسی کے امکانات زیادہ ہیں۔ آگے دیکھتے ہیں کیا ہوتا ہے!
     
    • معلوماتی معلوماتی × 1
    • متفق متفق × 1
  18. جان

    جان محفلین

    مراسلے:
    1,932
    موڈ:
    Dead
    سال تو آپ کی حکومت کو بھی ہو گیا ہے، جو شکوہ آپ کر رہے ہیں اسے اپنی گریبان میں بھی جھانک کر دیکھیں۔ آپ نے اقتدار میں آنے کے بعد سے اب تک کتنی سنجیدہ کوششیں کیں اس قانون کو ختم ہونے سے روکنے کی؟ نواز شریف کو کب تک مورد الزام ٹھہراتے رہیں گے؟ نواز شریف کی نا اہلی ثابت کرنے سے آپ کی اہلیت ثابت نہیں ہو جائے گی۔ ایک بار یاد دہانی ضروری ہے کہ اب آپ اقتدار میں ہیں، اپوزیشن میں نہیں!
     
    آخری تدوین: ‏اگست 6, 2019
    • پسندیدہ پسندیدہ × 1
    • پر مزاح پر مزاح × 1
  19. جاسم محمد

    جاسم محمد محفلین

    مراسلے:
    20,312
  20. جان

    جان محفلین

    مراسلے:
    1,932
    موڈ:
    Dead
    امت مسلمہ فی الوقت چاند سورج، شیعہ سںی، یہودی قادیانی کھیل رہی ہے، اس کھیل سے فرصت ملے گی تو کچھ کرے گی۔ امت کے ایمان کا معیار عرصہ دراز سے انہی کھوکھلے نعروں اور اسی کھیل تک محدود معلوم پڑتا ہے۔
     
    • زبردست زبردست × 1

اس صفحے کی تشہیر