بچوں کے ادب سے دلچسپی رکھنے والے احباب متوجہ ہوں!

گوہر اقبال نے 'ادبیات و لسانیات' کی ذیل میں اس موضوع کا آغاز کیا، ‏دسمبر 6, 2018

  1. گوہر اقبال

    گوہر اقبال محفلین

    مراسلے:
    3
    جھنڈا:
    India
    موڈ:
    Brooding
    ادب اطفال کی اہمیت و ضرورت سے ہر کس و ناکس واقف ہے۔ آج بچوں کے ادب کی ضرورت پہلے سے کہیں زیادہ بڑھ گئی ہے ۔ جدیدیت کے اس دور میں جب کہ حقائق مستور اور قدریں پامال ہو رہی ہیں ، نسلِ نو کی فکری اور ہمہ جہت تعمیر کی راہیں مشکل سے مشکل ترین ہوتی جا رہی ہیں ، ہمیں پوری قوت اور تیارری سے لیس ہو کر اس کے مقابلے میں آنا ہوگا ، اور بچوں کا ایسا ادب تخلیق کرنا ہوگا جو بیک وقت جدید دور کے تقاضوں کو بھی پورا کرے اور ہماری قدیم دینی و فکری روایات کا بھی امین و پاسبان ہو۔

    اس امر سے ہرگز انکار نہیں کیا جاسکتا کہ گزشتہ دہائیوں میں محبینِ ادب نے بچوں کے ادب کی طرف توجہ دی ہے۔ ان کی تخلیقات کی جہاں بہت سی خوبیاں ہیں وہیں ایک خامی یہ بھی ہے کہ یہ حضرات بڑی آسانی سے مغربی افکار و نظریات کے شکار ہو جاتے ہیں۔ اور آئندہ نسلوں کو اس کی دعوت دیتے نطر آتے ہیں۔

    *احباب سے گزارش*
    ان دنوں ناچیز اردو میں ادب اطفال کے موضوع پر مطالعہ کر رہا ہے ، اس تحقیقی مرحلے میں احباب سے گزارش ہے کہ مندرجہ ذیل طریقہ سے (جوابات) میں ہمارا تعاون کریں۔۔۔

    *ادب اطفال کی اہمیت و ضرورت؟*
    *تاریخ و روایت*
    *بچوں کے ادب پر قدیم اور معاصر ماہ نامے* (بالخصوص پاکستان میں)
    *بچوں کے ادب کے نمائندہ تخلیق کار*
    *معاون سائٹس اور ذرائع حصول* وغیرہ۔
    ہم آپ کے تہ دل سے شکر گزار ہوں گے۔
    والسلام۔
     
    • پسندیدہ پسندیدہ × 6
  2. اکمل زیدی

    اکمل زیدی محفلین

    مراسلے:
    3,838
    جھنڈا:
    Pakistan
    موڈ:
    Question
    بہت اچھا خیال ہے ۔۔۔یہی ٹائم ہوتا ہے ۔۔۔۔مٹی جب نرم ہوتی ہے تو کسی بھی مورت میں ڈھل سکتی ہے مگر جب سخت ہو جائے تو پھر بات توڑ پھوڑ پر آجاتی ہے ۔۔۔
     
    • پسندیدہ پسندیدہ × 1
    • زبردست زبردست × 1
    • متفق متفق × 1
  3. فرقان احمد

    فرقان احمد محفلین

    مراسلے:
    5,670
    ریختہ ویب سائیٹ نے ایک گوشہ مختص کر رکھا ہے۔ ربط ملاحظہ فرمائیے!
    ایک کتاب کا ربط جو کہ متعلقہ ہے: اردو ادب اطفال کے معمار
    ایک مضمون: اُردو میں بچوں کا سائنسی ادب؛ ایک مطالعہ
    ادب اطفال کے درسی مسائل
    پاکستان میں بچوں کا ادب
    یہاں بھی آپ کو کافی مواد مل سکتا ہے؛ گوگل سرچ نتائج

    سرِدست تو یہی کچھ ملا ہے؛ مزید جو کچھ ملا، پیش خدمت کر دیا جائے گا۔ آتے جاتے رہیے گا محترم! پاکستانیوں کی جانب سے آپ کو ڈھیروں سلام!
     
    • زبردست زبردست × 1
  4. گوہر اقبال

    گوہر اقبال محفلین

    مراسلے:
    3
    جھنڈا:
    India
    موڈ:
    Brooding
    برادرم اکمل زیدی !
    برادرم فرقان احمد!

    معلومات کی فراہمی کے لیے بہت بہت شکریہ۔
    ہمیں احباب سے ایسی ہی توقع تھی۔ مزید آپ کی مساعدت کا منتظر!
    ہندوستان سے آپ محبین ادب کے لیے ڈھیروں سلام۔

    *ہم پرورش لوح و قلم کرتے رہیں گے*
     
    • دوستانہ دوستانہ × 2
    • پسندیدہ پسندیدہ × 1

اس صفحے کی تشہیر