بند کسے کہتے ہیں ؟

مظہر آفتاب

محفلین
مجھے ایک شعر کہنے کا بہت شوق ہے لیکن ناقص علم رکھتا ہوں میں جاننا چاہتا ہو ں کہ ایک شعر یا بند کہنے کے لیے کن اصولوں کو ملحوظ خاطر رکھنا چاہیے
مثال کے طور پر یہ ہے ۔
طبیعت کچھ یوں کہ احساس تنہائی ہو جیسے
تم مل جاو اگر تو لگے رہائی ہو جیسے
،
مثل ِشجر سی کٹی ہے زندگی
آئے طوفاں بھی تو رہے وہیں کے وہیں
،
ہومنزل کا تعین تو نکلوں
کب سے باندھ رکھا ہے سامانِ سفر

مطلب میں یہ چاہتا ہو ں کہ اپنی بات ایک شعر میں کہہ سکوں میری اس معاملے میں ارباب سخن سے مدد کی اپیل ہے
 

الف عین

لائبریرین
شعر یا بند کا فرق سمجھئے۔ بند ایک پابند نظم کا ہوتا ہے، جس میں ایک ٹیپ کا صرع ہو یا ایک مصرع ایسا ہو جس میں قوافی دہرائے گئے ہوں اور پوری نظم میں اس کا التزام ہو۔
جو مثالیں دی گئی ہیں، وہ غزلوں کے اشعار ہو سکتے ہیں، بشرطیکہ بحر میں ہوں۔
 

ابن رضا

لائبریرین
ویسے پنجابی میں بند بریڈ کے پیڑے کو بھی کہتے ہیں جسے اردو میں بن کہا جاتا ہے مگر یہ بن وہ بن نہیں ہے کہ جسے کہتے ہیں ....میرا نہیں بنتا نہ بن اپنا تو بن
 

وصی اللہ

محفلین
ویسے میں نے تو ہمیشہ "بند" "لسی" کے ساتھ ہی استعمال کیا ہے۔۔۔ سنا ہے کہ بند مکھن بھی ہوتا ہے۔۔۔۔
 

سید عمران

محفلین
جنگل کو بھی بن کہتے ہیں۔۔۔ اور اگر کوئی بھلا مانس وہاں سے ہوکر آجائے تو اسے بن مانس کہنے لگتے ہیں۔۔۔
اگر کوئی مستقل رہائش اختیار کرلے تو بن باسی ہوجاتا ہے۔ چاہے بن جتنا بھی باسی ہو۔۔۔:)
 

مظہر آفتاب

محفلین
یہ جو ہم اتنی تشریحات کررہے ہیں تو بن یا بند کے معنی ہم سے پوچھ کون رہا ہے؟؟؟؟
:dont-know::dont-know::dont-know:
اربابِ سخن سے شعری بند کےاصولوں کے بارےمیں پوچھاتھا اور اصلاح سخن میں لڑی تشکیل دی تھی لگتا ہے کہیں غلطی سے طنزومزاح میں پہنچ گئی
 

مظہر آفتاب

محفلین
میرا بھی ایک دوست سے اسی بات پر جھگڑا ہو گیاجب میں نے کہا یہ میرا شعر ہے اس نے کہا یہ شعر نہیں بند ہے اور میں نے کہا اپنا منہ بند کر ۔۔۔۔۔
 

مظہر آفتاب

محفلین
شعر یا بند کا فرق سمجھئے۔ بند ایک پابند نظم کا ہوتا ہے، جس میں ایک ٹیپ کا صرع ہو یا ایک مصرع ایسا ہو جس میں قوافی دہرائے گئے ہوں اور پوری نظم میں اس کا التزام ہو۔
جو مثالیں دی گئی ہیں، وہ غزلوں کے اشعار ہو سکتے ہیں، بشرطیکہ بحر میں ہوں۔
محترم کیا بحر سے بے بہرہ ہو کر کچھ نہیں لکھا جا سکتا ؟
جو مثالیں دی ہیں انھیں کیا کہیں گے آپ
 
Top