بربریت کی جو دیکھی اک مثال

[محمد اظہر نذیر]

بربریت کی جو دیکھی اک مثال
شرم سے شیطاں کے عارض تھے گُلال

شرم خارج کو نہ کوئی آئی تھی
خوں بہا کر ہو گیا جیسے نہال

جانور تُجھ سے ہیں بہتر خارجی
ہاتھ بچوں پر اُٹھے کس کی مجال

کیوں محافظ جان پائے ہی نہیں
بھیڑئیے تھے انس کی پہنے تھے کھال

دفن کر دے بھیڑیوں کو، کھا نہ لیں
تیرے بچے، چل اُٹھا لے تُو کُدال

مانتا ہوں جو گئے ہیں، سب شہید
بھولنا مت کیوں ہوا لیکن وصال

ہیجڑوں کی فوج ہی بھرتی نہ کر
ڈھونڈھ بستی میں کہیں ہوں گے رجال

اس مُصیبت سے نکلنا ہے تو سُن
سانپ اپنی آستینوں سے نکال

دوسروں کی جاں بچانے چل پڑا
چل پلٹ اپنی کہیں پہلے سنبھال

آگہی اسباب کی ہے ناگزیر
قوم پر آیا تھا کیسے، کیوں زوال

کُچھ خُدا کا خوف کر اظہر کہیں
کیا بنے گا، آ گیا اُس کو جلال
​

 

[الف عین]

درست ہے۔ یہ تو محض موضوعاتی نوعیت کا ہے، اس لئے بھی کسی اصلاح کی ضرورت نہیں۔ کوئی فاش غلطی بھی نہیں ہے۔
دوسروں کی جاں بچانے چل پڑا
چل پلٹ اپنی کہیں پہلے سنبھال
یہ کچھ روانی چاہتا ہے۔

کُچھ خُدا کا خوف کر اظہر کہیں
کیا بنے گا، آ گیا اُس کو جلال
دوسرے مصرع میں ’اگر‘ کی کمی ہے۔ جیسے ’آیا گر اس کو جلال‘