1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $413.00
    اعلان ختم کریں

برائے اصلاح

فلسفی نے 'اِصلاحِ سخن' کی ذیل میں اس موضوع کا آغاز کیا، ‏جنوری 10, 2019

ٹیگ:
  1. فلسفی

    فلسفی محفلین

    مراسلے:
    2,570
    جھنڈا:
    Pakistan
    موڈ:
    Pensive
    سر الف عین اور دیگر احباب سے اصلاح کی گذارش ہے۔

    میرے مطلب کی دے مجھ کو رائے کوئی
    ہاں وہی جس کو سمجھا نہ ہائے کوئی

    زیست کی تشنگی کو مٹائے کوئی
    میرے لب سے لبوں کو لگائے کوئی
    (دوسرا مصرع اگر حد سے تجاوز کے زمرے میں آتا ہے تو اس کا متبادل ایک یہ ہےکہ
    آبِ عشق اب لبوں سے لگائے کوئی )

    کیوں بدل کر حضور ان کے مفہوم کو
    میرے لفظوں کے معنی بتائے کوئی

    جس فراموش گھر کا مکیں ہوں میں اب
    بھول کر ہی وہاں آج آئے کوئی

    جان دے کر چھڑانا پڑے گی یہ جان
    دل کو ورنہ کہاں تک ستائے کوئی

    میری میت کے اے منتظر دوستو!
    یہ پڑا ہے جنازہ اٹھائے کوئی

    جم رہا ہے رگوں میں لہو مثلِ ثَلْج (برف)
    ایسی سردی میں کیسے نہائے کوئی

    ارضِ دل میں گناہوں کی کثرت ہوئی
    اب وہاں پر بھی محشر اٹھائے کوئی

    لوگ غفلت کے چادر لیے سو گئے
    نیند گہری ہے ، ان کو جگائے کوئی

    اب حصولِ یقیں کے لیے فلسفیؔ
    تیرے سر کی قسم کیوں اٹھائے کوئی؟​
     
    • پسندیدہ پسندیدہ × 1
  2. الف عین

    الف عین لائبریرین

    مراسلے:
    33,459
    جھنڈا:
    India
    موڈ:
    Psychedelic
    درست لگ رہی ہے غزل
    میرے لب سے.... بھی قابل قبول ہے
    لیکن مثلِ ثلج نہیں برف کہنے میں کیا حرج ہے؟
     
    • پسندیدہ پسندیدہ × 1
    • دوستانہ دوستانہ × 1
  3. فلسفی

    فلسفی محفلین

    مراسلے:
    2,570
    جھنڈا:
    Pakistan
    موڈ:
    Pensive
    شکریہ سر
    شکریہ سر میں سمجھ رہا تھا کہیں کوئی اعتراض ہی نہ کردے۔
    بس ایسے ہی دل کر رہا تھا کہ کوئی غیر معمولی لفظ ساتھ لگایا جائے۔ :) ویسے تو برف بھی بحر میں ہے۔ اس لیے برف ہی کر دیتا ہوں۔
     
  4. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,143
    جھنڈا:
    Pakistan
    موڈ:
    Cheerful
    بہت عمدہ ،
    شاندار غزل فلسفی جی ۔
     
    • دوستانہ دوستانہ × 1
  5. فلسفی

    فلسفی محفلین

    مراسلے:
    2,570
    جھنڈا:
    Pakistan
    موڈ:
    Pensive
    نوازش ہے بھائی آپ کی۔
     
    • دوستانہ دوستانہ × 1

اس صفحے کی تشہیر