برائے اصلاح

ارشد چوہدری نے 'اِصلاحِ سخن' کی ذیل میں اس موضوع کا آغاز کیا، ‏اپریل 17, 2018

  1. ارشد چوہدری

    ارشد چوہدری محفلین

    مراسلے:
    262
    جھنڈا:
    UnitedStates
    موڈ:
    Brooding
    ہمیں کاش تم سے یہ الفت نہ ہوتی
    تو پانے کی تم کو یہ حسرت نہ ہوتی
    جو تم پھونک دیتے نشیمن ہمارا
    تمہیں اس میں کوئی بھی دقّت نہ ہوتی
    نہ دل تم کو دیتے نہ مجبور ہوتے
    تو اب تم سے اتنی یہ نفرت نہ ہوتی
    زمانے نے ٹھوکر لگائی تو بھاگے
    اگر گِر بھی جاتے تو حیرت نہ ہوتی
    اگر ہم سے خِلوت میں ملتے ملاتے
    اب مل کے تیری یہ حالت نہ ہوتی
    جو تم ہم کو رشوت دیتے دلاتے
    تو تھانے میں تیری یہ درگت نہ ہوتی
    جو ارشد زمانے کی راہوں پہ چلتے
    تو دنیا میں تیری یہ حالت نہ ہوتی
     
  2. الف عین

    الف عین لائبریرین

    مراسلے:
    31,448
    جھنڈا:
    India
    موڈ:
    Psychedelic
    ارشد چوہدری کوشش کریں کہ ہی، بھی، یہ، تو، جیسے بھرتی کے الفاظ سے بچیں۔
    ہمیں کاش تم سے یہ الفت نہ ہوتی
    تو پانے کی تم کو یہ حسرت نہ ہوتی
    ۔۔۔کاش کے ساتھ بات تمنائی ہو جاتی ہے، لیکن دوسرے مصرع سے لگتا ہے کہ بات شرطیہ ہے۔ اس صورت میں پہلے مصرع میں 'اگر' ہونا چاہیے
    اگر ہم کو تم سے محبت نہ ہوتی
    بہتر ہو گا۔

    جو تم پھونک دیتے نشیمن ہمارا
    تمہیں اس میں کوئی بھی دقّت نہ ہوتی
    ۔۔کیوں بھلا؟ 'بھی' بھرتی کا ہے۔ 'بھی دقت' کو 'مشقت' سے بدل دیں

    نہ دل تم کو دیتے نہ مجبور ہوتے
    تو اب تم سے اتنی یہ نفرت نہ ہوتی
    ۔۔۔ نفرت ہو گئی ہے تو مجبوری کیا رہی؟ دل بھی واپس لے لیں!

    زمانے نے ٹھوکر لگائی تو بھاگے
    اگر گِر بھی جاتے تو حیرت نہ ہوتی
    ۔۔۔بھاگے؟ کیوں؟

    اگر ہم سے خِلوت میں ملتے ملاتے
    اب مل کے تیری یہ حالت نہ ہوتی
    ۔۔دوسرا مصرع بحر سے خارج، شتر گربہ بھی ہے۔ پہلے مصرع سے ظاہر ہوتا ہے کہ محبوب سے 'تم' سے خطاب ہے۔ لیکن دوسرے مصرع میں "تیری" کیوں؟

    جو تم ہم کو رشوت دیتے دلاتے
    تو تھانے میں تیری یہ درگت نہ ہوتی
    ۔۔۔ ایک شعر مزاحیہ بنا دینے سے تاثر نہیں رہتا۔ اس سے گریز بہتر ہے۔ پہلا مصرع بحر سے خارج

    جو ارشد زمانے کی راہوں پہ چلتے
    تو دنیا میں تیری یہ حالت نہ ہوتی
    ۔۔یہاں بھی شتر گربہ ہے۔ پہلے مصرع میں 'تم' محذوف ہے، لیکن دوسرے مصرع میں 'تیری' ! یوں کیا جا سکتا ہے کہ
    تمہاری یہ دنیا میں حالت نہ ہوتی
    مگر کیسی حالت؟ اس کا کوئی ذکر نہیں۔
    اب بحر پر ماشاء اللہ قابو کافی حد تک پا لیا ہے تو اصلاح بھی باریکی سے کی جا سکتی ہے
     
  3. ارشد چوہدری

    ارشد چوہدری محفلین

    مراسلے:
    262
    جھنڈا:
    UnitedStates
    موڈ:
    Brooding
    اسلام علیکم--اصلاح پر آپ کا بہت مشکور ہوں۔آپ کی محنت سے آہستہ آہستہ بہتری آ رہی ہے۔ مجھے آپ کی عمر کا پتہ تھا اس لئے میں نے ہمیشہ محترم لکھا ہے ۔ویسے بھی جو سکھائے وہ اُستاد ہوتا ہے اور استاد کو احترام ملنا ہی چاہئے۔ جنابِ محترم آج ایک نعت اور ای غزل نئی لڑیوں میں ارسال کر رہا ہوں ۔اس کے بعد شاید کطھ دن نہ لکھ سکوں کیونکہ کل 19 اپریل جمعرات کو میرے بائیں ہاتھ کی سرجری ہو رہی ہے۔جوڑوں کے درد کی وجہ سے ہاتھوں کی گرفت کمزور تھی اس لئے سرجری کروا رہا ہوں ۔ بڑا نازک سا اپریشن ہے ۔ میرے لئے دعا کی درخواست کرتا ہوں ۔
     
    • دوستانہ دوستانہ × 2
  4. محمد عدنان اکبری نقیبی

    محمد عدنان اکبری نقیبی محفلین

    مراسلے:
    10,685
    جھنڈا:
    Pakistan
    موڈ:
    Cheerful
    اللہ کریم آپ کو باخیر و عافیت صحت کاملہ عطا فرمائیں ، آمین ۔
     

اس صفحے کی تشہیر