عبیداللہ علیم باہر کا دھن آتا جاتا اصل خزانہ گھر میں ہے

عبید اللہ علیم کی ایک خوبصورت غزل، جس کے متعلق وہ کچھ یوں کہتے ہیں:​

​

"اس غزل کی کیفیت یہ ہے کہ وہ اپنے ملک سے بھی تعلق رکھتی ہے اور صنفِ نازک سے بھی تعلق رکھتی ہے مگر اُس کا تعلق ذرا اور طرح کا ہے۔"​

​

​

غزل​

​

​

باہر کا دھن آتا جاتا اصل خزانہ گھر میں ہے​

ہر دھوپ میں جو مجھے سایہ دے وہ سچا سایہ گھر میں ہے​

​

​

پاتال کے دکھ وہ کیا جانیں جو سطح پہ ہیں ملنے والے​

ہیں ایک حوالہ دوست مرے اور ایک حوالہ گھر میں ہے​

​

​

مری عمر کے اک اک لمحے کو میں نے قید کیا ہے لفظوں میں​

جو ہارا ہوں یا جیتا ہوں وہ سب سرمایہ گھر میں ہے​

​

​

تو ننھا منا ایک دیا میں ایک سمندر اندھیارا​

تو جلتے جلتے بجھنے لگا اور پھر بھی اندھیرا گھر میں ہے​

​

​

کیا سوانگ بھرے روٹی کے لیے عزت کے لیے شہرت کے لیے​

سنو شام ہوئی اب گھر کو چلو کوئی شخص اکیلا گھر میں ہے​

​

​

اک ہجر زدہ بابل پیاری ترے جاگتے بچوں سے ہاری​

اے شاعر کس دنیا میں ہے تو تری تنہا دنیا گھر میں ہے​

​

​

دنیا میں کھپائے سال کئی آخر میں کھلا احوال یہی​

وہ گھر کا ہو یا باہر کا ہر دکھ کا مداوا گھر میں ہے​

​

 

دنیا میں کھپائے سال کئی آخر میں کھُلا، احوال یہی​

وہ گھر کا ہو یا باہر کا، ہر دُکھ کا مداوا گھر میں ہے​

کیا کہنے!​

​

بہت خوب جناب!​

تشکّر شیئر کرنے پر ​

بہت شاداں رہیں ​

 

اک ہجر زدہ بابل پیاری ترے جاگتے بچوں سے ہاری
اے شاعر کس دنیا میں ہے تو تری تنہا دنیا گھر میں ہے
تلخ حقیقت

 

پسندیدگی کا بیحد شکریہ۔
ایک کھُلا سچ۔

 

متفق۔
شاعروں کو بہت ہی اچھے پیرائے میں آڑے ہاتھوں لیا ہے عبید صاحب نے۔
پسندیدگی کا شکریہ۔

 

خوب!

 

پسندیدگی کا شکریہ۔

 

واہ ،
پاتال کے دکھ وہ کیا جانیں جو سطح پہ ہیں ملنے والے
ہیں ایک حوالہ دوست مرے اور ایک حوالہ گھر میں ہے
بہت خوب

 

بہت بہت شکریہ پسندیدگی کا۔
یہ میری پسندیدہ غزلوں میں سے ایک ہے۔