حزیں صدیقی باوصفِ مہر و ماہ اجالا ہے خال خال۔۔۔حزیں صدیقی

[مہ جبین]

باوصفِ مہر و ماہ اجالا ہے خال خال
اپنا تمام عکس رخِ زندگی پہ ڈال

دو گام ہی چلے تھے سرِ جادہء جمال
گھبرا کے زندگی نے پکارا مجھے سنبھال

سب مرحلے تمام ہوئے حال ہے نہ قال
اب عشقِ لازوال ہے اور حسنِ بے مثال

تہذیبِ آرزو کی جھلک ہے کہیں کہیں
تقدیسِ جستجو کا تصور ہے خال خال

کب سے حصارِ دشتِ فنا میں اسیر ہوں
اے روحِ کائنات یہاں سے مجھے نکال

کانٹوں میں پھول تلتے رہیں گے حزیں یہاں
دامن سمیٹ ایسے گلستاں پہ خاک ڈال

حزیں صدیقی

انکل الف عین کی شفقتوں کی نذر

والسلام

 

[محمداحمد]

کانٹوں میں پھول تلتے رہیں گے حزیں یہاں
دامن سمیٹ ایسے گلستاں پہ خاک ڈال

واہ، بہت خوب انتخاب ہے۔

شکریہ۔

 

[الف عین]

جزاک اللہ خیراً

 

[مہ جبین]

کانٹوں میں پھول تلتے رہیں گے حزیں یہاں
دامن سمیٹ ایسے گلستاں پہ خاک ڈال

واہ، بہت خوب انتخاب ہے۔

شکریہ۔

محمد احمد بھائی ، بڑی نوازش آپکی پسندیدگی کا بہت شکریہ