سیف باقی رہی نہ خاک بھی میری زمانے میں

شیزان

لائبریرین
باقی رہی نہ خاک بھی میری زمانے میں
اور برق ڈھونڈتی ہے مجھے آشیانے میں

اب کِس سے دوستی کی تمنا کریں گے ہم
اِک تم جو مل گئے ہو سارے زمانے میں

اے حسن! میرے شوق کو الزام تو نہ دے
تیرا تو نام تک نہیں میرے فسانے میں

روئے لپٹ لپٹ کے غمِ دو جہاں سے ہم
وہ لذتیں ملیں ہمیں آنسو بہانے میں

ہر سانس کھنچ کے آئی ہے تلوار کی طرح
کیا جان پر بنی ہے غمِ دل چُھپانے میں

ہنس ہنس کے سیف یوں نہ حکایات دل سُنا
آنسو چھلک رہے ہیں ترے مسکرانے میں

سیف الدین سیف
 

طارق شاہ

محفلین
باقی رہی نہ خاک بھی میری زمانے میں

"سیف الدین سیف"
شیزان صاحب !بہت خوب انتخاب ، تشکّر شیئر کرنے پر
نیچے، لکھے شعر :

اب کِس سے دوستی کی تمنّا کریں گے ہم
اِک تم جو مِل گئے ہو سارے زمانے میں


کے مصرع ثانی میں ٹائپو ہے شاید ۔
دیکھ لیں گے تو کیا بات ہو ۔
تشکر ایک بار پھر سے ، بہت خوش رہیں :)
 
Top