بات

[شمشاد]

ذرا سی بات پہ ہر رسم توڑ آیا تھا
دلِ تباہ نے بھی کیا مزاج پایا تھا

معاف کر نہ سکی میری زندگی مجھ کو
وہ اک لمحہ کہ میں تجھ سے تنگ آیا تھا
(جاں نثار اختر)

 

[عبدالجبار]

خود پسندی شعار ہے اُن کا
تُو بتوں سے خدا کی بات نہ چھیڑ​

 

[عمر سیف]

آپ سے عرضِ ملاقات نئی بات نہیں
ہے میرے لب پہ وہی بات، نئی بات نہیں

دِل بیتاب یہ ہلچل، یہ قیامت کیسی؟
آج کچھ ان سے ملاقات، نئی بات نہیں

آپ آجائیں تو رم جھم کی صدا ناچ اٹھے
ورنہ یہ رات، یہ برسات، نئی بات نہیں

ہے یہی فرقہِ احبابِ وفا کا مقسوم
یہ پریشانیِ حالات نئی بات نہیں

سیف اندازِ بیاں رنگ بدل دیتا ہے
ورنہ دنیا میں کوئی بات نئی بات نہیں

سیف الدین سیف

 

[عمر سیف]

یہ کب کہا ہے مرنے کی بات یار نہ کر
مگر یہ تذکرہِ ہجر بار بار نہ کر
سمجھ لے اس کو بھی حکمت کوئی خدا کی حسن
وہ جا چکا ہے تو خود کو یوں سوگوار نہ کر

علی حسن شیرازی

 

[الف عین]

آپ کا ذکر ذکر پھولوں کا
آپ کی بات بات پھولوں کی
مخدوم

 

[عمر سیف]

کیسے یہ بات مان لوں میں اس زمانے کی
دنیا نے قسم دی ہے تجھے بھول جانے کی

 

[عبدالجبار]

یہ الگ بات کہ تعمیر کی توفیق نہ ہو
ورنہ ہر دل میں کئی تاج محل ہوتے ہیں​

 

[شمشاد]

یہ الگ بات کہ تعمیر کی توفیق نہ ہو
ورنہ ہر دل میں کئی تاج محل ہوتے ہیں​

میرے خیال میں اصل شعر یوں ہے :

یہ اور بات ہے کہ تعمیر ہو نہ سکیں
ورنہ ہر دل میں کچھ تاج محل ہوتے ہیں

 

[شمشاد]

بات یہ ہے کہ سکونِ دلِ وحشی کا مقام
کُنجِ زنداں بھی نہیں وسعتِ صحرا بھی نہیں
(فراق گورکھپوری)

 

[عمر سیف]

یاد رکھ اس کی باتوں کے سب ذائقے
اس کے وعدوں کی لذت مگر بھول جا

محسن نقوی

 

[ظفری]

مرنے کے لیے زہر ضروری تو نہیں ہے
مجھ کو تیری ایک چھپتی ہوئی بات بہت ہے​

 

[عمر سیف]

بات چھوٹی سی بھی افسانہ بنا دیتی ہے
تم کتابوں پہ میرے نام کو لکھا نہ کرو
فاخرہ بتول

 

[عبدالجبار]

وہ دل کا حال سُنتے رہے پہلے اور پھر
ہنس کر کہا یہ گزرے زمانے کی بات ہے​

 

[عمر سیف]

یونہی باتوں ہی باتوں میں
مجھے اس نے بتایا تھا
محبت کرنے والے پیار میں دھوکہ نہیں‌کرتے
کوئی جب بات کرتا ہو اسے ٹوکا نہیں کرتے
جِسے جانے کی جلدی ہو اسے روکا نہیں کرتے
کونہی باتوں ہی باتوں میں

 

[شمشاد]

وہ قحط دوستی کا پڑا ہے کہ ان دنوں
جو مسکرا کے بات کرئے آشناء لگے
(قتیل شفائی)

 

[عبدالجبار]

آپ کی بات کا تو کیا کہنا
ہاں! مِری بات کوئی بات نہیں
یاد کرتے تو ایک بات بھی تھی
بھول جانا تو کوئی بات نہیں​

 

[عبدالجبار]

یہ الگ بات کہ تعمیر کی توفیق نہ ہو
ورنہ ہر دل میں کئی تاج محل ہوتے ہیں​

میرے خیال میں اصل شعر یوں ہے :

یہ اور بات ہے کہ تعمیر ہو نہ سکیں
ورنہ ہر دل میں کچھ تاج محل ہوتے ہیں

شمشاد صاحب معذرت کے ساتھ! آپ کا خیال غلط ہے
میرا شعر بالکل درست ہے۔ آپ درستگی کر لیجیئے گا۔

 

[عمر سیف]

اپنی باتیں کب دریا سے کہتی ہے
وہ ندیا جو صحرا صحرا بہتی ہے
رات سے پہلے رات کی باتیں کرتا ہے
میرے دن کو کتنی عجلت رہتی ہے
(نوید ہاشمی)

 

[عبدالجبار]

نظروں کی بات اور ہے دل کی ہے اور بات
باتیں جو میرے دل میں ہیں اب تک کہیں نہیں
دل نے بہت کہا کہ تمہیں مہرباں کہوں
اِس ڈر سے چُپ رہا کہ نہ کہہ دو کہیں، نہیں​

 

[عمر سیف]

صرف ایک صفحہ پلٹ کر اس نے
بیتی باتوں کی صفائی دی ہے
(گلزار)