ایک اور غزل لئے آپ کی خدمت میں حاضر ہوں آپ کی (دو منٹ کی) توجہ کا طالب بسمل شیخ

[مزمل شیخ بسمل]

ادھر وہ چلے میرے گھر سے نکل کے​

اِدھر رہ گئیں حسرتیں ہاتھ مل کے​

​

بنے خاک عاشق جدائی میں جل کے​

اگر چاہتا ہے کہ آنسو نہ چھلکے​

​

جلا دیں نہ اے چرخ آہیں نکل کے​

ذرا مجھ پہ ہر چال چلیو سنبھل کے​

​

ہوا خاک نخلِ حیات اپنا جل کے​

ابھی دن بھی آئے نہ تھے پھول پھل کے​

​

حسینوں نے چھینا مرا دل غضب ہے​

جواں جب ہوا میرے سینے میں پل کے​

​

ابھی حشر ہوتا ہے برپا جہاں میں​

ابھی فتنہ گر دو قدم دیکھ چل کے​

​

دمِ مرگ تم آئے بہرِ عیادت​

قضا رہ گئی آج پھر ہاتھ مل کے​

​

ترے ہجر میں کیا بتاؤں ستم گر​

بہے خوب آنکھوں سے چشمے اہل کے​

​

کسی بیوفا کی جدائی میں اے دل​

مزا تو یہی ہے کہ آنسو نہ چھلکے​

​

کوئی اور تجھ سا نہیں حسن والا​

ترے در سے آخر کہاں جائیں ٹل کے​

​

اگر تم ہو جنت کے طالب تو بسمل​

صداقت سے خوگر ہو اچھے عمل کے​

 

[زبیر مرزا]

واہ بہت خوب جناب

 

[مزمل شیخ بسمل]

شکریہ زحال۔

 

[الف عین]

اچھی غزل ہے بس، زمین وہ ہے کہ بے اختیار مجھے گانا یاد آ گیا۔
محبت کی راہوں میں چلنا سنبھل کے

 

[مزمل شیخ بسمل]

غزنوی صاحب اور الف عین دونوں قابلِ محترم اساتذہ کا شکریہ پسندیدگی کے لئے۔

 

[محمد وارث]

خوب غزل ہے مزمل شیخ صاحب، کیا کہنے۔

 

[محمداحمد]

بہت خوب بھائی ۔۔۔۔!

اچھی غزل ہے۔

 

[محمود احمد غزنوی]

آپکی یہ غزل پڑھ کر ایسا لگتا ہے کہ انیسویں صدی کے اواخر اور بیسویں صدی کے اوائل میں جا کر پڑھ رہے ہیں

 

[محمد بلال اعظم]

واہ مزمل صاحب
بہت خوب۔

 

[مزمل شیخ بسمل]

بہت شکریہ وارث بھائی۔ بلال بھائی۔ اور غزنوی صاحب۔

 

[مزمل شیخ بسمل]

فاتح

 

[فاتح]

کیا کہنے

 

[اسامہ جمشید]

بهت عمده ، داد قبول فرمائيں۔

 

[مزمل شیخ بسمل]

کیا کہنے

بہت شکریہ۔

بهت عمده ، داد قبول فرمائيں۔

آپ کی محبت محترم۔

 

[سید ذیشان]

بہت خوب مزمل بھائی۔ خدا کرے زور قلم اور زیادہ۔

 

[مزمل شیخ بسمل]

بہت خوب مزمل بھائی۔ خدا کرے زور قلم اور زیادہ۔

شکریہ بڑے بھیا۔