ایتھنز میں نماز عید ادا کرنے والے ہزاروں مسلمانوں پر گندے انڈوں کی بارش

[ایم اسلم اوڈ]

ایتھنز (جنگ نیوز) یونان کے دارالحکومت کے سینٹرل سکوائر میں عیدالاضحی کی نماز ادا کرنے والے ہزاروں مسلمانوں پر گندے انڈے پھینکے گئے اور گالیاں دی گئیں۔ پولیس کی جانب سے حفاظتی اقدامات کے باوجود دائیں جانب کے سیاسی کارکنوں اور مقامی لوگوں نے نماز کے لئے آنے والے مسلمانوں پر آوازیں کسیں اور ان پر گندے انڈے اور دوسری گندی چیزیں پھینکیں۔ یہ سب ایسے موقع پر کیا گیا جب دنیا بھر میں اقوام متحدہ کی جانب سے برداشت کا عالمی دن منایا گیا۔ یونان یورپی یونین میں تارکین وطن کے داخلے کا گیٹ وے بن چکا ہے جس کی وجہ سے ایتھنز کے مسلمانوں کو سرکاری طور پر مسجد بنانے کی اجازت نہیں دی گئی جبکہ یہاں یونان میں مسلمانوں کی تعداد 10 لاکھ کے لگ بھگ ہے۔ ملک کی اکثریت کریگ آرتھوڈوکس عیسائیوں پر مشتمل ہے۔ جب مسلمان عید کی نماز ادا کررہے تھے تو مقامی یونانی اپنے گھروں کی بالکونیوں سے ان کو گالیاں بک رہے تھے اور یونان کے جھنڈے لہرا رہے تھے۔ سکوائر پر مسلمانوں کے خلاف ہینڈبل بھی تقسیم کئے گئے جن میں مسلمانوں کو سور کی شکل میں دکھایا گیا تھا کیونکہ مسلمان سور کو حرام تصور کرتے ہیں۔ ایتھنز میں سینٹرل سکوائر کے علاوہ نیوکلاسیکل یونیورسٹی کے سامنے بھی دو ہزار مسلمانوں نے پرامن طور پر عید کی نماز ادا کی۔ ماضی میں ایتھنز میں ایک مرکزی مسجد کی تعمیر کی مقامی عیسائیوں نے شدید مخالفت کی۔ یونان میں واحد مسجد ترکی کی سرحد کے ساتھ زانتھی ریجن میں ہے جہاں مسلمان بڑی اقلیت ہیں۔

http://www.jang.net/urdu/details.asp?nid=483906

 

[دوست]

اللہ سائیں وہ دن بھی دکھائے گا جب یونان میں کئی مسجدیں ہونگی۔

 

[mfdarvesh]

یہ پڑھ کے مجھے ایل خانی اور چغتائی سلطنت یاد آگئی ہے جب مسلمانوں کو زندہ جلادیا گیا تھا نماز کے دوران اور پھر اللہ کے حکم سے پوری سلطنت مسلمان ہو گئی، یقینا یہ قربانیاں رنگ لائیں گی

 

[arifkarim]

اصل میں یہ دشمنی عثمانیوں کے یونانیوں سے بدسلوکی کی وجہ سے ہے۔

 

[dehelvi]

اصل میں یہ دشمنی عثمانیوں کے یونانیوں سے بدسلوکی کی وجہ سے ہے۔

نہیں بلکہ خبث باطن کی بھڑاس نکالنی تھی۔
کیا اسپین میں میں سقوط اندلس کے بعد چن چن کے مسلمانوں کی مساجد کو گرجا گھروں میں تبدیل کرنا طارق بن زیاد رحمۃ اللہ علیہ کی بدسلوکی کا رد عمل تھا؟

 

[طالوت]

عارف ۔ عثمانیوں کی بد سلوکی کیسے ہو گئی ؟ دو پڑوسی ملک ہزاروں متنازعہ معاملے ۔ ہر جگہ ایسے ہی ہوتا ہے ۔ تو محض عثمانیوں کو الزام ۔ میں نے کہا نہ تھا کہ آپ جمہوری ہو چکے صاحب ۔
وسلام