نوید اکرم
محفلین
اگر ہے مرد سورج تو تمازت ایک عورت ہے
سبھی پُر نور آنکھوں کی بصارت ایک عورت ہے
اسی کے دم سے ہیں قائم جہاں میں رونقیں ساری
کثافت در کثافت میں لطافت ایک عورت ہے
عنایت کی ہیں اللہ نے بہت سی نعمتیں ہم کو
ہے ان سب میں سے افضل جو ، وہ نعمت ایک عورت ہے
ہیں چرچے ماں کی الفت کے زماں میں بھی مکاں میں بھی
ملی ہم کو جو دنیا میں وہ جنت ایک عورت ہے
پسر دختر سے برتر ہے، تجھے ہے یہ گماں لیکن
جو جنت کی بشارت ہے وہ رحمت ایک عورت ہے
اسی کے دم سے ہیں زندہ سبھی رشتے سبھی ناتے
ہر اک بندھن میں جذبوں کی حرارت ایک عورت ہے
نوید انثٰی کے ہاتھوں میں ہی نسلوں کا ہے مستقبل
تری اولاد کے کل کی ضمانت ایک عورت ہے
سبھی پُر نور آنکھوں کی بصارت ایک عورت ہے
اسی کے دم سے ہیں قائم جہاں میں رونقیں ساری
کثافت در کثافت میں لطافت ایک عورت ہے
عنایت کی ہیں اللہ نے بہت سی نعمتیں ہم کو
ہے ان سب میں سے افضل جو ، وہ نعمت ایک عورت ہے
ہیں چرچے ماں کی الفت کے زماں میں بھی مکاں میں بھی
ملی ہم کو جو دنیا میں وہ جنت ایک عورت ہے
پسر دختر سے برتر ہے، تجھے ہے یہ گماں لیکن
جو جنت کی بشارت ہے وہ رحمت ایک عورت ہے
اسی کے دم سے ہیں زندہ سبھی رشتے سبھی ناتے
ہر اک بندھن میں جذبوں کی حرارت ایک عورت ہے
نوید انثٰی کے ہاتھوں میں ہی نسلوں کا ہے مستقبل
تری اولاد کے کل کی ضمانت ایک عورت ہے