1. اردو محفل سالگرہ پانزدہم

    اردو محفل کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

نظیر اکبرآبادی ::::::ہو کیوں نہ تِرے کام میں حیران تماشا::::::Nazeer-Akbarabadi

طارق شاہ نے 'پسندیدہ کلام' کی ذیل میں اس موضوع کا آغاز کیا، ‏اپریل 24, 2019

  1. طارق شاہ

    طارق شاہ محفلین

    مراسلے:
    10,645
    جھنڈا:
    Pakistan
    موڈ:
    Bookworm

    غزل
    نظیؔر اکبر آبادی

    ہو کیوں نہ تِرے کام میں حیران تماشا
    یا رب ! تِری قُدرت میں ہےہر آن تماشا

    لے عرش سےتا فرش نئے رنگ، نئے ڈھنگ
    ہر شکل عجائب ہے، ہر اِک شان تماشا

    افلاک پہ تاروں کی جَھلکتی ہے طلِسمات
    اور رُوئے زمیں پر گُل و ریحان تماشا

    جِنّات، پَری، دیو، ملک، حوُر بھی نادر
    اِنسان عجوبہ ہیں تو حیوان تماشا

    چَوٹی کی گندھاوٹ کہیں دِکھلاتی ہےلہریں
    رکھتی ہے کہیں زُلف پَریشان تماشا

    گر عِشق کےکوُچے میں گُزر کیجے، تو واں بھی
    ہر وقت نئی سیر ہے، ہر آن تماشا

    مُنھ زور، بَدن خُشک ،جِگرچاک ،اَلمناک
    غُل، شور، تَپش نالۂ و افغان تماشا

    ہم پست نِگاہوں کی نَظر میں تو نَظیرؔآہ
    سب ارض و سما کی ہے گُلِستان تماشا

    نظیرؔاکبر آبادی

     
    • پسندیدہ پسندیدہ × 2

اس صفحے کی تشہیر