اپنی پسند کا ایک شعر۔۔ ۔ ۔ ۔ ۔

[میاں چاند]

اگر ہوں پیٹ میں لْقمے بدل جاتے ہیں موسم بھی​

مئی میں برف پڑتی ہے دسمبر گرم ہوتا ہے​

 

[میاں چاند]

لوگ عورت کو فقط جسم سمجھ لیتے ہیں​

روح بھی ہوتی ہے اْس میں یہ کہاں سوچتے ہیں​

احمد فراز​

 

[محمداحمد]

جو اس کے چہرے پہ رنگِ حیا ٹھہر جائے​

تو سانس، وقت، سمندر، ہوا ٹھہر جائے​

وہ مسکرائے تو ہنس ہنس پڑیں کئی موسم​

وہ گنگنائے تو بادِ صبا ٹھہر جائے​

 

[مغزل]

امیرزادوں‌سے دلی کے مت ملا کر میر ؔ
کہ ہم غریب ہوئے ہیں انہیں‌کی دولت سے
خدائے سخن میرتقی میر

 

[انتہا]

با وصفِ ضبط آنکھ سے آنسو نکل گئے
یہ آفتاب چڑھنے نہ پائے کہ ڈھل گئے
اب کیا ستائیں گی ہمیں دوراں کی گردشیں
اب ہم حدودِ سوزوزیاں سے نکل گئے
زکی کیفی ؔ

 

[عمر سیف]

دنیا کے اس شور نے امجد کیا کیا ہم سے چھین لیا ہے
خود سے بات کیے بھی اب تو کئی زمانے ہو جاتے ہیں

 

[مزمل حسین]

بکھرے رخ روشن پہ جو ہیں گیسوئے شب رنگ
نکلا ہے ترے حسن دل آرا کا غضب رنگ

 

[نیلم]

تو کسی در پہ گیا ہوتوتجھےخبرہو
کس قدر کاری اذیت ہےسوالی ہونا۔

 

[نیلم]

میں شجر تھا شجر ہی رہا
وہ بدلتا رہاموسموں کی طرح

 

[مہ جبین]

جب نغمہ زن تھے آپ ستاروں کے ساز پر
میری زمین پر تھیں بپا شورشیں بہت
حزیں صدیقی

 

[زبیر مرزا]

آتی ہے صدا پچھلے پہر سیف میرے سیف
اب دل تیری آواز کو پہچان رہا ہے
سیف الدین سیف

 

[عمر سیف]

کیا دیکھتے جو آنکھ سے آگے بڑھے نہیں​

کیا جانتے وہ دل کو جو اندر ہوئے نہیں​

 

[عرفان سرور]

تنگ ہیں ہم پر زمین و آسماں
چل کہیں اے دل،مگر اے دل کہاں۔۔۔!

 

[کاشف اکرم وارثی]

​

اے شکوہِ سنجِ شدتِ اغیار، شُکر کر​

تجھ کو لگے نہیں ہیں کسی آشنا کے ہاتھ​

​

احمد فرازؔ​

​

 

[عمر سیف]

عمل کی سوکھتی رگ میں ذرا سا خون شامل کر
مرے ہمدم فقط باتیں بنا کر کچھ نہیں ملتا​

 

[نیلم]

ہونا تو چاہیے کہ یہ میرا ہی عکس ہو!
لیکن یہ آئینے میں مرے روبرو ہے کون!

اس بے کنار پھیلی ہوئی ....... کائنات میں
کس کو خبر ہے کون ہوں میں! اور تُو ہے کون

 

[عمران خان]

بہت کم لوگ واقف ہیں سُخن آثار لمحوں سے
جسے محسوس کرتے ہیں، اُسے لکھا نہیں جاتا
عجب ہی آئینہ خانہ ہے یہ دنیا تحیّر کا
یہاں آنکھیں چلی جاتی ہیں اور چہرا نہیں جاتا

 

[نیلم]

بہک کر باغ جنت سے چلا آیا تھا دُنیا میں
سُنا ہے بعد محشر پھر اُسی جنت کی دعوت ہے
چلا تو جاؤں جنت میں مگر یہ سُوچ کر چُپ ہؤں
میں آدم ذات ہوں مجھے بہک جانے کی عادت ہے.
(علامہ اقبال)

 

[مزمل شیخ بسمل]

میں نے جس جس کو بھی چاہا ترے ہجراں میں وہ لوگ
آتے جاتے ہوے موسم تھے زمانہ تو تھا

(نا معلوم)

 

[زبیر مرزا]

میں نے جس جس کو بھی چاہا ترے ہجراں میں وہ لوگ
آتے جاتے ہوے موسم تھے زمانہ تو تھا

(نا معلوم)

کیا یاد کرادیا آپ نے

اب کہ کچھ دل ہی نہ مانا کہ پلٹ کرآتے
ورنہ ہم دربدروں کا تو ٹھکانہ تُوتھا
یاراغیار کے ہاتھوں میں کمانیں تھیں فراز
اور سب دیکھ رہے تھے کہ نشانہ تو تھا

(احمد فراز)