اپنی پسند دا پنجابی زبان دا اک شعر

انیس جان

محفلین
„دانشمند نوں سپ نئیں لڑدا، اک ،کُھڈوں دو واری
„او ہی مڑمڑ دھوکہ کھاندے مت جناں دی ماری„

میاں محمد بخش رح
 
اَنِھی پرھیا ہتھیں کانی سوٹی اے
تاں ماڑے دی وڈی گل وی چھوٹی اے

گول گھتِیرا واہ کے ماسٹر پُچھیا تے
بُھکیاں بالاں اُٹھ کے آکھیا روٹی اے
۔۔۔
انجم رانا
 

رباب واسطی

محفلین
ہجر تیرا جے پانی منگے تے میں کھوہ نیناں دے گیڑاں
جی کردا تینوں کول بٹھا کے ،، اج درد پُرانے چھیڑاں
(میاں محمد بخشؒ)
 

رباب واسطی

محفلین
سچ تے سجناں کوڑا ہوندا
سہہ نہ ھجر وچھوڑا ہوندا
نال دیاں دی خبر جے ہوندی
رزق کدی نہ تھوڑا ہوندا؟
دو ساواں دی مار اے بندہ
ایویں تھاں تھاں چوڑا ہوندا
 
سبھ توں مِٹھے اکھر ساڈے سبھ توں مِٹھے بول، بول پنجابی بول
ساڈی مِٹھی بولی ورگی، بولی کِس دے کول، بول پنجابی بول

جِس دھرتی دے پُتر ہوون، جگے، دُلے، بھگت سنگھ تے احمد کھرل
ماں بولی دے ویری اگے کِسراں جاون ڈول، بول پنجابی بول
۔۔۔
ارشاد سندھو
 
‏جَد تک سینیوں ساہ نہیں مُکنے
لیکھاں والے پَھاہ نہیں مُکنے

تینوں بھاویں لوڑ نہیں ساڈی
سانوں تیرے چاہ نہیں مُکنے
۔۔۔۔
ابرار ندیم
 
Top