اپنی پسند دا پنجابی زبان دا اک شعر

[رباب واسطی]

بات پاواں، بتولی پاواں، بات پوائے پواہڑے
دنیا دنیا نہ کر بیبا، دنیا چار دیہاڑے

 

[رباب واسطی]

ٹُر جو پئے آں منزل ول
فیر ٹِبّہ کیہ، تے ٹویا کیہ

 

[مریم افتخار]

دو موضوعاں تے ایک ایک شعر دی لوڑ اے. (پنجابی کمپیئرنگ لئی)

سس نُو دی لڑائی تے
ماپیاں نوں سُٹ آن تے

عبدالقیوم چوہدری صاحب عبداللہ محمد بھائی جاسمن بجو، تے ہور محفلین وی

 

[حاجی حنیف]

دو موضوعاں تے ایک ایک شعر دی لوڑ اے. (پنجابی کمپیئرنگ لئی)

بات پاواں بتولی پاواں، بات نوں لاواں کنڈے
اک اک شعر لبھن ٹر پئے سارے شہر دے منڈے

 

[حاجی حنیف]

بات پاواں بتولی پاواں، بات نوں لاواں کنڈے
اک اک شعر لبھن ٹر پئے سارے شہر دے منڈے

 

[حاجی حنیف]

ایہو مٹی جنت دوزخ________تے ایہو مٹی اگ
ایسے مٹی دے قطب قلندر تے ایسے مٹی دے ٹھگ

ایہو مٹی توا پرات، ایہو مٹی جگ
ایہو مٹی چلہا چوکا، تے ایہو مٹی اگ
دنیا دے کم انوکھے، مینوں کرن حران
چلہے مگر چور ہے لکیا،اٹ پٹو تے ٹھگ

 

[عبداللہ محمد]

اس سے مناسب شاید ہی کچھ موجود ہو یا مل پائے۔



انور مسعود - پِٹ سیاپا

ماپیاں نوں سُٹ آن تے

 

[عبداللہ محمد]

ماپیاں نوں سُٹ آن تے

اسکے لئے انور مسعود صاب کی نظم "امبڑی" سے مناسب شاید ہی کچھ ہو۔


امبڑی انور مسعود

 

[زیرک]

تُک بندی

جے کجھ میرے وس ہووے
ہیر دی ماں مری سس ہووے
رانجھا رانجھا لوکی آکھن
کیدو کولوں نہ نس ہووے​

 

[زیرک]

سس

عشق تیرے وچ بازی ہر کے
سس سوہرے دی خدمت کر کے
دیوراں ننداں کولوں ڈر کے
کی لبھا اے سب لئی مر کے
کسے نہ کیتے چا وے بیبا
گھر نوں چھیتی آ وے بیبا​

 

[زیرک]

سس نونہہ

توا ہووے چوپڑیا تے روٹی سڑے کیوں
نونہہ ہووے چنگی تے سس لڑے کیوں​

 

[انیس جان]

روگاں وچوں ورگ اے ڈاڈا، جس دا نام غریبی

اوکے ویلھے چھڈ جاندے نے رشتے دار قریبی

 

[رباب واسطی]

اتھرو تارا ہو سکدا اے
دکھ دا چارہ ہو سکدا اے
اکو واری فرض تے نئیں نا
عشق دوبارہ ہو سکدا اے
ککھوں ہولا جان نا ساہنوں
ککھ وی بھارا ہو سکدا اے
ہجے نہ سارے توڑ توں رشتے
ہجے گذارا ہو سکدا اے
کدی کدائیں جان دا دشمن
جان توں پیارا ہوسکدا اے
کھول نہ پچھلے کھاتے سارے
ہور کھلارا ہو سکدا اے

 

[رباب واسطی]

قدر پھلاں دی بلبل جانے، صاف دماغاں والی
قدر پھلاں دی گِرج کی جانے، مردے کھاون والی

میاں محمد بخشؒ

 

[مریم افتخار]

اس سے مناسب شاید ہی کچھ موجود ہو یا مل پائے۔



انور مسعود - پِٹ سیاپا

یہ پلے ہی تو کر رہے ہیں سٹوڈنٹس. مجھے اسی کے لیے کمپیئرنگ لکھنی تھی. اب مناسب شعر مل گیا ہے اس کے لیے.

 

[عبداللہ محمد]

یہ پلے ہی تو کر رہے ہیں سٹوڈنٹس. مجھے اسی کے لیے کمپیئرنگ لکھنی تھی. اب مناسب شعر مل گیا ہے اس کے لیے.

شعر کدھر ہے؟

 

[مریم افتخار]

سن نی سسے نخرے کھوریئے،
وار وار سمجھاواں،
نی جہڑا تیرا لیڑا لتا،
صندوق سنے اگّ لاواں،
نی جہڑی تیری سیر پنجیری،
ویہڑے وچّ کھڈاواں،
گل بھراواں دی،مے مڑ کے نہ کھاواں،
گل بھراواں ...........

شعر کدھر ہے؟

 

[رباب واسطی]

توں صبح دی پاک ہوا ورگا
ساڈھے پند نوں جاندے راہ ورگا
تینوں بھُلیئے وی تے، کنج سجنا
توں آندے جاندے ساہ ورگا

 

[زیرک]

کالا ڈوریا کُنڈے نال اڑیا ای اوئے
کہ چھوٹا دیورا بھابھی نال لڑیا ای اوئے
چھوٹے دیورا تیری دور پلائی وے
نہ لڑ سوہنڑیاں تیری اک پرجائی وے
کُکڑی اوہ لینی جہڑی کُڑ کُڑ کردی اے
میں سوہرے نئیں جانا سس بُڑ بُڑ کردی اے​

 

[زیرک]

اکھ کاشنی

نی اک میری اکھ کاشنی
دوجا رات دے انیندرے نے ماریا
نی شیشے چ تریڑ پے گئی
وال واہندی نے دھیان جد ماریا

اک میرا دیور نکڑا
بھیڑا گھڑی مُڑی جان کے بلاوے
کھیتاں چوں جھکانی مار کے
لسی پِین دے بہانے آوے
نی اوہدے کولوں سنگھدی نے
اجے تیک وی نہ گھنڈ نوں اتاریا
نی اک میری اکھ کاشنی

دوجی میری سس چندری
بھیڑی روہی دی کِکر توں کالی
غلے کتھے ویر پندی
نت دیوے میرے ماپیاں نوں گالی
نی رب جانے تتڑی دا
کہڑا لاچیاں دا باغ میں اجاڑیا
نی اک میری اکھ کاشنی

تیجا میرا کنت جِویں
رات چاننی چ دودھ دا کٹورا
نی پھکڑے سندھوری رنگ دا
اوہدے نیناں دا شرابی ڈورا
نی لاماں اتوں پرتے لئی
نی میں بُوریاں مجھاں دا دُدھ کاڑھیا
نی اک میری اکھ کاشنی

شو کمار بٹالوی​