آپ ﷺ کی شان میں اشعار

سیما علی

لائبریرین
مدحت سرا حضورؐ کا معبود کائنات
نازاں ہے اُن کے حسن پہ مسجودِ کائنات

توصیفِ مصطفیؐ سے ہیں یوں شاد جان و دل
پایا ہو جیسے جلوۂ محمودِ کائنات

تخلیقِ کائنات ہوئی جن کے نور سے
ہے معجزہ کہ وہ بھی ہیں موجودِ کائنات

کعبہ بھی سرنگوں ہوا آمد پہ آپؐ کی
پایا جو اُس نے گوہرِ مشہودِ کائنات

جن کے قدم کی خاک بھی صد رشکِ آسماں
’’وہ شاہکارِ حُسن وہ مقصودِ کائنات‘‘

منظور ہے بفیضِ نبیؐ سب کی بہتری
منشورِ دینِ حق ہے جو بہبودِ کائنات

مامور اکتسابِ فیوضِ نبیؐ پہ ہے
ارشدؔ! حدودِ دہر میں ہر جودِ کائنات

حکیم ارشد محمود ارشد
 

سیما علی

لائبریرین
چاند تارے ہی کیا دیکھتے رہ گئے
ان کو ارض و سماء دیکھتے رہ گئے

ہم درِ مصطفیٰ دیکھتے رہ گئے
نور ہی نور تھا دیکھتے رہ گئے

جب سواری چلی جبرئیل امیں
صورتِ نقشِ پا دیکھتے رہ گئے
سید نصیر الدین نصیر رحمۃ اللہ علیہ​
 
Top