اِک اچھوتا خیال ، پاکستان -مسعود منوّر

[محمداحمد]

اِک اچھوتا خیال، پاکستان

اِک اچھوتا خیال ، پاکستان
وہ مرا بے مثال پاکستان

میرا سپنا ہے، میری منزل ہے
مطمئن اور نہال پاکستان

وہ سوادِحرم کا ہم رُتبہ
خوش نُما،پُر جمال، پاکستان

جب سے بنگال کا سقوط ہوا
بن گیا ہے سوال ، پاکستان

ساٹھ برسوں سے اشک افشاں ہے
فوج کا یرغمال ، پاکستان

دشمن اس دیس کے سیاستدان
ارر رو بہ زوال ، پاکستان

جھوٹی جمہوریت میں مت ڈھونڈو
با ہُنر ، با کمال، پاکستان

جل رہا ہے وہ طالبان زدہ
آہ ۔ زیرِ وبال ، پاکستان

کیسے لوٹیں گے دن وہ بیتے ہوئے
کیسے ہوگا بحال ، پاکستان

چھوڑ پردیس کی زمیں مسعود
جا کے واپس، سنبھال ، پاکستان

مسعود منوّر​

 

[شاہ حسین]

اچھا نتخاب ہے محمد احمد صاحب شامل کرنے کا بہت شکریہ۔

 

[محمد وارث]

جب سے بنگال کا سقوط ہوا
بن گیا ہے سوال پاکستان

جل رہا ہے وہ طالبان زدہ
آہ، زیرِ وبال پاکستان

لاجواب۔

بہت شکریہ احمد صاحب شیئر کرنے کیلیے!

 

[محمداحمد]

اچھا نتخاب ہے محمد احمد صاحب شامل کرنے کا بہت شکریہ۔

بہت شکریہ شاہ صاحب!

بلا شبہ نظم / غزل بہت اچھی ہے ۔ ناصرف یہ کہ اچھی بلکہ ہم سے غور و فکر کی طالب بھی ہے۔

کیسے لوٹیں گے دن وہ بیتے ہوئے
کیسے ہوگا بحال ، پاکستان؟؟؟؟؟؟؟؟؟؟؟

یہ سوال سب پاکستانیوں‌کے لئے بہت بڑا اور بہت اہم سوال ہے۔