انوکھی بیت بازی

[شمشاد]

اب قربت و صحبتِ یار کہاں، اب و عارض و زلف و کنار کہاں
اب اپنا بھی میر سا عالم ہے، ٹک دیکھ لیا جی شاد کیا
(ابن انشاء)

 

[عینی مروت]

احباب چارہ سازئ وحشت نہ کرسکے
زنداں میں بھی خیالِ بیاباں نورد تھا

 

[شیزان]

مدٌت کے بعد دیکھا ہے، وہ بھی کسو کے ساتھ
دیکھو ، مَرے کو کس لئے مارا کرو ہو تُم

فاخرہ بتول

 

[عاطف بٹ]

احباب چارہ سازئ وحشت نہ کرسکے
زنداں میں بھی خیالِ بیاباں نورد تھا

مصرعۂ ثانی میں زیرِ اضافت کا محل تو نہیں ہے۔

 

[عاطف بٹ]

آج تشریف کیوں نہ لائے آپ
کیوں کرم میرے حال پر نہ ہوا
(حکیم فصیح الدین رنج)

 

[شیزان]

اُمڈ آئے جو آنسو، اِنقلاب اِس کو نہیں کہتے
کہ ناداں! ہر تموج بحر کا طوفاں نہیں ہوتا

فراق گورکھپوری

 

[عاطف بٹ]

اُمڈ آئے جو آنسو، اِنقلاب اِس کو نہیں کہتے
کہ ناداں! ہر تموجِ بحر کا طوفاں نہیں ہوتا

فراق گورکھپوری

شیزان بھائی، یہاں تموج کے ساتھ زیرِ اضافت لگانے سے مصرعہ وزن میں نہیں رہتا اور ویسے بھی مفہوم پر زد پڑتی ہے۔

 

[عاطف بٹ]

اب تو آنسو بھی ٹپکتا ہے تو ڈر لگتا ہے
کہ یہ قطرہ بھی اگر عزمِ روانی لایا
(خورشید رضوی)

 

[شیزان]

تصحیح کا شکریہ عاطف بھائی

اب یہ کمالِ کُفر ہو یا کہ کمالِ دین ہو
آپ کے پائے ناز پر میں نے تو سر جُھکا دیا

بہزاد لکھنوی

 

[عینی مروت]

مصرعۂ ثانی میں زیرِ اضافت کا محل تو نہیں ہے۔

بجافرمایا

زنداں میں بھی خیال بیاباں نورد تھا

 

[عینی مروت]

تمہارے بعد کئی موسموں نے کوشش کی
مگر وہ پھولوں کی چادر ہوا نہ دل کا درخت
(احمد فواد)

خوب! عمدہ شعر ہے جی،بہت پسند آیا
اسی موضوع پر میرے خیالات۔۔۔

وہ محبتوں کی بہار تھی تو تری نظر کے طلسم سے
تیرے بعد پھر سرِ شاخِ جاں کوئی پھول کب سے کھلا نہیں
عینی

 

[عینی مروت]

(اتنی مشکل بیت بازی میر طرف سے صرف دعاؤں کا نذرانہ قبول کریں )

دعاؤں کے لیے آپکا بہت شکریہ لیکن یہ اتنی مشکل بھی نہیں ۔۔آپ ایک کوشش کر سکتے ہیں

 

[شیزان]

نکلا ہے جو زباں سے، اُس کو نباہیے
ایسی وہ اپنے دل میں کبھی ٹھانتے نہیں

داغ دہلوی

 

[عینی مروت]

اسے کون دیکھ سکتا، کہ یگانہ ہے وہ یکتا
جو دوئی کی بو بھی ہوتی تو کہیں دو چار ہوتا

 

[شیزان]

نہیں جانتے اس کا انجام کیا ہے
وہ مرنا میرا، دل لگی جانتے ہیں

داغ دہلوی

 

[شمشاد]

نہ جانے کب تمھیں فرصت ملے گی آنے کو
تمہارے آنے کے دن گزرتے جاتے ہیں
(عباس تابش)

 

[شمشاد]

اس لڑی کی بجائے مندرجہ ذیل لڑیوں پر بھی توجہ دیں :

بیت بازی
اشعار حروف تہجی کے لحاظ سے
دیئے گئے لفظ پر شعر دیں

 

[لئیق احمد]

دعاؤں کے لیے آپکا بہت شکریہ لیکن یہ اتنی مشکل بھی نہیں ۔۔آپ ایک کوشش کر سکتے ہیں

یہ اعلان ناکام کوشش کے بعد ہی کیا تھا

 

[عینی مروت]

یہ اعلان ناکام کوشش کے بعد ہی کیا تھا

ایک کوشش اور سہی؟

 

[عینی مروت]

اذاں دی کعبے میں، ناقوس دیر میں پھونکا
کہاں کہاں ترا عاشق تجھے پکار آیا

محمد رضا برق