بابا بلھے شاہ الٹے ہور زمانے آئے - بلھے شاہ

[فرخ منظور]

الٹے ہور زمانے آئے
تاں میں بھیت سجن دے پائے

کاں لگڑ نوں مارن لگے
چڑیاں جرّے ڈھائے
الٹے ہور زمانے آئے

گھوڑی چگن اروڑیاں اتے
گدوں خود پوائے
الٹے ہور زمانے آئے

بھوریاں والے راجے کیتے
راجیاں بھیک منگائے
الٹے ہور زمانے آئے

اگلے جا بنگاہ لے بیٹھے
پچھلیاں فرش وچھائے
الٹے ہور زمانے آئے

بلھا حکم حضوروں آیا
تس نوں کون ہٹائے
الٹے ہور زمانے آئے

 

[محمد وارث]

واہ واہ واہ، کیا لا جواب کلام اے بلھے دا، سبحان اللہ سبحان اللہ

تے تہاڈا شکریہ شیئر کرن لئی جناب فرخ صاحب

 

[فرخ منظور]

بوہت شکریہ وارث صاحب!