الف بے پے کا کھیل/الف بے میں بات چیت (22)

[ابن سعید]

عین کلمہ درمیان میں پہلے ف کلمہ اور آخر میں ل کلمہ ہو اور زائد کچھ بھی نہ ہو تو اسے ثلاثی مجرد کہیں گے۔

 

[ف۔قدوسی]

غور کرنے پر سمجھ میں آیا

 

[ابن سعید]

فکر مت کیجئے بیٹا بس غور سے کام چلائیے۔

 

[ف۔قدوسی]

قسم سے ہم فکر نہیں کررہے

 

[ابن سعید]

کرنا بھی نہیں چاہئے۔ ابھی آپ کی عمر ہی نہیں کرنے والی۔

 

[الف عین]

گالیاں تو نہیں دے رہے ہو نا عربی میں سعود!

 

[الف نظامی]

لا یمکن!!!

 

[ف۔قدوسی]

لے اب ہم اتنے بھی چھوٹے نہیں ہیں

 

[ابن سعید]

معاملہ یہ ہے چاچو کہ عین کلمہ ضرور کہا ہے پر الف کلمہ جیسا کچھ نہیں کہا اس لئے کم از کم آپ کو گالیاں نہیں پہونچیں گی۔

 

[سارہ خان]

نظر نہیں آ رہے تھے سعود بھیا دن میں ۔۔۔ کہاں تھے ۔۔ خیریت تھی نہ ؟

 

[ابن سعید]

واقعہ یوں ہے بیٹا کہ آج میں نے آفس سے چھٹی کر لی تھی۔ ایک عدد ورکشاپ میں ایک لیکچر دینا تھا۔

 

[سارہ خان]

ہاں جی یہ تو بتایا تھا آپ نے پر چھٹی کی طرف خیال نہیں گیا میرا ۔۔۔ کیسا رہا لیکچر ؟

 

[شمشاد]

ہمیں تو ایسا دفتر ملا ہے کہ چھٹی والے دن بھی دفتر بلا لیتے ہیں مفت میں۔ لیکن وہ کہتے ہیں ناں نوکری کی تے نخرہ کی، جانا پڑتا ہے۔

 

[ابن سعید]

یہ تو ہے شمشاد بھائی۔ ویسے مجھے کبھی چھٹی کے دن آنے کو کہا جاتا ہے تو کہہ دیتا ہوں‌ کہ گھر سے ہی لاگ ان ہو کر کام کر دوں گا۔

اور سارہ بٹیا لیکچر بہت اچھا رہا۔

 

[سارہ خان]

اچھی بات ہے بھیا ۔۔۔

 

[ابن سعید]

بات تو اچھی ہے بیٹا۔

 

[سارہ خان]

پھر اچھی بات پر منہ بھی میٹھا کروانا ہوتا ہے ۔۔۔

 

[ابن سعید]

تو یہ ارادے تھے آخر کار

 

[سارہ خان]

ٹھیک نہیں ہیں کیا ارادے ۔۔۔

 

[ابن سعید]

ثبوت کے طور پر یہ کاجو کی برفی۔