اعجاز عبید :اس اندھیرے میں پھر دعا مانگوں

[سید زبیر]

​

اس اندھیرے میں پھر دعا مانگوں​

جلتے سورج کا سامنا مانگوں​

پاؤں میں حلقۂ جنوں چاہوں​

چہرے پر چشمِ خواب زا مانگوں​

سر کا سودا تو رائیگاں ٹھہرا​

پیر میں کوئی سلسلہ مانگوں​

پا شکستہ کھڑا ہوں تیرے حضور​

اب ہتھیلی میں آبلہ مانگوں​

کیا خبر کوئی معجزہ ہو جائے​

آج میں ننگے سر دعا مانگوں​

کچھ، بجز خود، میں دے سکوں نہ تجھے​

تجھ سے میں کیا ترے سوا مانگوں​

سخنِ خوں چکاں ہی لکھوں عبیدؔ​

عشق کی اور کیا سزا مانگوں​

اعجاز عبید​

 

[الف عین]

خیلے متشکرم

 

[سید زبیر]

خیلے متشکرم

گرامی قدر ، جزاک اللہ ۔۔۔۔۔ آپ کی کمی شدت سے محسوس ہورہی تھی ۔۔۔ شکر ہے اس بہانے آپ سے آدھی ملاقات ہوگئی ۔ ۔ اللہ آپ کو خوش رکھے (آمین)

 

[محمد وارث]

شکریہ جناب اعجاز صاحب کی خوبصورت غزل ارسال فرمانے کیلیے۔

 

[نیرنگ خیال]

مجھ کو تو یہ حسب حال لگتا ہے۔ لاجواب انتخاب کیا ہے سر۔ بہت مشکور ہوں کہ آپ کے توسط اس تک پہنچا​

​

​

سر کا سودا تو رائیگاں ٹھہرا​

پیر میں کوئی سلسلہ مانگوں​

 

[کاشفی]

بہت شکریہ ہم سے شیئر کرنے کے لیئے۔۔۔عمدہ انتخاب ہے۔۔!۔ خوش رہیئے۔۔