اصلاح و تبصرہ

عمران سرگانی نے 'اِصلاحِ سخن' کی ذیل میں اس موضوع کا آغاز کیا، ‏اکتوبر 18, 2019

  1. عمران سرگانی

    عمران سرگانی محفلین

    مراسلے:
    360
    جھنڈا:
    Pakistan
    موڈ:
    Shh
    سر الف عین
    عظیم
    ایک دوست کی کاوش ہے اس پر تبصرہ فرما دیں۔
    شکریہ

    عطش عطش کی پکاروں سے کُو بہ کُو ہوگا
    ابھی تو رقصِ جنوں محوِ آرزُو ہوگا

    ابھی تو امن کی تتلی نے پر کترنے ہیں
    ابھی تو رنجشِ دوگام گُفتگُو ہوگا

    ابھی سے گریہ کناں ہو رہا ہے مجلس میں
    ابھی تو چاند کے ہمرہ آبجُو ہوگا

    یقین جان کسی سمت آ نہیں سکتی
    مجھے یہ موت اگر تو بھی قبلہ رُو ہوگا

    مَیں نامہ بر ہُوں مُجھی سے ہیں زندگی کے سراغ
    کھٹن سفر میں اگر ماہِ تِشنہ تُو. ہوگا

    مَیں صبر. کرتے ہوئے راستوں سے گزروں گا
    اگر حصار کے اندر بھی رنگ و بُو ہوگا

    بیاضِ عشق میں لکھا ہوا ہے نامِ ندیم
    "ابھی تو رقص جنوں اور سرخ رُو ہوگا"
    ندیم ملک
     
  2. الف عین

    الف عین لائبریرین

    مراسلے:
    33,747
    جھنڈا:
    India
    موڈ:
    Psychedelic
    عطش عطش کی پکاروں سے کُو بہ کُو ہوگا
    ابھی تو رقصِ جنوں محوِ آرزُو ہوگا
    ... دوسرا مصرع سمجھ نہیں سکا

    ابھی تو امن کی تتلی نے پر کترنے ہیں
    ابھی تو رنجشِ دوگام گُفتگُو ہوگا
    ... دوسرا مصرع ایضاً، پہلے میں بھی تتلی کو کس کے پر کترنے ہیں؟ اگر 'نے' کو پنجابی سمجھ کر 'کو' میں بدلا جائے، تب بھی سمجھ میں نہیں آتا

    ابھی سے گریہ کناں ہو رہا ہے مجلس میں
    ابھی تو چاند کے ہمرہ آبجُو ہوگا
    ... گریی کناں کون؟ دوسرا مصرع سمجھ سے باہر

    یقین جان کسی سمت آ نہیں سکتی
    مجھے یہ موت اگر تو بھی قبلہ رُو ہوگا
    ... مفہوم کے اعتبار سے یہ بھی عجیب شعر ہے۔ خطاب کس سے ہے؟

    مَیں نامہ بر ہُوں مُجھی سے ہیں زندگی کے سراغ
    کھٹن سفر میں اگر ماہِ تِشنہ تُو. ہوگا
    .. ماہِ تشنہ؟

    مَیں صبر. کرتے ہوئے راستوں سے گزروں گا
    اگر حصار کے اندر بھی رنگ و بُو ہوگا
    ... کیسا حصار؟ رنگ و بو واحد نہیں، اس کے ساتھ ہوں گے استعمال ہو گا

    بیاضِ عشق میں لکھا ہوا ہے نامِ ندیم
    "ابھی تو رقص جنوں اور سرخ رُو ہوگا
    .. اگر یہ طرح ہے، تو یہ بھی عجیب ہی لگتا ہے، پہلے سے تو کوئی ربط نہیں بنتا
    موزوں طبع ضرور ہیں ندیم میاں لیکن با معنی شعر نہیں کہہ پاتے، یا اگر ان کے ذہن میں کچھ ہے تو اا کا درست اظہار نہیں ہوتا۔ دیکھنے میں تو کئی ترکیبیں خوبصورت ہیں لیکن مفہوم سے عاری لگتی ہیں
     
    • دوستانہ دوستانہ × 1
  3. عمران سرگانی

    عمران سرگانی محفلین

    مراسلے:
    360
    جھنڈا:
    Pakistan
    موڈ:
    Shh
    بہت شکریہ سر۔۔
     

اس صفحے کی تشہیر