1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $413.00
    اعلان ختم کریں

اصلاح سخن: عید کی ہرخوشی ہو مبارک تجھے

افتخاررحمانی فاخر نے 'اِصلاحِ سخن' کی ذیل میں اس موضوع کا آغاز کیا، ‏جون 4, 2019

ٹیگ:
  1. افتخاررحمانی فاخر

    افتخاررحمانی فاخر محفلین

    مراسلے:
    651
    جھنڈا:
    India
    موڈ:
    Buzzed
    عید کی ہرخوشی ہو مبارک تجھے
    حضرت الف عین مدظلہ العالی سے نظر کرم کی خصوصی درخواست کے ساتھ:

    فاخر ؔ
    اس غزل میں ’نگار ِ پری پیکر سے عید کی مبارک بادی‘کے ضمن میں ’’خطاب‘ہے۔


    جشن کی یہ گھڑی، ہو مبارک تجھے
    عید کی ہر خوشی ، ہو مبارک تجھے


    اے مرے دلربا ، ساقیا ، دل نشیں!
    زیست کی خسروی ، ہو مبارک تجھے


    فسق سے پاک ہے ، میری یہ عاشقی
    دل کی پاکیزگی ، ہو مبارک تجھے


    ہر تعیش ترے، دم بدم ہوں نگیں
    ایسی ہی سروری ، ہو مبارک تجھے


    نذر کیا میں کروں ؟ اک دعا کے سوا
    رخ کی تابندگی، ہو مبارک تجھے


    ہجر کے اشک ہیں میری تر دامنی
    تحفۂ عاشقی ، ہو مبارک تجھے

    یہ مخطط جبیں، ہے یہ ایماں مرا
    رب کی کاری گری ، ہو مبارک تجھے
     
    آخری تدوین: ‏جون 5, 2019
    • پسندیدہ پسندیدہ × 2
  2. سید عاطف علی

    سید عاطف علی محفلین

    مراسلے:
    7,072
    جھنڈا:
    SaudiArabia
    موڈ:
    Cheerful
    یہ مصرع وزن میں نہیں شاید کتابت میں 'میں' چھوٹ گیا۔
    باقی سب ٹھیک ہیں۔
    آخری شعر میں دولختی تو نہیں البتہ ربط کمزور ضرور ہے۔
     
    • متفق متفق × 2
  3. افتخاررحمانی فاخر

    افتخاررحمانی فاخر محفلین

    مراسلے:
    651
    جھنڈا:
    India
    موڈ:
    Buzzed
    ٹائپنگ میں ’’میں‘‘ چھوٹ گیا تھا،اب اس کی تدوین کردی ہے نیز مقطع کے مصرعہ اولیٰ میں بھی تبدیلی کی ہے۔
     
  4. ارشد چوہدری

    ارشد چوہدری محفلین

    مراسلے:
    1,044
    جھنڈا:
    UnitedStates
    موڈ:
    Brooding
    بہت خوبصورت
     
    • دوستانہ دوستانہ × 1
  5. الف عین

    الف عین لائبریرین

    مراسلے:
    33,462
    جھنڈا:
    India
    موڈ:
    Psychedelic
    مقطع میری سمجھ میں نہیں آیا. مخطط کن معنوں میں؟
     
    • معلوماتی معلوماتی × 1
  6. سید عاطف علی

    سید عاطف علی محفلین

    مراسلے:
    7,072
    جھنڈا:
    SaudiArabia
    موڈ:
    Cheerful
    سجدے کا داغ مراد ہے ۔ لکیر کی شکل میں بھی ہوتا ہے۔ غالبا یہی مراد ہے ذرا لفظی تکلف کے ساتھ۔
     
  7. فاتح

    فاتح لائبریرین

    مراسلے:
    15,737
    جھنڈا:
    Pakistan
    موڈ:
    Hungover
    مخطط تو چہرہ یا رخسار ہوتا ہے، جبیں پر خط نہیں اگتا۔
    بقول میر
    تیرا رخِ مخطط قرآن ہے ہمارا
    بوسہ بھی لیں تو کیا ہے ایمان ہے ہمارا
     
    • پسندیدہ پسندیدہ × 1
  8. سید عاطف علی

    سید عاطف علی محفلین

    مراسلے:
    7,072
    جھنڈا:
    SaudiArabia
    موڈ:
    Cheerful
    ارے زبردست۔
    شاعر صاحب کے بطن میں دیکھیں کیا معنی ہے ۔ افتخاررحمانی فاخر صاحب۔
     
    • دوستانہ دوستانہ × 1
  9. فاتح

    فاتح لائبریرین

    مراسلے:
    15,737
    جھنڈا:
    Pakistan
    موڈ:
    Hungover
    ہو سکتا ہے ان کےپری پیکر کو ہارمونل پرابلمز ہوں۔
    ویسے تو آپ نے انہیں معنی عطا کر دیے ہیں:
    لیکن جو عمر افتخار صاحب کی تصویر میں لگ رہی ہے تقریباً اسی عمر کا ان کا پری پیکر بھی ہو گا اور اس عمر میں ماتھے پر سجدے کا داغ پڑنا طبی طور پر ممکن نہیں۔
     
    آخری تدوین: ‏جون 5, 2019
    • پر مزاح پر مزاح × 2
  10. سید عاطف علی

    سید عاطف علی محفلین

    مراسلے:
    7,072
    جھنڈا:
    SaudiArabia
    موڈ:
    Cheerful
    دنیا پہاڑ کھود کے چوہا برآمد کرتی ہے آپ چوہے میں پہاڑ نکال لائے۔ :D
    ویسے نمائندہ تصویر پر سمند ادراک کو اتنا قوی مہمیز دینا گمراہ کن ہو سکتا ہے۔ :LOL:
     
    • پر مزاح پر مزاح × 1
    • متفق متفق × 1
  11. عرفان سعید

    عرفان سعید محفلین

    مراسلے:
    5,446
    جھنڈا:
    Finland
    موڈ:
    Psychedelic
    لگتا ہے کہ مصلحین کو محفل پر عید کی بھی چھٹی نہیں!
    :)
     
    • پر مزاح پر مزاح × 5
  12. فاتح

    فاتح لائبریرین

    مراسلے:
    15,737
    جھنڈا:
    Pakistan
    موڈ:
    Hungover
    ارے یہ آڑ میں اصلاح کی بس
    یونہی چھٹی گزاری جا رہی ہے
     
    • پسندیدہ پسندیدہ × 1
    • زبردست زبردست × 1
    • پر مزاح پر مزاح × 1
  13. فاتح

    فاتح لائبریرین

    مراسلے:
    15,737
    جھنڈا:
    Pakistan
    موڈ:
    Hungover
    افتخار صاحب شاید ادراک اور سمند دونوں سے متفق نہ ہوں اور اسے حمارِ جنون پر محمول کریں۔ :rollingonthefloor:
     
    • پر مزاح پر مزاح × 2
  14. افتخاررحمانی فاخر

    افتخاررحمانی فاخر محفلین

    مراسلے:
    651
    جھنڈا:
    India
    موڈ:
    Buzzed
    تمام اہل ایمان کو اولاً: ’’عید مبارک تقبل اللہ منا و منکم الاعمال الصالحۃ‘‘
    عید کی چھٹی اور احباب سے ملاقات کی وجہ سے اتنی فرصت نہیں ملی کہ کل ان تمام تبصرہ جات کے جوابات ر قم کرتا ،خیر ! دیر آید درست آید ۔
    شاید آپ کو یاد ہو یا نہ ہو ؛لیکن اس سے قبل کئی بار عرض کرچکا ہوں کہ :’ نمائندہ تصویر میرے عزیز از جان بھتیجے احمدنیازی سلمہ اللہ کی ہے‘‘۔ میں نے اپنی تصویر بھی اس سے قبل پوسٹ کی تھی ؛لیکن میں یہ سمجھتا ہوں کہ میری پہچان میرے اس بھتیجے سے ہی وابستہ ہے۔
    پری پیکر تو محض ایک خیالی شی ہے ،جو شاعرانہ وجدان کے تحت متموج ہوا کرتا ہے ،جس کی کوئی ’’صداقت‘‘ نہیں ہے۔
     
    آخری تدوین: ‏جون 6, 2019
  15. افتخاررحمانی فاخر

    افتخاررحمانی فاخر محفلین

    مراسلے:
    651
    جھنڈا:
    India
    موڈ:
    Buzzed
    آپ نے نبض پکڑلی ،جب میں چاند رات یہ غزل لکھ رہا تھا تو میرے ذہن میں میرؔ تقی میرؔ کا یہی شعر گردش کرر ہا تھا اور یہ سچ ہے کہ ’’ یہ مخطط جبیں ہے یہ ایماں مرا‘‘ میرؔ کے اس شعر سے متأثر ہے۔ تاہم اب اس شعر کو بدل کر یوں کردیا ہے:’’خالِ مشکیں ترا، ہے یہ ایماں مرا ---رب کی کاری گری، ہو مبارک تجھے ‘‘
     
    • دوستانہ دوستانہ × 1
  16. افتخاررحمانی فاخر

    افتخاررحمانی فاخر محفلین

    مراسلے:
    651
    جھنڈا:
    India
    موڈ:
    Buzzed
    پہلے عید کی مبارک بادی قبول فرمائیں! تقبل اللہ منا و منکم الاعمال الصالحۃ‘‘
    درست فرمایا اب شعر کو بدل دیا ہے ۔اب یہ شعر ’’خالِ مشکیں ترا ،یہ ہے ایماں مرا---رب کی کاری گری ،ہو مبارک تجھے‘‘
     
  17. افتخاررحمانی فاخر

    افتخاررحمانی فاخر محفلین

    مراسلے:
    651
    جھنڈا:
    India
    موڈ:
    Buzzed
    مقطع میں تبدیلی کی گئی ہےاب اس کو یوں پڑھیں:
    خالِ مشکیں ترا ہے یہ ایماں مرا
    رب کی کاری گری ،ہو مبارک تجھے
     
  18. فاتح

    فاتح لائبریرین

    مراسلے:
    15,737
    جھنڈا:
    Pakistan
    موڈ:
    Hungover
    نمائندہ تصویر دیکھ کر بچہ جان کے غلط فہمی کے باعث تخاطب میں کوئی گستاخی نہ سرزد ہو۔ اس لیے بہتر ہو گا کہ اپنی عمر ضرور بتا دیں :)
    میں نے یہ تمام مراسلے واقعی آپ کو بچہ سمجھ کر ہی کیے۔
     
    • پسندیدہ پسندیدہ × 1
    • پر مزاح پر مزاح × 1
  19. افتخاررحمانی فاخر

    افتخاررحمانی فاخر محفلین

    مراسلے:
    651
    جھنڈا:
    India
    موڈ:
    Buzzed
    میری عمر تقریباً 27-28سال ہوگی۔لیکن پھر بھی آنجناب مصلحین کےسامنے بچہ ہی ہوں اور بڑوں کےسامنے ہمیشہ بچہ ہی رہوں گا۔
     
    • دوستانہ دوستانہ × 2
  20. الف عین

    الف عین لائبریرین

    مراسلے:
    33,462
    جھنڈا:
    India
    موڈ:
    Psychedelic
    خالِ مشکیں بھی عجیب ترکیب ہے، واقعی خال ہے یا خوشبو والی بریانی کا تھال ہے! اس پر ایمان! بس اس خال سے ہی رب کی کاریگری کا ثبوت ملتا ہے اور اسی کے باعث وہ دلربا اور دلنشیں ہے؟
    .. مقطع تو ہے ہی نہیں اس غزل میں، اس آخری شعر کو مقطع کہنا غلط ہے، مقطع میں تخلص ضروری ہے
     
    • پر مزاح پر مزاح × 1

اس صفحے کی تشہیر