1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

اشک بہاؤ آہ بھرو فریاد کرو ۔ شاد امرتسری

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏ستمبر 7, 2019

  1. فرخ منظور

    فرخ منظور لائبریرین

    مراسلے:
    12,631
    جھنڈا:
    Pakistan
    موڈ:
    Cold
    غزل

    اشک بہاؤ آہ بھرو فریاد کرو
    کچھ تو قفس میں شکوۂ استبداد کرو

    ہر سو مرگ آثار خموشی چھائی ہے
    درد کے مارو شورشِ حشر ایجاد کرو

    صحرا صحرا خاک اڑانے سے حاصل
    قریہ قریہ قصرِ ستم برباد کرو

    عرضِ تمنا پر اب قدغن کیا معنی
    اپنے وعدے اپنی قسمیں یاد کرو

    آؤ آوارہ و گریزاں امیدو
    گھر کی ویرانی کو پھر آباد کرو

    شوقِ طلب ہی اول و آخر منزل ہے
    قیس بنو یا پیرویِ فرہاد کرو

    اوروں کو ترغیبِ طرب دینے والو
    ہم ایسے درویشوں کو بھی شادؔ کرو

    (شادؔ امرتسری)
     
    آخری تدوین: ‏ستمبر 7, 2019
    • زبردست زبردست × 1

اس صفحے کی تشہیر