اشعار کا سلسلہ،حروف ِ تہجی سے

[سیما علی]

جب سمندر تری آواز سے بھر جاتا ہے
دیر لگتی ہے کنارے کی طرف آنے میں
ظفر اقبال

 

[طاہر شیخ]

حیراں ہوں دل کو روؤں کہ پِیٹوں جِگر کو میں
مقدور ہو تو ساتھ رکھوں نوحہ گر کو میں

 

[سیما علی]

چ سے لکھنا تھا ۔۔۔۔

چلے چلیں گے زمانے کے ساتھ بھی اک دن
قبول کرنا پڑے گی یہ مات بھی اک دن

آشفتہ چنگیزی​

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے۔

 

[سیما علی]

خمارِ اوّلینِ ذات ٹوٹا
سو اب کیفیّتِ ثانی میں ہوں مَیں

لیاقت علی عاصم​

 

[آورکزئی]

دل دے تو اس مزاج کا پروردگار دے
غم کی گھڑی کو بھی ہنس کر گزار دے

 

[شمشاد]

ڈرتا ہوں آسمان سے بجلی نہ گر پڑے
صیاد کی نگاہ سوئے آشیاں نہیں
مومن خاں مومن

 

[سیما علی]

ذرا میں زخم لگائے، ذرا میں دے مرہم
بڑے عجیب روابط مرے صبا سے ہیں
خورشید رضوی

 

[شمشاد]

راز ہے ، راز ہے تقدير جہان تگ و تاز
جوش کردار سے کھل جاتے ہيں تقدير کے راز
علامہ اقبال

 

[سیما علی]

سرِ لامکاں سے طلب ہوئی
سُوئے مُنتہٰی وہ چلے نبیﷺ
عنبر شاہ وارثی

 

[سیما علی]

شب پہ فتح پانی ہے، آرزو جگانی ہے
میری اور سورج کی ایک ہی کہانی ہے

 

[طاہر شیخ]

صلیبِ وقت پہ میں نے پکارا تھا محبت کو
میرے آواز جس نے بھی سنی ہو گی ہنسا ہو گا

نامعلوم

 

[شمشاد]

ضروری تو نہیں اک فصل گل ہو
جنوں کے اور بھی موسم بہت ہیں
کرامت بخاری

 

[سیما علی]

طالب دست ہوس اور کئی دامن تھے
ہم سے ملتا جو نہ یوسف کے گریباں سے ملا
مصطفیٰ زیدی

 

[سیما علی]

طور پر چھیڑا تھا جس نے آپ کو
وہ مری دیوانگی تھی میں نہ تھا
عبدالحمید عدم

 

[سیما علی]

ظلمات کے جھرمٹ ویسے تو بجلی کی چمک سے ڈرتے ہیں
پر بات اگر کچھ بڑھ جائے تاروں سے سبو ٹکرا دینا
عبدالحمید عدم

 

[طاہر شیخ]

عجیب لوگ ہیں کیا خوب منصفی کی ہے
ہمارے قتل کو کہتے ہیں خودکشی کی ہے

حفیظ میرٹھی

 

[سیما علی]

عجیب لوگ ہیں کیا خوب منصفی کی ہے
ہمارے قتل کو کہتے ہیں خودکشی کی ہے

حفیظ میرٹھی

غیروں سے کہا تم نے غیروں سے سنا تم نے
کچھ ہم سے کہا ہوتا کچھ ہم سے سنا ہوتا

 

[طاہر شیخ]

فسانے اپنی محبت کے سچ ہیں، پر کچھ کچھ
بڑھا بھی دیتے ہیں ہم زیب داستاں کے لئے
شیفتہ

 

[سیما علی]

قریبِ دل، خروشِ صد جہاں ہم
جو تم سن لو، تمہاری داستاں ہم

 

[طاہر شیخ]

کنار صحن چمن سبز بیل کے نیچے
وہ روز صبح کا ملنا تو اب فسانہ ہوا