اشعار - حروف تہجی کے لحاظ سے

[سیما علی]

زمیں پر پاؤں، نخوت سے نہیں رکھتے پری پیکر
یہ گویا اِس مکاں کی دوسری منزل پہ رہتے ہیں

 

[سیما علی]

سوال ہی کا سلیقہ نہ تھا تو کیا کرتے
یہی کہ ہم درِ پیرمغاں سے لوٹ آئے

 

[سیما علی]

شگوفے آ گئے پلکوں پہ درد کے آخر
چھپا سکے نہ میرے راز، راز داں میرے

 

[سیما علی]

صحبت عجب طرح کی پڑی اتفاق ہے
کھو بیٹھئے جو آپ کو، تو اُس کو پائیے

 

[سیما علی]

طوفانِ نوحؑ لانے سے اے چشم فائدہ؟
دو اشک بھی بہت ہیں اگر کچھ اثر کریں

 

[سیما علی]

ظاہر کی آنکھ سے نہ تماشا کرے کوئی
ہو دیکھنا تو دیدہ دل وا کرے کوئی

 

[سیما علی]

عیشِ شبِ وصال کو ہے صبحِ ہجر بھی
ٹھہری ہے یار کل پہ ملاقات آج کی

 

[سیما علی]

غالباً میرے علاوہ کوئی گزرا بھی نہیں
تیری منزل میں کہیں نقشِ کفِ پا بھی نہیں

 

[شمشاد]

فکر فردا بھی کریں گے حیرتؔ
پہلے یہ شب تو بسر ہو جائے
عبدالمجید حیرت

 

[سیما علی]

قوت عشق سے ہر پست کو بالا کردے
دہر میں اسم محمد سے اجالا کر دے۔

 

[شمشاد]

کبھی کبھی تو چھلک پڑتی ہیں یوں ہی آنکھیں
اداس ہونے کا کوئی سبب نہیں ہوتا
بشیر بدر

 

[گُلِ یاسمیں]

گزر گئے ہیں جو خوشبوئے رائیگاں کی طرح
وہ چند روز میری زندگی کا حاصل تھے
اب ان سے دور کا واسطہ بھی نہیں ناصر
وہ ہمنوا جو میرے رتجگوں میں شامل تھے

 

[شمشاد]

لائی حیات آئے قضا لے چلی چلے
اپنی خوشی نہ آئے نہ اپنی خوشی چلے
شیخ ابراہیم ذوقؔ

 

[گُلِ یاسمیں]

میں دوستوں کی عنایتوں سے ڈرا ہوا ہوں
فلکؔ صفِ دشمناں سے آگے اُتار مجھ کو
افتخار فلک

 

[گُلِ یاسمیں]

نہ جہت تیرے لیئے ہے نہ کوئی جسم ہے تو
چشم ظاہر کو ہے مشکل نظر آنا تیرا
شش جہت چھان چُکے ہم تو کھُلا ہم پہ حال
رگِ گردن سے ہے نزدیک ٹھکانا تیرا

امیر مینائی

 

[سیما علی]

وہ ہمیں بھولنا چاہیں تو بھلا دیں پَل میں
ہم انہیں بھولنا چاہیں تو زمانے لگ جائیں

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے

 

[سیما علی]

ہاں جو جفا بھی آپ نے کی قاعدے سے کی
ہاں ہم ہی کاربندِ اصولِ وفا نہ تھے

 

[سیما علی]

یہ ضبط ٹوٹ گیا تو تمھاری یاد آئی
میں تھک کے ٹوٹ گیا تو تمھاری یاد آئی

تمھارے بعد نہ کوئی تھا مرا ،دل کے سوا
یہ دل بھی روٹھ گیا تو تمھاری یاد آئی

 

[سیما علی]

اس کی سخن طرازیاں میرے لیے بھی ڈھال تھیں
اس کی ہنسی میں چھپ گیا اپنے غموں کا حال بھی
پروین شاکر

 

[سیما علی]

بس اِک غبارِ وہم ہے یک کوچہ گرد کا
دیوارِ بُود کچھ نہیں اور دَر بھی کچھ نہیں