اشعار - حروف تہجی کے لحاظ سے

[الف عین]

پھر نظر میں پھول مہکے دل میں پھر شمعیں جلینں
پھر تصوّر نے لیا اس بزم میں جانے کا نام

فیض

 

[شمشاد]

تھک گئے ہیں ہم تیرے روز کے ستانے سے
توڑ دے تعلّق کو اس طرح نبھانے سے
(ناہید ورک)

 

[عمر سیف]

ٹھہرو ذرا کہ مرگِ تمنا سے پیش تر
اپنی رفاقتوں کر پلٹ کر بھی دیکھ لوں

 

[شمشاد]

ث سے معذرت

جھلملاتا تھا جو آنسو میری آنکھوں میں وہ اب
شدّتِ غم سے نکل کر تارِ مژگاں ہو گیا
(ناہید ورک)

 

[عمر سیف]

چاندنی بھی شبِ غم کی مجھے یوں لگتی ہے
تنِ مفلس پہ ہو زردار کی اُترن جیسے

 

[شمشاد]

حق وفا کا جو ہم جتانے لگے
آپ کچھ کچھ مسکرانے لگے
(حالی)

 

[عمر سیف]

خزاں کی رُت میں لمحہِ جمال کیسے آگیا
یہ آج پھر سنگھار کا خیال کیسے آگیا

 

[شمشاد]

دنیا میں ک۔ہاں قدر بھ۔لا اش۔۔کِ وف۔۔ا ک۔۔ی
کچھ تو نے بھی اے دیدۂ گریاں نہیں دیکھا
(سرور)

 

[عمر سیف]

ڈالتے اس پہ کمندیں، وہ کوئی چاند نہ تھا
سو جتن سب نے کئے ہاتھ نہ آیا سورج

 

[شمشاد]

ذہن پے چھائی ہوئی غم کی گھٹا ہو جیسے
درد میں ڈوبی ہوئی ساری فضا ہو جیسے
(کرشن ادیب)

 

[عمر سیف]

راہ میں لٹ کے بیٹھنے والو
اب کسی کو نہ ہمسفر کہنا

 

[شمشاد]

زبان سخن کو، سخن بانکپن کو ترسے گا
سخن کدہ میری طرزِ سخن کو ترسے گا
(ناصر کاظمی)

 

[عمر سیف]

سکوتِ حلقۂ زنداں سے ایک گونج اُٹھی
اور اس کے ساتھ مرے ساتھیوں کی یاد آئی

 

[شمشاد]

شاید کہ دل میں تھی مہمان خواہش
میں ہوں وہی تیری ناہید خواہش
(ناہید ورک)

 

[عمر سیف]

صبح جس روشنی کی خوشبو ہے
میں اسی گل کی چشمِ تر میں ہوں

 

[شمشاد]

ضبطِ غمِ الفت پر نازاں ہوں بہت لیکن
جب ی۔اد ت۔۔ری آئ۔۔ی، واللہ بہت آئ۔۔۔ی
(سرور)

 

[عیشل]

طبیعت جب اپنی گھبراتی ہے سنسان راتوں میں
ہم ایسے میں تری یادوں کی چادر تان لیتے ہیں

 

[شمشاد]

ظاہر کرے ہے جنبشِ مژگاں سے مدعا
طفلانہ ہاتھ کا ہے اشارہ زبانِ اشک
(چچا)

 

[محمد وارث]

عادت ہی بنا لی ہے تم نے تو منیر اپنی
جس شہر میں بھی رہنا اکتائے ہوئے رہنا

 

[شمشاد]

غم کا خزانہ تیرا بھی ہے میرا بھی
یہ نذرانہ تیرا بھی ہے میرا بھی
(شاہد کبیر)