اس دل میں تیری یاد کا طوفان رہے گا (براے اصلاح و تنقید)

عبدالودود

محفلین
اس دل میں تیری یاد کا طوفان رہے گا
جو تم چلے جاؤگے تو ارمان رہے گا

میں شب میں بُلاتا ہوں تجھے خواب میں اکثر
گر سامنے آؤ گے تو احسان رہے گا۔

جس شخص نے دیکھا ہے تجھے روبرو ہو کر
کرتا ہوں میں دعوہ کہ وہ حیران رہے گا۔

اجنبی بن کےجو تو سامنے سے گزرے گی
نہ میرا ہوش، نہ دھڑکن و نہ اوسان رہے گا۔

کب تک کرو گی تم یہ سزاۓ تازیانہ
لگتا ہے کہ محشر تک یہ دیوان رہے گا۔

ہم چاہیں یا نہ چاہیں پر کچھ نہیں کر سکتے
عمر بھر ہمارے سر پہ تُو سلطان رہے گا۔

تو اگر کہے ! تو ہو جاؤں گا فانی
پر یاد رکھو پھر بھی یہ داستا ن رہے گا۔

عبدالؔ کہ وقت ہے ابھی تو چھوڑ دے دنیا۔
ورنہ تیری پاک دامنی پہ بہتان رہے گا۔
 
اچھی کوشش ہے۔۔۔

ایک طالب علم ہونے کی حیثیت سے کچھ باتیں:
۱۔ ابتدائی تین اشعار کے علاوہ باقی سب وزن سے خارج ہیں۔
۲۔ مطلع کے مصرع اول میں ”تیری“ کے بجائے ”تری“ لکھیں۔
۳۔ دوسرا شعر شترگربہ کا شکار ہے، اس کے پہلے مصرع میں ”تجھے“ کو ”تمھیں“ کردیں۔
۴۔ تیسرے شعر میں لفظ ”دعوہ“ کو ”دعوی“ لکھیں۔
۵۔ اشعار کے آخر میں ”۔“ نہیں لکھتے۔

مزید رہنمائی اساتذہ فرمائیں گے۔
 

عبدالودود

محفلین
محمد اسمہ بھائ ، سب سے پہلے تو بیحد شکریہ کہ آپ نے اتنی اچھی راے دی اور مجھے اس سے سیکھنے کو ملا، میں ضرور اس پر عمل کرو نگا۔ اور اس کے بعد اگر ہو سکے تو براے مہربانی میرے میری دوسری غزلوں پر بھی نظرثانی کریں۔
 
محمد اسامہ بھائ ، سب سے پہلے تو بیحد شکریہ کہ آپ نے اتنی اچھی راے دی اور مجھے اس سے سیکھنے کو ملا، میں ضرور اس پر عمل کرو نگا۔ اور اس کے بعد اگر ہو سکے تو براے مہربانی میرے میری دوسری غزلوں پر بھی نظرثانی کریں۔
اللہ خوش رکھے۔
 

طارق شاہ

محفلین
بنیادی معلومات کے بغیر مصرعے موزوں کرنا بھی ممکن نہیں
غزل یا شاعری تو بعد کی بات ہے ، اس مد میں ذرا وقت لگائیں
مؤنث ، مذکر، واحد، جمع ، اسم ، فعل وغیرہ اوزان صحیح کردینے
سے بھی ٹھیک تو نہیں ہو جائیں گے اپنے آپ ۔
بنیادی باتیں اور اردو قوائد سے واقف ہو جائیں گے تو باقی باتیں
خود بخود وقوع پذیر ہوتی رہیں گی ،

ربط اور ویسے ہی مشق کے لئے
میری تُک بندی : (شاعری نہیں)
:-


اس دل میں تیری یاد کا طوفان رہے گا
جو تم چلے جاؤگے تو ارمان رہے گا

جانے پہ تِرے، دل میں یہ ارمان رہے گا
اپنا نہ بنا پایا ، کا طوفان رہے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میں شب میں بُلاتا ہوں تجھے خواب میں اکثر
گر سامنے آؤ گے تو احسان رہے گا

ویسے تو، نظر آتے ہو تم خواب میں اکثر
گر سامنے آؤ گے تو احسان رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جس شخص نے دیکھا ہے تجھے روبرو ہو کر
کرتا ہوں میں دعوہ کہ وہ حیران رہے گا

جس نے بھی تِرا حُسن خود آنکھوں سے نہ دیکھا
اوروں سے سُنی بات پہ حیران رہے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اجنبی بن کےجو تو سامنے سے گزرے گی
نہ میرا ہوش، نہ دھڑکن و نہ اوسان رہے گا

گزرو گے اگرپاس سےاک اجنبی بن کر
قائم مِرا کیا خاک کچھ اوسان رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کب تک کرو گی تم یہ سزاۓ تازیانہ
لگتا ہے کہ محشر تک یہ دیوان رہے گا

کرتی ہے تِری دِید غزل روزمیسّر
تجھ سے ہی مکمل مِرا دیوان رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم چاہیں یا نہ چاہیں پر کچھ نہیں کر سکتے
عمر بھر ہمارے سر پہ تُو سلطان رہے گا

میں چاہُوں نہ چاہُوں مگراِس دل کا ہے کہنا
اب زندگی بھر تُو مِرا سلطان رہے گا

۔۔۔۔۔۔۔۔۔۔۔۔۔۔۔۔۔۔۔۔۔
تو اگر کہے ! تو ہو جاؤں گا فانی
پر یاد رکھو پھر بھی یہ داستا ن رہے گا

رہنے کو اگر رہ بھی لیا تیرے بنا میں
دل میرا تِرے بن جو بیابان رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عبدالؔ کہ وقت ہے ابھی تو چھوڑ دے دنیا۔
ورنہ تیری پاک دامنی پہ بہتان رہے گا

ابدال اگر چھوڑ کے جائے جو جہاں کو
تا عمر تِری ذات پہ بہتان رہے گا

۔۔۔۔۔۔۔۔۔۔۔۔۔۔۔۔۔۔۔
عبدال سے عاجز جو ہُوئی ساری یہ دنیا
اک تیرے مِلن سے بھلا انسان رہے گا

۔۔۔۔۔۔۔۔۔۔۔۔۔۔۔۔۔۔۔۔۔

بہت خوش رہیں اور پڑھتے رہیں :):)
 
آخری تدوین:

عبدالودود

محفلین
سلام طارق شاہ صاحب۔ بیحد شکریہ۔ بہت صورت طرح سے اصلاح کئی، اور اپکے کہنے پر عمل کرتے ہوے مزید شعروشاعری پڑنا اور عروض سیکھنا شروع کر دیا ہے۔ امید ہے انشااللہ آگے یہ غلطیا ں درست ہو جایں گی۔
اللہ آپ کو ہمیشہ خوش رکھے۔ آمین
 
Top