اسی درد آشنا دل کی طرف داری میں رہتے ہیں ٭ مہتاب حیدر نقوی

[محمد عدنان اکبری نقیبی]

اسی درد آشنا دل کی طرف داری میں رہتے ہیں
ہم اپنے آپ میں گم اپنی غم خواری میں رہتے ہیں

یونہی ہم رفتہ رفتہ دل گرفتہ ہوتے جائیں گے
کہ ہم اپنے غموں کی ناز برداری میں رہتے ہیں

یہ دنیا ہم نے دنیا دار کی آنکھوں سے دیکھی ہے
مگر اے دل ہم اپنی ہی عمل داری میں رہتے ہیں

ہمارے سکھ بہت کم اور دکھ ان سے بہت کم ہیں
سو ہم بھی آج کل ان کی نگہ داری میں رہتے ہیں

ابھی اہل ہوس دنیا میں کیا کیا گل کھلائیں گے
ابھی اہل جنوں خواب جہاں داری میں رہتے ہیں

مہتاب حیدر نقوی​

 

[الف عین]

حوالہ بھی دے دیتے ہمارے دوست کی اس غزل کا!

 

[محمد عدنان اکبری نقیبی]

حوالہ بھی دے دیتے ہمارے دوست کی اس غزل کا!

جی بہتر استاد محترم ،
ریختہ پر محترم کا کلام موجود ہے ۔