اساتذہ سے اصلاح کی درخواست

[امان زرگر]

متقارب مسدس سالم
فعولن فعولن فعولن

شبِ ہجر محشر بپا تھا
ستم مجھ پہ ایسا روا تھا
جفا پیشہ ان کی نظر تھی
مرا دل جنوں آشنا تھا
تغافل کا تجھ سے گلا کیوں
جو قسمت میں دستِ قضا تھا
تدارک ہو کیا سوز غم کا
مصیبت میں دل مبتلا تھا
میں ہوں معتبر اس سبب سے
جو کچھ مجھ میں میرے سوا تھا

 

[امان زرگر]

سر الف عین
سر محمد ریحان قریشی

 

[امان زرگر]

.

 

[الف عین]

مجھے تو کوئی خامی نظر نہیں آ رہی ہے بظاہر۔ دوسرے سینئر ارکان کیا کہتے ہیں؟

 

[امان زرگر]

۔۔۔
شبِ ہجر محشر بپا تھا
ستم مجھ پہ ایسا روا تھا

جفا پیشہ ان کی نظر تھی
مرا دل جنوں آشنا تھا

تغافل کا تجھ سے گلا کیوں
جو قسمت میں دستِ قضا تھا

تدارک ہو کیا سوزِغم کا
مصیبت میں دل مبتلا تھا

میں ہوں معتبر اس سبب سے
جو کچھ مجھ میں میرے سوا تھا​

 

[امان زرگر]

سر الف عین
۔۔۔۔۔
شبِ ہجر محشر بپا ہے
ستم مجھ پہ ایسا روا ہے

جفا پیشہ ان کی نظر تھی
مرا دل جنوں آشنا ہے

تغافل کا تجھ سے گلا کیوں
جو قسمت میں دستِ قضا ہے

تدارک ہو کیا سوزِغم کا
مصیبت میں دل مبتلا ہے

میں ہوں معتبر اس سبب سے
جو کچھ مجھ میں میرے سوا ہے​

 

[منذر رضا]

امان زرگر
بخدا عمدہ ہے۔۔۔۔شاعر کے تخیل کی داد تو بنتی ہے۔۔۔۔

 

[الف عین]

درست ہے غزل بلکہ اچھی ہے

 

[امان زرگر]

امان زرگر
بخدا عمدہ ہے۔۔۔۔شاعر کے تخیل کی داد تو بنتی ہے۔۔۔۔

بہت شکریہ۔

 

[امان زرگر]

سر الف عین
سر محمد ریحان قریشی
سر محمد تابش صدیقی

مکمل غزل کچھ تبدیلیوں کے بعد۔۔۔ نظر ثانی کی درخواست ہے
۔۔۔۔۔۔

ستم ہر گھڑی اک نیا ہے
شبِ ہجر محشر بپا ہے

جفا پیشہ ان کی نظر تھی
مرا دل جنوں آشنا ہے

تدارک ہو کیا سوزِغم کا
مصیبت میں دل مبتلا ہے

مرا نالہ سن کر وہ بولے:
کوئی شاعرِ خوش نوا ہے

میں دیکھوں بہ چشمِ تحیّر
جو شورش پسِ آئنہ ہے

مقامِ فنا گر نہیں ہے
بتا پھر جنوں اور کیا ہے

اسی کے سبب معتبر ہوں
جو کچھ مجھ میں میرے سوا ہے

امان زرگر​

 

[الف عین]

واہ، اچھی غزل ہے