تیرہویں سالگرہ اردو محفل میری نظر میں

بہت خوب!

 

لاجواب

 

یہ ناز ہے کہ تری آرزو میں جیتے ہیں
یہ فخر ہے کہ تری ذات سے تعلق ہے
عدم

 

محفل(ساقی) ترے خلوص نے گرویدہ کر دیا
آیا تھا ورنہ میں بھی ادھر ایک کام سے
عدم

 

جو لمحہ محفل(میکدے) کی ہوا میں کٹے عدم
وہ لمحہ قیمتی ہے حیاتِ دوام سے
عدم

 

عدم کی ایک غزل کافی تحریف کے بعد​

ستارے بیخود و سرشار ہیں، اِس پیاری اردو محفل میں
اندھیرے روکشِ انوار ہیں،اِس پیاری اردو محفل میں

مسائل زندگی کے جو کبھی سیدھے نہ ہوتے تھے
سراسر سہل اور ہموار ہیں اِس پیاری اردو محفل میں

اگرچہ محتسب بھی ان گنت ہیں اس شبستاں میں
مگر سب میکشوں کے یار ہیں اِس پیاری اردو محفل میں

گماں ہوتا تھا شاید زندگی پھولوں کا گجرا ہے
گلوں کے اِس قدر انبار ہیں اس پیاری اردو محفل میں

عدم مت پوچھ کیا کیفیتیں ہیں ذہن پر طاری
نشاطِ روح کے معمار ہیں اِس پیاری اردو محفل میں​

 

بہت خوب! اعلی!

 

اردو محفل کے علاوہ میں نے کبھی کسی فورم پہ نہیں گئی۔ ایک مرتبہ دیکھا بھالا تھا کسی فورم کو تھوڑا سا۔ لیکن ممبر شپ نہیں کی۔ فیس بک پہ بھی بہت کم ہی جانا ہوتا ہے۔اردو محفل کے ہوئے تو بس یہی سہیلی،یہی ادارہ، یہی لائبریری، یہاں چائے خانہ بھی ہے (چاہے نہ جائیں پر اطمینان تو ہے ناں کہ کبھی بھی چائے پینے جایا جا سکتا ہے۔)کہیں مشاعرہ میں شرکت کر لیتے ہیں۔ کبھی کوئی ویڈیو دیکھ لی۔ کبھی کہیں سیر پہ چل دیے۔ باورچی خانہ میں بھی کچھ نہ کچھ پک ہی جاتا ہے۔ کمپیوٹر سے متعلق معلومات بھی مل جاتی ہیں۔ بلکہ کوئی بھی کسی بھی طرح کا مسئلہ ہو ،آرام سے بتا دو تو کوئی نہ کوئی محفلین حل بتا دیتا ہے۔اس قدر سیکھنے کو ملتا ہے کہ کیا ہی کہیں اور مل سکتا ہو!